Informipe
Ministria vash Edukipe, Skencia, Tehnologia thay Inovacia (MAShTI) informinla kay adivesta shay te aplikinen vash subvencionipe e shkolale tekstengo thay siklipeske materialya prekal e platforma e-Kosova.
Vash o shkolalo bersh 2025/2026, ka ulavgyon:
80 € vash siklovne kotar e klasa I ji pe klasa V, vash kinipe e siklipeske tekstyengo thay materialengo;
80 € vash siklovne kotar e klasa VI ji pe klasa IX, vash kinipe e butyake fletorengo thay siklipeske materialengo. Shkolake tekstya vash niveli VI-IX, sar si pe Administrativuno Mothavno Gn. 13/2016 vash leipe, vastipe thay olengo garavipe, ka vastongyon kotar e nakhli generacia, sar praktikosalo ko nakhlo bersh.
Procesi e aplikipesko ka ovel but may lokhe, palo kay o bankake kontya e dadalaryenge siton aktivune kotar o nakhlo bersh. Ayekha sar kerdilo ko nakhle bersha, financierune vastushya ka transferingyon ano bankako konto e dadalaryengo.
Komunake Direktoriatya vash Edukipe informisale pe vahti thay sasavo aplikipe ka verifikingyol kotar o shkole anglo transferipe e lovengo.
Linki vash aplikipe: https://ekosova.rks-gov.net/Service/5
