BOSHNYAKUNO KOMUNITETI
VASH O KOMUNITETI
Boshnyakuno komuniteti sito duyto may baro haricuno komuniteti ani Kosova.
Buderi e boshnyakengo jivdinena ani Prizrenoski komuna, ji kay konsiderime komunitetya boshnyakenge si ano Dragash, Peya, Istog thay Upruni Mitrovica.
Boshnyakya siton yekh komuniteti may buderi muslimanya slavya, avutne kotar slavyune fisya kay migrinde ani Ratoriguni Evropa ano shovto thay eftato shelibers palo Khangeri. Ko sasutnipe, sar albanyuno komuniteti, on praktikinena o Islami Suni, may bari kranga e Islameski. Ani Kosova adive boshnyakya shay te ulavgyon ano duy grupe. Angluno kergyola odolendar kay migrinde ani Kosova ano ververutne periodya kotar Bosna, Montenegro thay, may buderi, kotar Sanjako, ulavipeya palo agoripe e osmanyune phiravipesko ano regioni . Akaya grupa sitoy koncentrimi pashe e regionyenge ani Peya, Istogi thay Mitrovica thay, yekh tikno gedno, ani Prishtina. Duyto grupa astarela odolen kola tradicionalune jivdinde ano Prizrenosko regioni, Dragashi thay Zhupa.
Kosova penjarla Mashkarthemutno Dive e Boshnyakengo, 28 septembri, sar Dive vash pelaripe pe godi.
Boshnyakuno komuniteti ani Kosova vastinela latinyuni alfabeta thay vakerla e boshnyakuni qhib; yekh slavyuni qhib phangli khetane e srbyuna qhibya, kroatyuna thay montenegruni. Kosovako publikuno edukipesko sistemi dela edukipe pe boshnyakuni qhib ano nesave komune. Boshnyakuni qhib penjargyola sar qhib ofisialuni ano komune Dragash, Peya thay prizreno thay sar qhib ano ofisialuno vastipe ani Istogeski komuna.
Boshnyakuno komuniteti sile trin (3) beshlinya garantime ano Kosovako Sombeshipe thay anavinla trin (3) jene ano KKK.
Jene e KKK (Konsultativuno Konsili vash Komunitetya)
Dive e Boshnyakune Komunitetesko ani Kosova
28 Shtator
Sombeshipeske Deputetya
Samra Ilijaz
New Democratic Party (NDS)
Duda Balje
Social Democratic Union (SDU)
Bahrim Šabani
Vakat Coalition (KV)
