Ofisi vash Komunitetenge Puqipya bahtakerela Mashkarthemutno dive e Juvlengo e sah juvlane yereske kotar sah nabuderune komunitetya, kay e khetanime zoralipyencar marahape vash polyuno yekhipe thay may shukar thay laqho jivdipe vash sah amenge!
Dive e juvlengo festina pe 8 marti sar simboli e maripesko vash yekhipe e juvlengo thay olenge hakaya. Akava dive sile o darinya ani butyarnengi akcia ko shrd e 20. shelibershesko, kana o juvla ani sah lumia mardepe vash may shukar butyake kondicie, hako e votako thay yekhuno pokipe. Angluno ofisialuno Dive e juvlengo ani sah lumia hramisalo pe 1909. bersh ano Yekhune Amerikake Thema, ji kay e ideya vash mashkarthemutni festa ali kotar e Evropa, nays e iniciativake e Klara Cetkin. Yekhune Thema pe 1977. bersh ofisialune penjarde o 8. marti sar dive dedikimo vash juvlenge hakaya thay polyengo yekhipe.
Adive o Juvlengo dive hramingyola ani sah lumia vash te dengyol e sama vash o reste suksesya, numay vi ano sfide kolencar o juvla pandar arakhlona ano maripe vash yekhipe. Maripe e juvlengo amende lungyargyola vash hako ano edukipe, hako ano reprezentipe ano decisiako leipe thay politika, thay sakova bersh bi phanglo ano resto suksesi musay te lungyargyol o maripe vash may shukar pozicia e juvlengi ano amaro malipe!
Vilestar OKP
(Ofisi vash Komunitetenge Puqipya)
