Fondi për të Drejtën Humanitare në Kosovë organizon një shkollë verore për drejtësinë tranzicionale për të rinjtë e moshës 18 deri në 25 vjeç, të cilët dëshirojnë të mësojnë për drejtësinë tranzicionale dhe ballafaqimin me të kaluarën. Shkolla do të mbahet në Prizren, pesë ditë me radhë, nga data 5 deri më 9 gusht 2024.
Pjesëmarrësit e përzgjedhur do të kenë mundësinë të mësojnë mbi mekanizmat e drejtësisë tranzicionale si: e drejta për drejtësi, e drejta për të vërtetën, e drejta për kompensim (reparacion) dhe reformat institucionale, nga ekspertë ndërkombëtarë dhe vendor të kësaj fushe. Gjithashtu, pjesëmarrësit e shkollës do të kenë mundësinë të vizitojnë vendet e krimeve dhe të takohen me të mbijetuarit dhe familjarët e viktimave, të cilët do të tregojnë historinë e tyre.
Të gjitha shpenzimet në lidhje me shkollën verore do t’i mbulojë Fondi për të Drejtën Humanitare në Kosovës, gjithashtu do sigurohet edhe përkthimi.
Aplikimi mund të bëhet në linkun në vijim: https://docs.google.com/…/1SFUW4IGfmlseb469NHxfGpU…/edit
Shqip: https://docs.google.com/…/1XGJbBN25j9XKPHaloNSiHTL…/edit
Afati për aplikim: 15 korrik 2024.
