SRBYUNO KOMUNITETI
VASH O KOMUNITETI
Srbya kerena o may baro haricuno komuniteti ani Kosova.
Srbyuno komuniteti diso decisimo ani Ratoriguni Evropa ano shovto thay eftato shelibersh e Khangeriako, sar kotor e phiripesko e slavyune fisengo ano akava regioni ano odova periodi. Srbyuno komuniteti ani Kosova sito ortodoksyuno thay Ortodoskyuni Khangeri e Srbiaki lungyarela te khelel centraluni rola ano adisuno serbyuno identiteti. Baro molipe dedikingyola e bare gendoseske e manastirengo thay vasne khangeriengo kerde ani Kosova ano XIII thay XIV shelibersh thay ulavipeya o phiravipe e seliako e Sherune peshkopesko e Srbyuna Ortodoksyuna Khangeriako ani Peya pe agor e deshutrinto shelibershesko. But kotar akala khangeria thay manastirya aqhile adive ani Kosova thay konsideringyona sar vasno kotor e serbyune kulturune barvalipesko. Kosova sine beshipesko than e ‘Kosovake Maripesko’, kerdi pe bersh 1389 mamuy osmanlienge zoralipya. Akava maripe lungyarela te khelel yekh vasni rola ani historia e srbyune miteya adive thay pandar pelargyola pe godi sakova bersh pe 28 yuni prekal e festa ‘Vidovdan’. Srbyuno komuniteti sito pashe ulavdo ano mashkar e upruna Kosovako thay odoya yuguni. Siton ko sasutnipe desh komune kote o srbyuno komuniteti sito gendoa buderipe. May bare srbyune komunitetya jivdinena ano shtar uprune komune thay ano yugune komune Graqanica thay Shtrpca. May tikne serbyune komunitetya shay te arkahlona ani sah Kosova talo Ibreski len, may buderi ani Centraluni thay Ratoriguni Kosova. Srbyuno komuniteti ani Kosova vakerla srbyune, kova pashe e albanyuna qhibyake sito yekh e duy ofisialune qhibyendar ani Kosova. Ini latinyuno alfabeti thay odova qirilikuno vastingyona kotar srbyuno komuniteti ani Kosova. Srbyuno komuniteti sile may hari (10) beshlinya garantime ano Kosovako Sombeshipe, thay panj (5) reprezentya ano Konsultativuno Konsili vash Komunitetya (KKK).
