PLAY International, ano phikoipe kotar Franciake Avrune Butyengi Ministria, organizinla nilayeske kampya vash o terne ani Kosova, Albania, Vrdloriguni Makedonia thay Montenegro, sar kotor e proyektesko Shared Horizons. Resipe sito te zorakergyol e socialuni kohezia thay kanleipe mashkar o mashkarkulturaluno ledeipe thay evropake molipya, olimpikune thay angloolimpikune.
Lokacie:
- Kosova (Prishtina) 30 yuni – 4 yuli
- Albania (Tirana) 14 yuli – 18 yuli
- Vrdloriguni Makedonia (Skopye) 28 yuli – 1 avgusti
- Montenegro (Podgorica) 11 avgusti – 15 avgusti
Paluno vahti vash aplikipe sito fleksibiliuno
Ko shay te aplikinel?
Terne 18–24 bersha
Dizune thay thanutne kotar Albania, Kosova, Vrdloriguni Makedonia, Montenegro, Bosna thay Hercegovina vay Serbia
Shukar janipyencar e anglikana qhibyako
E validune dromipeske dokumentencar
Gatisarde vash te len kotor ko sasutnipe ano panj divuno kampi
Prioriteti silen:
- Terne angazhipe vash tromalipe, socialuno kotorleipe thay mashkar-etnikuno khetano jivdipe
- Jene e haricune komunitetengo vay marginalizime
- Odola kay silen pe resipe te oven liderya e yaveripesko ano regioni
Kotorleipe ano yekh kotar nilayeske kampya sito yekh shaipe vash te keren amalipya savahtune thay vash te buhlaren e regionaluni rafin e aktivistyengi thay terne profesionistyengi. Prekal aktivitetya interaktivune thay siklipya vash lidershipi, kotorleutne ka evolvirinen personalune janipya thay profesionalune, vijaindoy praktikune vastushya vash te theren pozitivuno qalavipe ano olenge komunitetya.
Programi sfidinla e ternen kay gndinena ani kritikuni rig, te angazhingyon ano hor diskutipya thay te len kotor ano praktikake aktivitetya kay bayarena o kanleipe vash socialuno astaripe thay keripe e tromalipesko. Ano agoripe e kampesko, on ka len janipya, gatisaripya thay korkoro pakyavipe vash te avokinen vash tromalipe thay socialuno astaripe – vazdindoy e yaveren kay te amalingyon ano kreiripe yekhe Ratorigune Balkanesko may khetanimo thay may savahtuno.
📌Sah harjipya siton uqharde (dromipe, akomodipe, habe).
📢 Ma nashal o shaipe vash te oven kotor yekh transportipeska eksperiencako kay vazdela o ledeipe thay yaveripe ano regionaluno niveli!
Procesi e Aplikipesko
Vash te aplikinen, kandidatya musay te pheren o formulari e aplikipesko ano linki: https://docs.google.com/forms/d/1VIrdTmlqW14sCX-S6oma0KO6km-xrs8cLVbqoEQ_-z8/viewform?pli=1&pli=1&edit_requested=true
Ano aplikipe, ma bistren te khetanin yekh motivipesko harno lil (maksimum 1 qham), kote mothavena:
- Soske mangena te len kotor ano nilayesko kampi,
- Sar planirinena te vastinen akaya eksperienca vash te theren pozituvno qalavipe ano tumaro komuniteti,
- Savi eksperienca, kvalitetya thay janipya ka anen ano kampi.
Ano aplikipe, hraminena e preferimi lokacia e nilayeske kampesko. PLAY International ka tentinel te decisinel tumen odothe kote preferinena, numay na si garancia – ayekha kay, aplikantya musay te oven gatisarde te len kotor ano yekh e kampendar te sine kay si musayutno.
Vasno: Te sine kay alosargovena, ka len kotor numay ano yekh kotar shtar nilayeske kampya.
Puqipya thay Klarifikipya
Te sine kay situmen nesavo puqipe vay naklaripe, ruyjina tumen kontaktineni e Koordinatore e Proyekteske Shared Horizons,
Zana Zllanoga, ani adresa e emaileski:
zana.zllanoga@play-international.org
Vash may buderi informacie vash e organizacia PLAY International thay proyekti Shared Horizons, vizitineni e ofisialuni qham:
🌐 PLAY International | Homepage
