Siklov, phantu, phir angle – Bipokipeske kursya e srbyuna thay albanyuna qhibyako ani platoforma VocUp!
VocUp sitoy interaktivuni digitaluni platforma dedikimi vash siklipe e albanyuna thay srbyuna qhibyake, shayutni bizo pokipe. Kursya siton kerde vash sah janipeske nivelya – kotar shrdipesko (A1) ji pe anglipesko (C2), thay astarela video siklipya, tekstualune mothavipya, siklipya, kvizya, sar vi vakeripesko alavari.
Akaya iniciativa phikoimi kotar e Britaniaki ambasada ani Kosova thay Mashkarthemutni organizacia vash Migripe, resipeya te vazdel o vastipe e buderi qhibyengo thay zorakrel mashkaruno kanleipe thay malipeski kohezia.
Srbyuni thay albanyuni qhib sito ofisialune qhibya ani Kosovaki Republika, olengo penjaripe mothavela o naktari vash may shukar komunikipe, kanleipe thay ledeipe mashkar o komunitetya ani Kosova. Vastipe e buderi qhibyengo puterla o drom vash may buderi shaipya – sar nao edukipe, butyaripe, thay malipesko angazhipe. Siklipe e qhibyako na numay kay buhlarela o janipe, numay vi kerla o purtya e pakyavipeske thay mashkarune respektipesko. Ani platforma shay te arakhen informacie thay vakeripya kolen o civilune sevalutne thay dizune may buderi vastinena vash te lokhyargyol o komunikipe thay laqhargyon o servisya kay o sevalutne dena.
Biphanglo sien mi siklovno, student, profesionaluno manush vay sade mangena te sikloven nevi qhib – akana si qaqutno momenti te vastinen akava shaipe!
Aplikineni thay shrdeni tumaro siklipe ano: www.voc-up.com
INFORMIPE: ReLOaD3 programi puterdilo vash komune vash zorakeripe e lokaluna demorkaciako!
UNDP Kosovo kharela e sah komunen kola ji akana na lele kotor ano programi ReLOaD te mothaven o interesipe vash kotorleipe ani trinto faza e Regionalune programesko e lokaluna demokraciako ano Ratoriguno Balkani (ReLOaD3). Akava programi, kole financinela e Evropaki Unia, phiravgyola ani Albania, Bosna thay Hercegovina, Montenegro, Kosova, Vrdloriguni Makedonia thay Srbia. ReLOaD3 sile pe resipe o zorakeripe e kotorleipeska demorkaciako thay phikoipe vash integripe e Ratorigune Balkanesko ani EU zorakerindoy o civiluno malipe vash aktivuno kotorleipe ano procesya e decisiake leipesko thay anglalipe e hakaipeske thay financiarune malipesko vash organizacie e civilune malipesko (OCM).
Aplikipesko shaipe: Komuna shay te roden akcesi ano ulavdo folder vash piri komuna biqhalindoy emaili ano UNDP IT ofisi ani adresa: it.ks@undp.org e anaveya „ReLOaD3 Application Access”. Palo leipe e emailesko e kharipeya vash ulavipe e folderesko, ka vastinen o dendo shtar cifrengo gendo vash akcesi, gatisaripe thay butikeripe e faylengo sah ji ko nakhipe e vahtesko vash aplikipe.
Vash pherune informacie thay klarifikipya, komune shay te kontaktinen proyekteski ekipa ani Kosova prekal emaili: reload.ks@undp.org, e referenca vash proyekti ReLOaD3 ano anava e mesazhesko. Puqipya shay te biqhalgyon may dur panj dive anglo nakhipe e palune vahtesko vash aplikipe.
Ano rami e publikune kharipesko, siton organizime informativune sesie ano panj ekonomikune regionya ani Kosova:
- Prishtina: 6. may 2025. (thanipe e UNDP Kosovo)
- Gilana: 7. may 2025. (thanipe e Regionaluna evolviripeska agenciako Istog – RDA East)
- Teluni Mitrovica: 8. may 2025. (thanipe e Regionalune evolviripeska agenciako Vrdlorig – RDA North)
- Peya: 12. may 2025. (thanipe e Regionaluna evolviripeska agenciako Ratorig – RDA West)
- Prizren: 13. may 2025. (thanipe e Regionaluna eviolviripeska agenciako Yug – RDA South)
ReLOaD3 dela shaipe e komunenge te anglalinen o ledeipe e civilune malipeya, zorakeren lokaluni dmeokracia thay te den shaipe e inkluzivune evolviripeske pere komunitetengo.
Vash may buderi informacie thay leipe e mangla dokumentaciako, vizitineni e qham e UNDP Kosovo: www.undp.org/kosovo/publications/call-expression-interest-municipalities-participate-regional-programme-local-democracy-western-balkans-3-reload3
Paluno vahti vash aplikipe: 16. yuni 2025. Bersh ji pe ora 16:00.
SHAIPYA VASH O TERNE:
INFORMIPE: Puterdilo kharipe vash Western Balkans–Visegrad burse: Shaipe vash rodlarne thay doktorantya!
Western Balkans Fund thay International Visegrad Fund kharena doktoranten thay phiravutne e doktoraturake titulako kotar o thema e Ratorigune Balkanesko (WB6) thay grupa e Visegradeski (V4) te aplikinnen vash harne vahteske rodlaripeske burse ano rami e programesko Western Balkans–Visegrad Fellowships.
Detalya e programesko:
- Lugipe e bursako: kotar 2 ji pe 10 kurke
- Financiaruno phikoipe: 500 EUR ano kurko + dromeske harjipya
- Lokacie: Institucie sar si pe alosaripe ano thema V4 (Qekia, Hungaria, Polonia, Slovakia) vash kandidatya kotar WB6 thay yaverune
May buderi informacie ano avutno linki: https://westernbalkansfund.org/western-balkans-visegrad-fellowships/
Paluno vahti vash aplikipe: 15. yuni 2025.
INFORMIPE: Puterdilo kharipe vash juvla nao IT sektori: Aplikineni vash bizo pokipesko treningo thay ceritifkipe kotar sayber siguripe!
British Council Kosovo, ano rami e iniciativako Her Cyber, kharela e juvlen kotar e umal e informativune tehnologiengo thay inzhineringo te aplikinen vash pherdo financimo treningo thay mashakrthemutni penjardi sertifikata kotar sayber siguripe, akreditimi kotar e rig e Nacionalune centresko vash sayber siguripe e Yekhune Thagaripesko (UK NCSC).
Kharipe sito dedikimo vash juvla kola shukar vakerna e anglikani qhib thay pherena sade yekh kotar o avutne kondicie:
- Studente e palune bershesko e sherune studiengo kotar IT thay inzhinerenge disciplinengo,
- Nadur diplomirime kotar IT vay inzhinereske umala kola aktivune rodena butyaripe,
- Studente e master studiengo kotar IT vay inzhinerenge umala kola mangena te khuven ano butyako trego,
- Profesionalune ano shrdipe e karierako ano IT sektori (e may hari trin bersha eksperienca) kola mangena te specializingyon ano sayber siguripe.
Alosarde kotorleutne ka theren akcesi ano treningo kotar sherune umala e sayber siguripesko, leindoy kotor:
- Rafinako siguripe,
- Etikuno hakipe,
- Detekcia e darakeripeski thay respodipe ano incidentya,
- Penetripesko testiripe,
- Informaciako siguripe.
Treningya, kola silen molipe mashkar £500 thay £2,500, ka oven ko sasutnipe financirime kotar British Council.
Interesime kandidate musay te biqhalen akala dokuhmentya ani anglikani qhib ani adresa info.cybher@britishcouncil.org e anaveay e emailesko: Application for Certification scheme – Kosovo thay te biqhale akala dokumentya:
- CV,
- Pherdo aplikipesko formulari (shayutno vash leipe ani ofisialuni qham),
- Kanleipe vash vastipe e detalyengo.
Vash may buderi informacie dikheni anmo avutno linki: https://kosovo.britishcouncil.org/en/programmes/education-society/her-cyber/cybersecurity-certification
Paluno vahti vash aplikipe: 12. yuni 2025. bersh ji pe 23:59.
Vastineni akava shaipe te shrden vay anglinen tumari kariera ano sayber siguripe e mashakrthemutne penjarda sertifikata thay phikoipe e renomirima instituciatar!
INFORMIPE:Kharipe vash aplikipe: JWPSI bursa 2025 – Shaipe vash terne ani umal e juvlengi, shandipe thay siguripe!
Fondacija Jahjaga kharela e terne rodlarnen te aplikinen vash bursa ano rami e Institutesko vash juvla, shandipe thay siguripe (JWPSI). Akaya bursa dela shaipe vash rodlaripe e sherune temengo sar si violenca bazirimi pe poli, kotorleipe e juvlengo ano shandipeske procesya thay garavipe nao konfliktya.
Kriterya vash aplikipe:
- Diploma e sherune tahy master studiengo kotar e umal e politikune skenciengo, polyune studie, sociologia, mashakrthemutne ledeipya thay ayekha umala.
- Eksperienca thay zoralo interesi vash juvlenge teme, shandipe thay siguripe.
- Zorale janipya e harmipeske thay komunikipeske.
- Gatisaripe vash angazhmani ano duymasekuno periodi (1 masek ani Prishtina + 1 masek ano duripe).
Lugipe e bursako:
- Avgusti: Angluno masek ani Prishtina.
- Septembri: Duyto mase kano duripe vash finalizipe e butyengo.
Ajukerde rezultatya:
- Yekh rodlaripeski buti vay kotor (15–25 qhamya).
- Kontributi JWPSI platforma (rodlaripesko rezime, brifingo, ty.).
- Opcionaluno publikuno blogi vay intervista koya reflektinela eksperienca ani bursa.
Vastipesko ovipe:
Biqhaleni akala dokumentya ani anglikani qhib ano emaili: contact@jahjagafoundation.org:
- Motivipesko lil (1 qham),
- CV,
- Vastim kotor e hramipesko (akademikuno vay politikune orientimo).
Akaya bursa sitoy pokimi, a sah o detalya vash kompenzipe thay kotorleipe ka oven ulavde e kandidatyenge kola khuvena ano alosaripe. Vash pherune informacie, vastineni e ofisialuni qham: https://jahjagafoundation.org/call-for-applications-jwpsi-fellowship-2025/
Vastineni o shaipe te den kontributi ano anglipe e agendako vash juvla, shandipe thay siguripe prekal rodlaripeski buti thay angazhipe ano regioni.
Paluno vahti vash aplikipe: 30. yuni 2025. bersh.
| ktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese: |
- Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
- Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net
- Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
- Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20.
| DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA: |
- SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki:https://superpuna.rks-gov.net/
- KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
- Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index
- Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php
- Dikheni o konkursya vash grantya vash biraipkane organizacie ano avutno linki:https://www.kosovofunding.org/
- Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali :http://www.posaonakosovu.com/
