Barabar Rafin ano komuniteti (BGN) anorami e proyektesko BIG – Iniciativa Barabar (pe lugipe) komunitetya kharela e organizacie e civilune malipesko (OCM) kotar klokaluno niveli, kulturune centrya thay ternenge organizacie ani sah Kosova te aplikinen vash jenipe ani nevi formirimi Barabar Rafin ano komuniteti (BGN). BGN ka ovel kotar may hari 15 alosarde OCM thay may hari 10 socialune angazhime juvlane aristya, kola servirinena sar ledeipeske platforme vash yaveripe e eksperiencengo, kapacitetengo vazdipe, lokalune akcie, thay politikako angazhipe.
BARO Proyekti – Barabar Iniciativa (pe lugipe) Grassroot sito duy bershuno EU financimi iniciativa implementimi kotar Integra thay CASA, kolesko resipe si promovipe socialuni inkluzia, dizunengo angazhipe, thay interetnikuni kohezia ani Kosova prekal stratejikuno vastipe e artesko thay kultura.
🔹 So o jene e BGN rafinako shay lena
- Kotorleipe ano savahtuno kapacitetengo vazdipesko program (3 tematikune treningya vash arti thay kultura vash socialune yaveripya, inkluzia, thay fondyengo kedipe);
- Hako vash te aplikinen vash harne grantya vash te implementinen lokalune iniciative (totaluno fondi: EUR 80,000);
- Kotorleipe ano politikake khetane kreiripeske procesya prekal (duy) Hakaton Politike e institucionalune interesime rigencar;
- Shaipe te kotorleinen ano nacionalune thay lokalune politikake ovipya promovindoy inkluzivune kulturake politike.
🔹 Ko Shay te Aplikinel
- Na-profitabilune OCM, kulturake centrya, thay ternenge grupe bazirime thay kay kerna buti ani Kosova;
- Organizacie e eksperienca ani socialuni inkluzia, dizunengo aktivizmo, vay buti ano komuniteti bazirimi pe arti;
- Specialuno inkuraipe dengyola ko organizacie phiravde juvlenda thay odola kola reprezentinena na-buderune thay marginalizime komunitetya.
🔹Sherune date
- Aplikipesko periodi: May – Yuni 2025.
- Treningesko periodi: Avgust – Oktobri 2025
- Faza e talo-deipeski thay implementipeski: Novembri 2025 – Yuni 2026
- Politikengo Hakatoni thay avokipe: Yuli–Decembri 2026.
Vash te aplikinen deni akala dokumentya ko bigproject@barabarcentre.org (e anaveya “Aplikipe e dokumentyengo vash OCM_BGN):
- Kompletimi aplikipeski forma
- Mothavipe e registripesko/legaluno statusi
- Duy referencake kontaktya
- Hramimi deklaracia vash konflikti e interesesko
O pherdo Kharipe vash Kotorleipe, godideipya, thay aplikaciaki forma siton shayutne pe Albanyuni, Serbyuni, Romani, thay Anglikani qhib: https://barabarcentre.org/call-for-csos/
Te sine kay manglola, may buderi informacia shay te lelon biqhalindoy puqipya ano bigproject@barabarcentre.org na may dur desar 14 dive anglo aplikipesko paluno vahti.
Paluno vahti vash aplikipe: 20. yuni 2025. ji pe ora 23:59.
