Sar sip e Nukta 10 e Krisesko gn. 06/L-010 vash Noteria, yaverindo thay pherdo e Kriseya gn. 08/L-149 thay Kriseya gn. 08/L-272, sar vi Decisia 36/2025 kotar 06.02.2025, Ministria e Hakaipeski puterla:
PALEM PUBLIKUNO KONKURIPE VASH ALOSARIPE E NOTERENGO
Informingyona o sah interesime kandidatya kola mangena te aplikinen vash konkursi vash alosaripe e notaresko kay:
Ministria e Hakaipeski hraminela konkursi vash 28 tromale pozicie e notarenge ano akala komune e Kosovaka Republikako:
- Prizrenoski komuna, panj (5) notarya;
- Prizrenoski komuna, panj (5) notarya;
- Ferizayeski komuna, yekh (1) notari;
- Poduyevaki komuna, trin (3) notarya;
- Vuqitrnaki komuna, duy (2) notarya;
- Gllogovaceski komuna, yekh (1) notari;
- Malishevaki komuna, yekh (1) notari;
- Istogeski komuna, yekh (1) notari;
- Klinaki komuna, yekh (1) notari;
- Fush Kosovaki komuna, duy (2) notarya;
- Dragasheski komuna, yekh (1) notari;
- Kaqanikoski komuna, yekh (1) notari;
- Zveqanaki komuna, yekh (1) notari;
- Ranilugeski komuna, yekh (1) notari;
- Partesheski komuna, yekh (1) notari;
- Leposaviqeski komuna, yekh (1) notari.
E aplikipeya sito musayutno te den o verifikime dokumentya kola mothavena kay o kandidati pherela krisyune kondicie, thay odola:
- Certifikaya e themipeski;
- Mothavipe kotar e kriselin kay kandidatesta na lelilo butyako gatisaripe;
- Mothavipe kay e sovlideipeya e kandidateski vash personaluno thay profesionaluno integriteti, koya musay te ovel NOTAREA VERIFIKIMI;
- Mothavipe vash nakhavdo krislinyako testi;
- Mothavipe vash nakhavdo testi vash noteri, dendo kotar o ministri/a e hakaipeski, kola musay te oven dende ani NOTARESKI VERIFIKIMI kopia;
- Mothavipe kay o kanididati na sito krisima ani krisleinyaki decisia vash penaluno ovipe, kova musay te ovel dendo ano originali vay ani NOTERESKI VERIFIKIMI kopia;
- Certifikata kotar bankako konto vash palune shov (6) maseka vay yaver mothavipe kay o kandidati sito financiarune zoralo kay te formirinel noteresko ofisi, vay te del manglo than thay sheya vash keripe e notareska butyako.
Dokumentya dengyona ani Ministria e Hakaipeski (ejs obyekti e Rilindyako), teluno kati, Arhiva e Ministriako vash Hakaipe, Prishtina, Kosovaki Republika, sakova butyako dive kotar 08:00 ji pe ora 16:00.
Ano resipe e buhlaripesko e notareske servisesko ani sah teritoria e Kosovaka Rpeublikako, kandidati kova aplikinela ano akava publikuno konkursi gndingyola kay akceptinela o anavipe ani sakoya komuna e Kosovaka Republikako kote si alosarde noterenge pozicie.
Pheruno mothavipe: Kandidatya kola aplikinde ano Publikuno konkursi vash alosaripe e noterengo kotar 17.12.2024. na manglape palem te aplikinen. Gndingyola kay akava palem hramipe e konkursesko yaverinela o Publikuno konkursi vash alosaripe e noterengo kotar 17.12.2024.
Vash detalune informacie shay te dikhen ani ofisialuni rig e Ministriako vash Hakaipe https://md.rks-gov.net/sr/notarske-takse/ vay ano gendo +383 38 200 67 035.
Paluno vahti vash deipe e dokumentaciako sito kotar 15.02.2025. ji pe 21.02.2025.
