Ministria e Arsimit, Shkencës, Teknologjisë dhe Inovacionit ka shpallur thirrje për ndarjen e bursave për nxënësit e shkollave të mesme për komunitetin rom, ashkali dhe egjiptian për vitin shkollor 2024/2025.
Kushtet e përgjithshme për ndarjen e bursave:
Bursat ndahen për nxënësit e komunitetit rom, ashkali dhe egjiptian, të regjistruar në klasën e 10-të, 11-të, 12-të të arsimit të mesëm të lartë, shkollës së mesme dhe shkollës profesionale në Republikën e Kosovës, për vitin shkollor 2024/2025.
Objektivat kyçe të projektit janë:
- Përfshirja e nxënësve nga komunitetet rom, ashkali dhe egjiptian në arsimin e mesëm të lartë në shkollat publike të Republikës së Kosovës;
- Ofrimi i iniciativave, duke përfshirë dhënien e bursave për të reduktuar braktisjen e shkollës të studentëve nga komunitetet rom, ashkali dhe egjiptian;
- Rritja e numrit të nxënësve, që do të ndjekin arsimin e mesëm të lartë, përmes mbështetjes financiare përmes bursave;
- Rritja e suksesit të studentëve, duke ofruar mbështetje financiare.
Për më shumë informacione lidhur ftesën shiko linkun në vijim: https://masht.rks-gov.net/konkurs-per-ndarjen-e-bursave-per-nxenesit-e-shkollave-te-mesme-te-larta-per-komunitetet-rom-ashkali-dhe-egjiptian-per-vitin-shkollor-2024-2025/
Afati për aplikim: 11 nëntor 2024
