INFORMIPE: KHARIPE E MINISTRIAKO E ANDRUNE BUTYENGO VASH REKRUTIPE 60 ASKERYENGO KOTAR NABUDERUNE KOMUNITETYA!
Ministria e Andrune Butyengi e Kosovaki kharela e sah interesime potencialune kandidaten kotar na buderune komunitetya te aplikinen thay te oven kotor e Kosovake Siguripeske zoralipyengo.
Sherune kriterya vash aplikipe siton:
• te oven themutno e Kosovaka Republikako;
• te theren pherdo butyako gatisaripe;
• agorimi mashkaruni shkola;
• te theren mangle sastipeske thay fizikune gatisaripya vash servisesko than;
• na sien pherune krisime vash penlaune ovipya;
• te theren shuzho dikhipe thay ma te theren problemya e deportipeya kotar yaver thema;
• te oven kotar 18 ji 25 bersha ano dive e aplikipesko;
• te theren truposko lugipe may hari 165 cm vash mursha thay 160 cm vash juvla (akava dikhlola ani faza e fizikune testipesko);
• na manglape te theren tatuazhe ano muy, men thay phike kotar bicepsi ji angushya e vasteske, leindoy kotor vi pirsing.
Kandidatya ka oven ano obligipe te nakhaven fizikuno testi, testi e inteligenciako, testi e sade janipyengo, intervisya thay sastipesko dikhipe.
Mangle dokumentya vash aplikipe:
• diploma e mashkaruna shkolako / veirifkimi te sine kay lelili ani kosova thay nostrifikimi te sine kay lelili avri e kosovatar.
• ceritifikata e bianipeska pustikako (na may purani se 6 masek);
• mothavipe kotar e kriselin kay na siton krisimo thay kay na sito talo rodlaripe, (dokumenti musay te ovel lelo ano vahti vash konkursi);
• kopia e personalune dokumentesko vay pasaporti;
• portretesko foto 4×4 vash aplikipe (elektronikune);
• mothavipe vash yaver kvalifikipya (te sine kay sile).
• dokumenti vash operativuno janipe. (akava dokumenti sito musayutno anglo shrdipe e sherune treningesko).
Verifikipe e diplomengo lele pe srbyuni qhib ani shkola ani Kosova shay te arakhen prekal e platforma E-Kosova ano avutno linki: https://ekosova.rks-gov.net/Service/5 vay email adresa: diploma.verification@rks-gov.net
Paluno vahti vash aplikipe sito kotar 22. septembri 2025. ji pe 21. oktobri 2025. bersh, 23:59.
Aplikipe kergyola online ano https://rekrutimi.fsk-rks.org/Apply , a kharipe e konkuresko shay te arakhlol ani veb qham o e Minsitriako vash Garavipe, https://mod.rks-gov.net/Page/16 . Vash pherune informacie kontaktineni avutne gendya: tel. 038- 555584 5690 thay 038- 555584 5691 kotar 09:00 ji pe 15:00 ora.
Ministria e Garavipeski lela o aplikipya e juvlengo thay murshengo bizo yaveripe kotar sah nabuderune komunitetya.
Kharipe vash aplikipe vash agrobiznesya
Kharipe sile pe resipe kay te phikoinel o registrime agrobiznesya, kooperative thay amalipya e fermerenge kay siton kotor e zinjiresko – sektori pe resipe, e resipeya kay te adoptinen thay promovinen savahtune praktike thay teknologie e thanipeske thay efikasyune.
Kharipe sito ulavdo ano duy Lotya:
- Lot 1 – Sheya vash produktipe thay phuvyako savahtuno keripe vash agrobiznesya: phikoipe vash agrobiznesya vash te laqharen olenge sheya vash keripe thay produktipe, sheya kay laqharen ao efikasiteti e vastipesko e energiako thay panyesko, reduktinela o aqhipya thay minimizinela o negativuno qalavipe ano thanipe.
- Lot 2 – Phikoipe vash Fermerya prekal agrobiznesya (Kontraktimo Phuvokeripe): Phikoipe vash agrobiznesya ano zorakeripe olenge ledeipesko e fermeryencar deindoy sheya, treningo thay godideipeske servisya kay dela shaipe e fermerenge te vastinen efikasune naturake praktike, laqharen o produktipe thay kvaliteti, thay bayaren e rezistenca vash o sfide e tregoske thay ambienti– thanipe. (aplikanti shay te aplikinel kotkoro numay vash yekh Lot).
Ovipesko than – Lokacia
Intervenipya ka dengyon ano may telune komune:
- Dragash/Dragaš; Graqanica/Gračanica; Kamenicë/Kamenica; Novobërdë/Novobrdo; Peya/Peč,;
- Poduyevë/Podujeva; Prishtina/Priština; Prizren; Ranillug/Ranilug; Shterpca/Štrpce; Suhareka/Suva Reka; Viti/Vitina
Vahtesko lugipe e aktivitetengo propozime shay te realizingyol mashkar 01.11.2025 – 15.09.2026.
Ko shay te aplikinel:
Agrobiznesya registrime, phuvokeripeske kooperative thay fermerenge amalipya kay Lenape e kultivipeya, keripeya thay bikinipe e zinjiryengo – sektorya:
- Vesheske frute: myedre, boronice, yagode thay vesheske yaver frute,
- Vesheske nakovle produktya, sastipeske drabya thay aromatikune,
- Kherune keripe e mevalyengo thay frutengo (bizo kultivipe).
Agrobiznesya phiravde kotar o juvla thay odola kay angazhinena e juvlen, terne thay marginalizime grupe ano olenge aktivitetya vay ano furnizipesko zinjiri inkuraingyona te aplikinen. (Agrobiznesya phriavde kotar juvla ka notadeingyon pherune thavdyencar)
Vash aplikipesko procesi thay yaver detalya ruyjina tumen dikheni o linki pe nakhipe: https://ofertapune.net/admin/jobs/thirrje-per-aplikime-nga-agrobizneset-3/
Paluno vahti: Aplikacie shay te biqhalgyon ano phande zarfya thay te resen ani may upre lepardi adresa ji pe 30.09.2025 (ora 16:00). Aplikaciae kay resena pali data thay ora hramimi na ka lenpe pe konsideripe.
Vash puqipya vash formulari e aplikipesko thay pherune informacie, tumen shay te puqen ani informipeski sesia online, koya ka adikergyol pe18/09/2025 pe ora 10:00, vay tumen shay te kontaktinen o ofisi e Zvicrake Caritas-ko ani Kosova prekal emaili kosovo@caritas.ch kotar 22.09.2025 – 26.09.2025 (kotar e ora 09:00 ji pe 16:00, kotar Luya ji ko Parashtuy)
Informipe: Green Agenda Multiplier – Programi e phikoipesko e grantyencar vash OCM thay rafinya e OSM-ge!
Akava kharipe vash deipe e tikne grantyengo anavingyola ano rami e proyektesko Green Agenda Navigator, phiravdo kotar Belgrade Open School (BOS) ano ledeipe e shov regionalune partneryenca: Shoqata Aarhus Centre ani Bosna thay Hercegovina, Eco-Team kotar Montenegro, Eco-Z kotar Kosova*, Centro vash Rodipya thay Thanipesko Informipe Eko-Svest kotar Vrdloriguni Makedonia, Organizcia vash Garavipe thay Brakhipe e Naturake Thanipesko kotar Albania, thay rafin CEE Bankwatch Network. Proyekti khetane financingyola kotar BE.
Yeshil Agenda vash Ratoriguno Balkani sila pe resipe te resel o klimatikuno neutraliteti ji pe bersh 2025. Pashe akaleske, realiteti ano Ratoriguno Balkani sito may zoralo: pashe 70% e elektirkuna energiako ano regioni kergyola kotar o kumuri, o melalipe e phudesko sile baro qalavipe ano publikuno sastipe, thay biodiversiteti sile bare hasarya.
Puterdo kharipe Green Agenda Multiplier sile pe resipe te phagel akala negativune anipya thay te del financiaruno phikoipe thay mentoripe vash organizacie thay rafinya.
Paluno vahti vash aplikipe: 17 septembri 2025.
Vash may buderi informacie thay detalya klikin ano linki pe lugipe
https://www.eco-zone.org/news/shumezues-i-agjendes-se-gjelber-program-i-mbeshtetjes-me-grante-per-ojq-te-dhe-rrjetet-e-ojq-ve .
Informipe: Grantya vah BRO kotar Democracy for Development!
Organizacia Democracy for Development (D4D) kharela e biraipkane organizacien lokalune tikne thay mashkarune e inovativune ideyencar, dedikime thay angazhipe ano bayaripe e ternenge kotorleipesko – ulavipeya e taloreprezentipe grupengo thay qalavde (sar si: qhaya thay terne juvla, terne roma, terne e samatredime shaipyencar ty.) – te aplikinen ano akava Kharipe vash Propozipya.
Sheruno resipe akale kharipesko sito zorakeripe e kapacitetengo aktualune e Rafinyako vash te lugyaren o kontributi ano procesi e laqharipesko e poziciako e ternengo thay buhlaripe e Rafinyako ayekha kay te del shaipe e OCM-ge lokalune tikne te angazhingyon direktune ano ververutne aktivitetya ano lokaluno niveli, themutno thay regionaluno kana vakergyola vash bayripe e sistematikune kotorleipesko thay pherdo kanleutno e ternengo.
Akaya decisia baziringyola ano dedikipe vash te sigurinen lugyaripe e butyako e lokalune BRO, mangle vash te harmonizinen o procesya ano themutno niveli thay lokaluno thay vash te bayaren o respodipe manglo vash sfide kolencar arakhlona o terne (ulavipeya odola qalavde thay taloreprezentipe).
Akava si yekh Kharipe regionaluno vash propozipya, koyta ka anavingyola thay phiravgyol pe yekhuno vahti, numay yekh pe yekh ulavde ano sakova than e Proyektesko. Ani Kosova *, akava phiravgyola kotar Democracy for Development (D4D).
📌 Vash may buderi informacie vash proyekti thay aplikipya, vitizineni o linki:
👉 https://d4d-ks.org/en/activities/call-for-grants/
📅 Paluno vahti vash deipe e proyekt propozipyengo sito: 30 septembri 2025.
Informipe: Kharipe vash tikne grantya vash BRO thay individya kotar KCSF!
Kosovaki Fondacia vash Puterdo Malipe (KCSF) dela tikne grantya vash proyektya kay phikoinena konkretune iniciative thay harne vahtune, kola anena dikhle rezultatya. Akala grantya siton putarde vash individya, biregistrime iniciative thay BRO kay silen inovativune ideye thay kay shay te kontribuinen ani pherdi kanleutni rig ano avansipe e programeske resipyengo.
Vahtesko lugipe e proyektengo shay te ovel ji ko 12 masek, yekhe maksimalune bujeteya kotar 10,000 Euro (leindoy kotor vi auditeske harjipya).
Aplikipay shay te biqhalgyon online pherindoy o mangle detalya, mothavindoy e ideya e proyekeski thay khetanindoy o sah mangle dokumentya.
📌 Vash may but informacie thay godideipya vash aplikipe vizitineni:
👉 https://kcsfoundation.org/en/open-call/small-project-grants/
📧 Vash dikrektuno kontakti: eja@kcsfoundation.org
Ano kharipe na sito specifikimo o paluno vahti vash aplikipe.
Shaipe e butyaripesko ano publikune institucie
Komuna Prizren
Sevalutno vash nakhelutna ilakako evidentipe, referencako gendo RN00018618, paluno vahti vash aplikipe: 06/09/2025 – 05/10/2025 (https://konkursi.rks-gov.net/advertisement/details?refNumber=RN00018618)
Uqo Krisyuno Sevalutno, referencako gendo RN00018618, paluno vahti vash aplikipe: 06/09/2025 – 05/10/2025 (https://konkursi.rks-gov.net/advertisement/details?refNumber=RN00018617 )
Ministria vash Andrune Butya
Malisheva
Sevalutno vash Civiluno Registripe, referencako gendo RN00018565, paluno vahti vash aplikipe: 06/09/2025 – 05/10/2025 (https://konkursi.rks-gov.net/advertisement/details?refNumber=RN00018565 )
Hani e Elezesko
Sevalutno vash Civiluno Registripe, referencako gendo RN00018561, paluno vahti vash aplikipe: 06/09/2025 – 05/10/2025(https://konkursi.rks-gov.net/advertisement/details?refNumber=RN00018561 )
Novoberda
Sevalutno vash Civiluno Registripe, referencako gendo RN00018577, paluno vahti vash aplikipe: 06/09/2025 – 05/10/2025 (https://konkursi.rks-gov.net/advertisement/details?refNumber=RN00018577 )
Sevalutno vash Registripe e Vrdengo, referencako gendo RN00018581, paluno vahti vash aplikipe: 06/09/2025 – 05/10/2025 (https://konkursi.rks-gov.net/advertisement/details?refNumber=RN00018581)
Upruni Mitrovica
Phiravutno e Sektoresko vash Civiluno Registri, referencako gendo RN00018564, paluno vahti vash aplikipe: 03/09/2025 – 02/10/2025 (https://konkursi.rks-gov.net/advertisement/details?refNumber=RN00018564 )
| Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese: |
- Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
- Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net
- Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
- Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20.
| DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA: |
- SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki:https://superpuna.rks-gov.net/
- KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
- Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index
- Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php
- Dikheni o konkursya vash grantya vash biraipkane organizacie ano avutno linki:https://www.kosovofunding.org/
- Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali :http://www.posaonakosovu.com/
