Lugyargola o paluno vahti vash phikoipe e qhavorengo kotar familie e socialuna asistenca ano Programi e Kuponyengo
Ministria vash Edukipe, Skenca, Tehnologia thay Inovacia (MASHTI) informinla kay lugardilo o vahti vash phikoipe e qhavorengo kotar o familie e socialuna asistenca ano Programi e Kuponyengo ji pe 12 oktobri.
MAShTI dela pokipe pherdo vash angloskola (kuponya) vash vijayutne e Skemako e Socialuna Asistencako (SAS) kay silen qhavore e bershengo 3 ji pe 5 bersh. Kuponi dengyola vash te nakhaven o privatune anglo skole thay publiko-privatune angloskole licencime vash o shkolako bersh 2025/26, bizo nisavo kosto vash dadalarya.
• Programi ka uqharel o pokipe e angloskolako vash o sah cikli e edukipesko e rano qhavoripesko.
• Pokipe vash transporti vash qhavore kola na siton ani situacia te drominen, distanca kolengi sito may hari 4 kilometre dur kotar e angloskola alosardi ani procedura e aplikipeski.
Registrime qhavore ano SAS kola jivdinena ani Prishtina, Fush Kosova, Prizren, Ferizay, Lipyan, Gilana, Peya, Jakova, Mitrovica, Vuqitrna, Graqanica, Drenasi, Shtimla, Suhareka, thay Klina, khargyona te aplikinen ano Programi e Kuponyengo ayekha kay te vijainen kotar programi.
Kotorleipe ano programi e Kupnyengo na ka therel qalavipe ano vijaipya kotar Skema e Socialuna Asistencako.
Vash azhutipe vash aplikipe, procesi e vijaipesko thay yaver puqipya phanglo e Programeya e Kuponyengo, direktingyoveni ano Centro vash Socialuni Buti (QPS) ani tumari komuna.
Vash may buderi detalya dikheni o linki pe nakhipe: Zgjatet afati për mbështetjen e fëmijëve nga familjet me asistencë sociale në Programin e Kuponëve – MASHT
VASNO INFORMIPE: PALUNO VAHTI VASH REGISTRIPE E POPULACIAKO VASH NABUDERUNE KOMUNITETYA LUGYARDILO
Ministri e Ministriako vash Komunitetya thay Iranipe, Nenad Rašić, siguringya lugyaripe e vahtesko vash registripe e populaciako vash nabuderune komunitetya. Nevo vahti vash agoripe e registripesko sito 31 oktobri 2025.
Akava vasno bajako mothavela klaro o dedikipe e ministresko vash garavipe e nabuderune komunitetenge hakayengo thay siguripe kay o sah dizune te oven reprezentipe ani adekvatuni rig.
Khara e sah dizunen kay te respektinen o nevo vahti thay te len kotor ano registripe ani vahti.
Tumaro kotorleipe sito daringyuno vash yekh evidence klari thay vash yekh may shukar planifikipe e aktivitetengo pe avipe kay ka kontrobuinen ano evolviripe thay laqharipe e komunitetengo.
Linki: (1) 𝐕𝐚𝐳̌𝐧𝐨 𝐨𝐛𝐚𝐯𝐞𝐬̌𝐭𝐞𝐧𝐣𝐞!… – Ministarstvo za zajednice i povratak | Facebook
Informipe: Kharipe vash Propozipya — Programi Mashkarsamatreduno Albania – Kosova (2021–2027)!
EEAS ani Albania putergya Kharipe vash Propozipya tali referenca EuropeAid/184245/DD/ACT/AL, fokusimi ano mashkar samatreduno ledeipe mashkar Albania thay Kosova.
Sheruno resipe sito te zorakergyon o ledeipya e shukarne pashutne amalipesko, te phikoingyol o integripe ani EU, thay te vazdingyola o malipesko evolviripe, ekonomikuno thay teritorialuno ano mashkar samtreduni teritoria.
Lot-ya tematikune:
- Lot 1 – Garavipe e thanipesko, pashipe e klima & menajipe e rizikengo (Molipe: ~ 3.24 milionya €).
- Lot 2 – Turizmi savahtuno & notadeipe e naturake/kulturake barvalipesko (Molipe: ~ 2.04 milion €).
Molipe e grantyengo:
- Lot 1: ~ 700,000 – 1,080,000 €.
- Lot 2: ~ 300,000 – 510,000 €.
Godornipe e sherune aplikantesko: musay te ovel yuridikuno entiteti na vijaipesko (BRO, publikuno organi vay yekhune), registrimo ani Albania vay Kosova, thay godorno vash gatisaripe thay menajipe e proyektesko (na mashkaruno).
Hramipe: aplikantya musay te sigurinen financipe pheruno vash yekh kotor e proyektesko (sar si pe regule e EU-ke).
Vash may buderi detalya vash akava kharipe dikheni o linki:
https://www.eeas.europa.eu/delegations/albania/new-call-proposals-under-cross-border-cooperation-programme-albania-%E2%80%93-kosovo-2021%E2%80%932027_en?
Paluno vahti vash biqhalipe e koncept-propozipyengo: 24 oktobri 2025, ora 16:00 sar si pe vahti e Brukseslesko (European External Action Service).
Informipe: Fulbright Kosovo – Puterde aplikipya vash akademikuno bersh 2026–2027!
Programi Fulbright e Themeske Departamentesko e YATH kharela aplikipya kotar dizune e Kosovake vash studipeske burse, rodlaripe thay siklipe ano Yekhune Thema. Akava programi prestijiozuno e yaveripesko dela unikuno shaipe vash te zorakeren o akademikune zoralipya thay profesionalune, vash te keren mashkarthemutne rafinya, thay vash te kontribuinen ano evolviripe e Kosovako palo iranipe.
Dende shaipya:
- Fulbright Graduate Study Grants – vash nakhavipe e bachelor studiengo vay master ano YATH.
- Fulbright Visiting Scholar Awards – vash universitaruno stafi vay studentya vash evolviripe e rodlaripyengo vay siklipyengo ano amerikake institucie.
- Fulbright Foreign Student Program – vash te diplomirinen thay neve profesionistya vash te studirinen vay te rodlaren ano amerikake universitetya.
Vahtesko lugipe sito 6–12 masek (phanglo e programeske tipeya).
Akceptime kandidatya musay tye oven dizune e Kosovake, e zorale akademikune thay profesionalune resipya, shukar janipe e anglikana qhibyako, thay te demonstrinen o potenciali e phiravipesko.
Umala e studiengo sito buhle, puterde abno sah discipline, numay propozipya musay te mothaven o vasnipe vash evolviripe e Kosovako.
Harjipya vash skoluipe, bursa vash jivdipe, harjipya vash dromipe thay sastipesko siguripe siton ko sasutnipe uqharde.
Paluno vahti vash aplikipe: 7 oktobri 2025.
Aplikipya musay te biqhalgyon online prekal o portali Fulbright. Pherde godideipya thay materialya vash aplikipe arakhlona ano may teluno linki:
https://us.fulbrightonline.org/countries/europe-and-eurasia/kosovo/1755
Shaipe e butyaripesko ano publikune institucie
Ministria e Andrune Butyengi ani komuna Zubin Potok
Administrativuno Asistenti, gendo e referencako RN00018738, paluno vahti vash aplikipe: 25.09.2025 – 24.10.2025 (https://konkursi.rks-gov.net/advertisement/details?refNumber=RN00018738)
Ministria e Andrune Butyengi
Asistenti e ulavipesko e personalune dokumentyengo, gendo e referencako RN00018595, paluno vahti vash aplikipe:13/09/2025 – 12/10/2025 (https://konkursi.rks-gov.net/advertisement/details?refNumber=RN00018595)
Sevalutno vash Civiluno Registri, gendo e referencako RN00018667, paluno vahti vash aplikipe:16/09/2025 – 15/10/2025 (https://konkursi.rks-gov.net/advertisement/details?refNumber=RN00018667)
Komuna Zveqan
Asistenti vash geodezia, gendo e referencako RN00018728, paluno vahti vash aplikipe:23/09/2025 – 22/10/2025 (https://konkursi.rks-gov.net/advertisement/details?refNumber=RN00018728)
Sevalutno vash Evolviripe, gendo e referencako RN00018724, paluno vahti vash aplikipe: 20/09/2025 – 19/10/2025 (https://konkursi.rks-gov.net/advertisement/details?refNumber=RN00018724)
Komuna e Upruna Mitrovicako
Sevalutno vash Civiluno Registri 2, gendo e referencako RN00018656, paluno vahti vash aplikipe:13/09/2025 – 12/10/2025 (https://konkursi.rks-gov.net/advertisement/details?refNumber=RN00018656)
| Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese: |
- Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
- Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net
- Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
- Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20.
| DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA: |
- SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki:https://superpuna.rks-gov.net/
- KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
- Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index
- Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php
- Dikheni o konkursya vash grantya vash biraipkane organizacie ano avutno linki:https://www.kosovofunding.org/
- Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali :http://www.posaonakosovu.com/
