INSTITUCIONALUNO PHIKOIPE VASH O DIZUNE:
INFORMIPE: Platforma “Mothav e Diskriminacia” kola phiravela o Ofisi vash shukarno raipe dengya shaipe vash mothavipe e shaipyengo e terne prandipyengo. Vash akaleske, ani korkori platforma ano kotor e selekciako vash qhand e diskriminaciako kola shay te mothaven, akana shay te selektingyol vi “Terne prandipya”. Linki vash mothavipe e diskriminaciako sito pe nakhipe:https://raportodiskriminimin.org/report
INFORMIPE: Ministria vash Financie, Buti thay Transerya ani Kosova dela subvencie vash biznesya ani Upruni Kosova!
Ministria vash financie, buti thay transferya dela subvenzie kotar 70% e finanzipesko e pokipyengo e neve butikernengo ano periodi kotar shov masek. Sah registrime biznesya kola siton ani lokacia Upruni Mitrovica, Zveqana, Zubin Potok thay Leposaviq shay te aplikinen ayekha kay musay te nakhen ano pere komunake ofiseya vash butyaripe kola ka den tumenge azhutipe thay ka mothaven sar te aplikinen. Ayekha vi, shay te shunen vash pherune informacie ano avutno linki kote o phiravutno e Ofisesko vash Butyaripe ani Leposaviqeski komuna ulavgya informacie vash akava shaipe: https://www.facebook.com/MinistriaeFinancave/videos/743791344355160/
GRANTYA VASH DIZUNE THAY BIRAIPKANE ORGANIZACIE/BIZESYA
INFORMIPE – IOM trumingya o vahti vash aplikipe vash butyake propozalya!
Mashkarthemutni Organizacia vash Migripe (IOM) lugyarela o implementipe e Programesko vash Stabilizipe e Komunitetengo V, kova ka del financialuno thay teknikuno azhutipe vash shrdipe e neve thay buhlaripe e prezentune tikne thay mashkarune kompaniengo, may buderi e kompaniengo kola promovinena thay zorakerna savahtuno reintegripe e haricune irandengo. EU-CSP V programi ka lugyarel te phikoinel ini lokalune iniciative kolatar vijaipe ka theren o sah komuniteti prekal e buti e komunitetenge jenencar thay indiviualune phuvokernencar thay produkterencar rodlarindoy shaipya vash khetani buti prekal keripe thay phikoipe e nabuderune thay mashkaretnikune butyake amalipyengo.
Vash godideipya thay formularya vash aplikipe vizitineni IOM veb-qham (https://kosovo.iom.int/news/program-za-stabilizaciju-zajednica-v-eu-csp-0) vay khareni direktune e organizacia vastindoy o avutne kontaktya:
- Telefon:049 968 485 , email adresa: iymeri@iom.int vash komune: Prishtina, Fush Kosova, Obiliq, Vuqitrna, Poduyeva, Graqanica, Lipyan, Glogovci, Gilana, Ranilug, Kamenica thay NovoBrdo.
- Telefon:049 968 486 email adresa: acavolli@iom.int vash komune: Peya, Istog, Klina, Jakova, Deqana, Yunik, Srbica, Mitrovica (vrdlorig-yugi), Leposaviq, Zubin Potok thay Zveqan.
- Telefon:049968483 email adresa:nhalkollari@iom.int vash komune: Prizren, Mamusha, Orahovac, Dragash, Suvareka, Malisheva, Shtimla, Uroshevac, Shtrpce, Kaqanik, Elez Han, Klokot, Vitina thay Partesh.
Ano akala adrese shay te len may detalyune informacie phanglo e: procesi e penjaripesko thay ovipe e hramipesko amare hramipeske propozalyengo, formularya vash aplikipe thay godideipya vash pheripe e formularengo thay godideipya phanglo vash procesi e aplikipesko.
Paluno vahti vash aplikipe: 15. yuli 2024 bersh.
INFORMIPE – KCSF kharela biraipkane organizacien te aplikinen vash institucionalune grantya!
KCSF kharela sah reprezentyen e biraipkane sektoresko te aplikinen vash grantya prekal programi Angazhipe vash khetani akcia (EJA Kosovo) koya sila pe resipe te phikoinel e demokrativune thay socio-ekonomikune evolviripeski ani Kosova. Eja Kosovo financingyola kotar Zvicraki agencia vash evolviripe thay ledeipe (SDC) thay Suedia.
Iniciative musay te astaren o avutne resipya:
- Bayaripe e dizunenge angazhipesko ano publikuno jivdipe prekal kotorleutno avokipe e civilune malipesko thay,
- Deipe e shaipesko e organizacienge e civiluen malipeske te zorakeren o ledeipya pere dizunencar thay anglinen pere organizaciake kapacitetya.
Organizacie silen hako te aplikinen vash financipe ano periodi kotar 36 masek. Maksimaluno bujeti kova rodingyola vash financipe kotar akava kharipe vash deipe e plikipesko vash yekh granti na manglape te nakhel may buderi se 40.000 mile euro ano bersh.
Deutne e aplikipyengo shay te biqhalen pere pherde aplikipya prekal grants.kcsfoundation.org Ka lelonpe dikhipe numay aplikipya kola siton ko sasutnipe e kharipeske mangipyencar vash deipe e apliklipyengo sar si lepardo ano mothavipya vash kharipya thay ano formulari e aplikipesko. Te sine kay situmen nesavo puqipe phanglo e gatisaripeya e aplikipesko vay detalya vash aplikipe ano granti, kontaktineni amen prekal emaili eja@kcsfoundation.org.vash may buderi informacie vizitineni o avutno linki: https://kcsfoundation.org/sr/open-call/grantet-institucionale/
Paluno vahti vash aplikipe sito 15. Yuli 2024 ji pe 23:59 sar si pe lokaluno vahti.
INFORMIPE – USAID kharela biraipkane organizacien te aplikinen vash financipe!
USAID Kosova kharela kvalifikipe, naprofitabilune thay biraipkane organizacie te mothaven interesipe vash leipe e financialune vastushyengo vash vastipe e inovativune akcesesko kola savahtunipeya bayarena konkurencia e sherune resursyune orientime sektoryengo ani Kosova: kashteske kerutne (leindoy kotor modularune khera thay obyektya e montazha), IKT thay habaske. Financipe e propozipesko kola astarena angazhipe e diasporako shay te astarel ini yaver sektorya pashe o leparde. Ano akava konkursi vash deipe e aplikipyengo, kvalifikime organizacie shay te aplikinen vash financialune vastushya anop molipe kotar €40.000 ji pe €80.000.
Sheruno resipe e panj bershune programesko USAID Kosovo Compete Activity sito te del shaipe vash may bari konkurencia e privatune sektoreske ano thanesko, regionaluno thay mashkarthemutno trego prekal savahtuno akcesi kova zorakerla e kompanien, organizacie thay relevantune institucie ano nakhipe e sistematikune samatredipyengo. Sherune umala e butyake e programesko USAID Kosovo Compete Activity astarena: akcesi ano trego, diversifikipe e financiengo; anglipe e butyaripesko; evolviripe e janipyengo; thay phikoipe e butyaripeske thanipesko.
Program USAID Kosovo Compete Activity finansinla Agencia e Yekhune Themyengi vash Mashkarthemutno Evolviripe (USAID), thay realizinela ole e organizacia DT Global, sar sheurno butyarno, khetane e organizaciencar Recura Financials thay Canopy Lab sar ledeutne. May buderi informacie vash kharipe shay te dikhen ano avutno linki:
Paluno vahti vash aplikipe: 01. avgusti 2024 bersh.
INFORMIPE – PUTERDO KHARIPE VASH TIKNE GRANTYAVASH ORGANIZACIE E CIVILUNE MALIPESKO (OCD)
Makedoniako centro vash mashkarthemutno ledeipe (MCIC), ano anav e lidershipesko e ratodizyoriguna Evropako vash Evolviripe thay Integriteti (SELDI), anavinla regionaluno kharipe vash ldeipe e propozalyengo vash SELDI programi e tikne grantyengo „Financialuno phikoipe e lokalune thay ternenge organizacienge e civilune malipeske e akceseya vash dizune” (Referentuno gendo 10-46/1-2024). Kharipe vash deipe e proyekt propozipyenge khuvela ani rig e proyektesko „Dizunengo malipe vash shukarno raipe thay maripe mamuy korupcia, ano ratyodisyoriguni Evropa: Keripe e kapacitetengo vash avokipe ano mothavipya, qalavipe e politikako thay angazhipe e dizunengo (SELDI.net)“, kola financinela e Evropaki Unia.
Programi e tikne grantyengo SELDI sile pe resipe te zorakerel o phikoipe e organizaciengo e civilune malipesko kotar o thema e Ratorigune Balkanesko (Albania, Bosna thay Hercegovina, Kosova*, Upruni Makedonia, Montenegro thay Srbia), ano maripe mamuy korupcia thay olengo kotorleipe ano ciklusi e avokipesko thay qalavipe e politikako SELDI, financiarune phikoipeya e prioritetengo e organizacienge e civilune amalipeske, leindoy kotor lokalune thay terne, kola siton aktivune ano maripe mamuy korupcia.
Sheruno resipe akale kharipesko vash deipe e proyekt propozipyengo sito kay te del phikoipe e lokalune OCD ano implementipe e EU thay regionalune antikorupciake agende ano resyune thema, ano phanglipe e puqipyencar identifikime ano Regionaluno raporti ano maripe mamuy e korupcia SELDI (RAR), SELDI Politikako Dokumenti thay may neve raportya ano paketi e buhlaripesko vash resyune thema.
Aplikipe sito shayutno numay pe anglikani qhib, vash may buderi informacie vash ovipe e aplikipesko ano avutno linki:
Paluno vahti vash aplikipe: 01. avgusti 2024.
SHAIPE E BUTYARIPESKO VASH NABUDERUNE KOMUNITETYA
INFORMIPE: Rafin e Kosovake Romane, Ashkalyune thay Egipqanyune juvlengi ani Kosova (RROGRAEK) puterla kharipe vash Direktori e organizaciako!
Kvalifikipya vash e pozicia e Direktoreski si:
- Univerziteteski vay studentyengi diploma,
- Butyaki eksperienca ani umal e manushikane hakayengi/juvlenge hakaya ani organizacia,
- Kandidati musay te therel but shukarne kompyutereske janipya leindoy kotor Windows, Excel, Power Point,
- Hramimo thay vakerdo janipe e albanyuna thay anglikana qhibyako,
- Komunikipeske janipya, ledeipe, buti e ekipa ty.
- Oveni energetikune, situmen shukar mashkar manushenge janipya thay sien gatisarde te keren buti e fleksibilune butyake vahteya thay vahteska presia.
Mothavipya vash butyaki eksperienca, kvalifikipya, CV ano Europass formati, rekomandipya te biqhalen ano emaili: rrograek@gmail.com
Vash may buderi informipya shay te kharen prekal o telefonesko gendo: 383 (0) 44 211 905.
Paluno vahti vash aplikipe: 15. yuli 2024.
INFORMIPE: Rafin e Kosovake juvlengi (RrGK) puterla kharipe vash Koordinatori vash ledeipe e publika!
Kvalifikipya vash e pozicia e Koordinatoreski siton:
- May hari diploma kotar e komunikologia, zhurnalistika thay yekhune umala;
- May hari yekh bersh relevantuni eksperienca ani umal e zhurnalistikaki/komunikipe vay/thay ledeipe e publika;
- Mangli eksperienca ano hramipe, keripe thay publikipe e tekstyengo vash juvlenge hakaya thay/vay polyuno yekhipe;
- But shukar janipe e vastipesko e socialune rafinyengo;
- But shukarne janipya e vakeripesko e albanyuna thay anglikana qhibyako;
- Hramipeya thay vakeripeya janipe e srbyuna qhibyako sito shukar alo, numay na si musayutno;
Vash aplikipe sito musayutno, motivipesko lil, CV, rekomandipya, thay yekh esey ani tema e polyune uekhipesko pe albanyuni qhib.
Leparde dokumentya te biqhalen ano kosovawomensnetwork@gmail.com ji pe 22. Yuli 2024.
Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese:
- Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
- Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net/
- Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
- Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20.
DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:
Ø SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki: https://superpuna.rks-gov.net/
Ø KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
Ø Dikheni o konkursya ano institucie ani sah Kosova ano avutno linki: https://aprk.rks-gov.net/Job/Index
Ø Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki: https://konsultimet.rks-gov.net/index.php
Ø Dikheni o konkursya vash grantya vash biraipkane organizacie ano avutno linki: https://www.kosovofunding.org/
Ø Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali: http://www.posaonakosovu.com/
