Buletini XXXX

VAZNE INFORMIPYA THAY DECISIE VASH DIZUNE:

Aprovisalo o Akciako plani vash 2025-2026 vash implementipe e Strategiako vash anglipe e hakayengo e Romane thay Ashkalyune komunitetengo!

Raipe pe obligipe pe 16. aprileya 2025 bersh ano 258 kedipe e Raipesko aprovingya o Akciako plani vash phiravipe e hakayengo e Romane thay Ashkalyune komunitetengo ani Kosova. Strategia astarela periodi kotar 2022-2026 bersh kote arkahlona konkretune aktivitetya e kosovake instituciengo ani umal e edukipeski, sastipe, butyaripe, socialune servisya, thanipe thay maripe mamuy diskriminipe vash yekhuno thay hakyuno malipe kote o jene e romane thay ashklayune komuntetengo na treteringyona sar ulavde kategorie, numay sar dizune e pherde thay garantime hakayenca. Reprezentya e civilune malipesko sar ini Evropako Konsili dena phiko ano implementipe akala strategiako thay dena phikoie e ofiseske vash shukarno raipe koya dikhlarela o sasutno procesi e strategiake implementipesko.

Strategia vash anglipe e hakyengo e Romane thay Ashkalyune komunitetengo shay te dikhen ano avutno linki: https://zqm.rks-gov.net/sr/dokumentet/54/grupi-punues-antidiskriminim-per-rom-ashkali-dhe-egjiptian.

Decisia e Raipeski koya arakhlola panjto rendoa shay te dikhen ano avutno linki: https://kryeministri.rks-gov.net/wp-content/uploads/2025/04/Odluke-258.pdf.

Hramisalo Mashkarthemutno dive e Romengo!

Vash o Mashkarthemutno dive e Romengo, 17-to aprileya organizisali ofisialuno manifestipe e financiarune phikoipeya kotar Ofisi vash komunitetenge puqipya, koya kedingya e reprezenten e instituciengo thay dizune e romane komunitetesko  vash te festinen akava vasno dive thay te den pakiv vash romani historia, kultura sar vi kontributi akale malipesko ano amaro multietnikuno malipe.

Ano manifestipe lela kotor o sherunoministri e Kosovaka Republikako, Albin Kurti, ano amalipe e talosherunaministrako thay yaver svelautne e Kosovake Raipesko, neve alosarde deputeti kotar o romano komuniteti, sar vi reprezentya e civilune malipesko thay pherde dizune.

Sherunoministri Kurti ano poro vakeripe lepargya o dedikipe e Raipesko vash yekhipe, inkluzia thay nadiskriminipesko treteripe e sah dizunengo, e ulavde vakeripeya ano phikoipe e romane komunitetesko ani umal sar si edukipe, kultura thay malipesko integripe.

Ovipe hramisalo e andripeske vakeripyencar, kulturake aktivitetencar thay diskusiencar vash nakhipe thay anglipe e romane komunitetesko ani Kosova, promovindoy o molipya e khetane jivdipesko, ververutnipe thay mashkaruno respekti. Mashkarthemutno dive e Romengo mothavel vasno momenti vash godinipe thay dedikipe ano keripe e may hakyune thay inkluzivune malipesko vash savore.

Vakeripe e sheruneministresko shay te dikhen ano avutno linki:

https://kryeministri.rks-gov.net/sr/blog/premijer-kurti-ucestvovao-je-na-dogadjaju-organizovanom-povodom-obelezavanja-svetskog-dana-roma/

shq. https://kryeministri.rks-gov.net/blog/kryeministri-kurti-mori-pjese-ne-ngjarjen-e-organizuar-me-rastin-e-shenimit-te-dites-boterore-te-romeve/

INSTITUCIONALUNO PHIKOIPE VASH DIZUNE:

INFORMIPE: Publikuno kharipe vash financiaruno phikoipe e centrenge vash siklipe e qalavde komunitetengo!

Ministria vash Edukipe, Skencia, Tehnologia thay Inovacia putergya kharipe vash phikoipe e biraipkane organizacienge kola phiravena o centrya vash siklipe dedikime vash siklovne e romane, ashkalyune thay egipqanyune komunitetya, sar vi yaver siklovnenge kolenge manglape pheruno azhutipe, Resipe akale proyektesko sito anglipe e edukipeske shaipyengo vash qhavore e marginalizime grupengo. Resipe akale kharipesko sito anglipe e edukipeske shaipengo vash qhavore kotar marginalizime grupe. Sah interesime organizacie shay te aplikinen e may buderi yekh proyekteya ano rami akale kharipesko.

Periodi e realizipesko e proyektesko sito kotar shov (6) ji desh (10) masek, shrdindoy kotar septembri 2025 bersh.

 May buderi detakya vash kriterya sar vi oveipe e aplikipesko shay te arakhen ano avutni linki : https://masht.rks-gov.net/sr/javni-poziv-za-pruzanje-finansijske-podrske-za-finansiranje-projekata-nevladinih-organizacija-koje-vode-centre-za-ucenje-koji-podrzavaju-ucenike-rome-askalije-i-egipcane-kao-i-druge-ucenike-koji-dop-2/

Shq. https://masht.rks-gov.net/thirrje-publike-per-ofrimin-e-mbeshtetjes-financiare-per-financimin-e-projekteve-te-ojq-ve-qedrejtojne-qendra-mesimore-qe-mbeshtesin-nxenesit-rom-ashkali-dhe-egjiptian-si-dhe-nxenes-tetjere-qe-kont/

Vahti vash aplikipe: 15. mayi 2025. 

Vash sasavo puqipe vash o kharipe kontaktineni: nazan.safqi@rks-gov.net

INFORMIPE:  Publikuno kharipe vash deipe e azhutipesko e phuvokernenge!

Ministria vash Phuvokeripe, Vesha thay Ruraluno evolviripe kharela e sah interesime phuvokernen kay te aplikinen vash phikoipe prekal Programi e direktune pokipyengo vash 2025. bersh.

Phikoipe dengyola vash akala kulturake barvalipya thay phuvokeripeske aktivitetya:

• Direktuno polkipe vash sivinipe e givesko thay produktimi/poroqimo ovipe e givesko;
• Direktuno pokipe vash thanipe e sivime givesko;
• Direktuno pokipe vash thanipe e sivime givutresko;
• Direktuno pokipe vash thanipe e sivime razhesko;
• Direktuno pokipe vash thanipe e sivime zobesko;
• Direktuno pokipe vash thanipe e sivime kolomokesko;
• Direktuno pokipe vash thanipe e sivime khameska luludyako;
• Direktuno pokipe vash shayutne drakheno thanipe e molesko thay moleske drakhengo;
• Direktuno pokipe vash produktimo thay ofisialune deklarimo mol;
• Direktuno pokipe vash shayutne frutenge thana;
• Direktuno pokipe vash dendi/bikimo ovipe e malinake kotorengo;
• Direktuno pokipe vash produktipe e sherune materialesko e frutarnengo thay moleska lozako;
• Direktuno pokipe vash thanipya sivinde mevalyenca;
• Direktuno pokiope vash organyuno produktipe;
• Direktuno pokipe vash saslaripesko thay aromatizime luludyale drabya;
• Direktuno pokipe vash muzyaripeske gurumna;
• Direktuno pokipe vash muzyaripeske bivolice;
• Direktuno pokipe vash angloproduktipeske yunice;
• Direktuno pokipe vash muzyaripeske bakre thay buzna;
• Direktuno pokipe vash karoske brla;
• Direktuno pokipe vash muzyaripeske bakre thay buzna;
• Direktuno pokipe vash karoske brla.

SAMA: Ovipe e aplikipesko ovela may buderi ano ofisya e Komunake direkciengo vash phiuvokeripe. Ano ovipe kana phuvokerne aplikinena vash buderi shaipya vay phuvokeripeske aktivitetya, phergyola thay dengyola numay yekh mangipe.

Vash may buderi informacie vash o kharipe dikheni ano avutno linki: https://mbpzhr.rks-gov.net/subvencije/

Shq. https://mbpzhr.rks-gov.net/subvencione/

Paluno vahti vash aplikipe: 02. mayi 2025, pe ora 16:00.

GRANTYA VASH BIRAIPKANE ORGANIZACIE:

INFORMIPE:  Kharipe vash tikne grantya vash proyektya!

Fondacia (KCSF)  kharela e individyen, naregistrime iniciative thay biraipkane organizacien kotar e Kosovaki teritoria te aplikinen ano tikne grantya dedikime vash realizipe e konkretune proyektengo ano lokalune komunitetetya.

Akala tikne grantya silen pe resipe te phikoinen o akcia kola dena dikhle rezultatya ano klaro definimo vahtesko periodi. Pyektya shay te oven tikne vahtune, numay e zorale potencialeya vash yaveripe – ini te lenpe sistematikune puqipyenca vay lokalune sfidenca.

Ano akava kharipe vash o grantya shay te aplikinen:

• Individya (dizune e Kosovaka Republikako)
• Naregistrime iniciative
• Biraipkane organziacie registrime ani Kosova

Lugipe e phiravipesko e proyektengo shay te ovel ji pe 12 masek, ji kay maksimaluno molipe shay t eovel 10.000 Euro.

Sah interesime kandidatya shay te pheren e aplikacia prekal online sistemi vash aplikipe.
Detalyune godideipya vash registripe ano vastipe e sistemesko shay te arakhen ani ofisialuni qham e platformaki ano avutno linki: https://kcsfoundation.org/sr/open-call/grantet-e-vogla-per-projekte/

Shq: https://kcsfoundation.org/open-call/grantet-e-vogla-per-projekte/

Vash may buderi infoirmipya/na pherune godinipya e timesko KCSF ani avutni email adresa: eja@kcsfoundation.org

SHAIPYA VASH O TERNE:

INFORMIPE: Grantya vash terne individya!

UNESCO piblikingya puterdo kjaripe vash deipe e tikne grantyengo e individyenge anpo rami e proyektesko „Kultura thay kreativiteti vash Ratoriguno Balkani“ (CC4WBs), financimo kotar Evropaki Unia. Akava kharipe sile pe resipe zorakeripe e kutlurake thay kreativune sektorengo ano regioni, vazdipe e dialogesko thay lekanipesko, thay bayaripe e socio-ekonomikune qalavipesko prekal anglalaipe e gatisaripyengo, janipyengo thay akcesi ano financiaruno phikoipe.​

Ko shay te aplikinel?

Hako vash aplikipe silen thanutne e themyengo e Ratorigune Balkanesko kola siton vastune e IPA fondyengo: Albania, Bosna thay Hercegovina, Montenegro, Kosova, Upruni Makedonia thay Serbia.​

Shayutne grantya:

1. Artisktikune rezidencie: Grantya ji pe 5.000 EUR siton dedikime vash artistya kola Mangena te len kotor ano rezidencie ano regioni e Ratorigune Balkanesko vay Evropa. Resipe akale yaveripyengo e ideyengo, eksperiencengo thay janipya mashkar o artistya, sar vi zorakeripe e regionalune partneritetengo thay produkcia e multikulturune andripesko.​
2. Kotorleipe ano kulturake thay kreativune ovipya: Grantya ji pe 3.750 EURO siton dedikime vash uiqharipe e harjipyengo e kotorleipesko ano saymya, profeisonalune kedipyam, treningya thay yaver ovipya phanglo e kutlura, barvalipe thay kreativiteti, vash te promovingyol o regioni e Ratorigune Balkanesko ani umal e kulturake turizmesko, medie thay evolviripe e ternengo.​

Evaluipesko komiteti dikhlarela o aplikipya ko shrd e sakole masekesko vash o lele aplikipya ji pe agor e avutne masekesko.​UNESCO+4On the Move+4mail.on-the-move.org+4

Sar te aplikinen:

Interesime kandidatya musay te pheren online aplikipesko formulari thay te den e mangle dokumentacia, leindoy kotor:​

• Identifikipesko dokumenti vay yaver mothavipe vash beshipesko than ano yekh kotar o thema e vastunengo e IPA fondyengo.​
• Hramipe e propizime proyektesko vay aktiviteti, leindoy kotor o resipya, planirime aktivitetya thay ajukerde rezultatya.​
• Bujeti e proyektesko e detalune mothavipeynacar e harjipyuengo.​
• Pherune dokuhmentya relevantune vash propozime aktivitetya (missal kharipesko lil e ovipeske organizatoresko, plani e butyako ani rezidenca, ty.).​

May buderi informacie ano avutno linki: https://shorturl.at/e0oS6

Akaya iniciativa mothavela vasno shaipe vash individya kotar kulturako thay kreativuno sektori te phiraven angle pere janipya, buhlaren o profesionalune rafinya thay te den phiko ano zorakeripe e kulturaka skenako e Ratorigune Balkanesko.

Paluno vahti vash aplikipe: 31. decembri 2025.

SHAIPE E BUTYARIPESKO:

KONKURSI VASH BUTYARIPE ANO PUBLIKUNE INSTITUCIE:

Ofisi e presidencako putergya konkursya vash avutne pozicie:

• Uqo sevalutno vash kamera thay fotografia (https://konkursi.rks-gov.net/jobs?servant=1&institution=27965 ) 

• Phiravutno e diviziako vash transporti (https://konkursi.rks-gov.net/advertisement/details?refNumber=RN0001764)
• Shefi e yekhlinyako vash ligstika (https://konkursi.rks-gov.net/advertisement/details?refNumber=RN00017649 )

Paluno vahti vash aplikipe vash upre leparde pozicie sito 17. mayi 2025.

1. Shefi e yekhlinyako vash buti e publika (https://konkursi.rks-gov.net/advertisement/details?refNumber=RN00017639 ). Paluno vahti vash aplikipe sito 16. mayi 2025.

• Sekretari e ofiesesko e presidencako (https://konkursi.rks-gov.net/advertisement/details?refNumber=RN00017595). Paluno vahti vash aplikipe sito 8. mayi 2025.

• Uqo sevalutno vash orghanizipe e ovipyengo (https://konkursi.rks-gov.net/advertisement/details?refNumber=RN00017594). Paluno vahti vash aplikipe sito 8. mayi 2025.

• Phiravutno e diviziako vash Mashkarthemutne ledeipya (https://konkursi.rks-gov.net/advertisement/details?refNumber=RN00017575).
• Shefi e yekhlinyako vash siguripeski thay garavipeski politika (https://konkursi.rks-gov.net/advertisement/details?refNumber=RN00017574)
• Direktori e departamentesko vash financie (https://konkursi.rks-gov.net/advertisement/details?refNumber=RN00017570)

Paluno vahti vash aplikipe sito 7. mayi 2025.

Nabuderune komunitetya, perosnya e invaliditeteya thay hari reprezentimo yeri, silen hakoano hakyuno thay proporcialuno reprezentipe ano civiluno servisi e Kosovako, odoleske inkuriaingyona te aplikinen!