Komuniteti Rom

Komuniteti më i madh rom është i përqendruar në Prizren, ndërsa komunitete të konsiderueshme rome gjenden gjithashtu në Graçanicë, Pejë dhe Mitrovicë Jugore. Komunitetet më të vogla rome gjenden në pjesën tjetër të Kosovës.

Komuniteti rom besohet të jetë pasardhës i emigrantëve nga India Qendrore. Megjithëse një numër i vogël i romëve mendohet se kanë mbërritur në Evropën Juglindore para shekullit të 14-të, pjesa më e madhe e migrimit të romëve në këtë rajon ndodhi në shekujt 14 dhe 15 pas Krishtit.

Komuniteti rom ndan ngjashmëri kulturore dhe çështje socio-ekonomike me komunitetin egjiptian dhe ashkali në Kosovë. Megjithatë, Kosova përmes institucioneve dhe legjislacionit të saj i njeh këto komunitete si komunitete të veçanta dhe të ndara dhe i trajton si të tilla. Komunitetet rome mund të gjenden në të gjithë rajonin dhe pjesën tjetër të Evropës, si dhe në numër më të vogël në rajone të tjera të botës. Komuniteti rom në Kosovë nominalisht është mysliman Suni, i vendosur dhe urban.

Dita Ndërkombëtare e Romëve, 8 prilli, njihet si Ditë zyrtare përkujtimore e Kosovës.

Shumica e romëve flasin gjuhën rome si gjuhën e tyre amtare. Romanishtja i përket familjes së gjuhëve indo-evropiane dhe lidhet me gjuhët e folura në Indinë veriore. Sistemi arsimor publik i Kosovës nuk ofron arsim në gjuhën rome. Në varësi të vendit ku jetojnë, romët flasin ose serbisht dhe/ose shqip si gjuhë të dytë. Edhe pse, në Graçanicë ajo është gjuhë zyrtare.

Komuniteti rom ka një (1) vend të garantuar në Kuvendin e Kosovës, dhe një (1) vend shtesë i jepet komunitetit rom, ashkali apo egjiptian me votat më të larta të përgjithshme. Komuniteti gjithashtu emëron dy (2) anëtarë të KKK-së.