Buletini XLIII

Mëso, komuniko, përparo – Kurse falas të gjuhës serbe dhe gjuhës shqipe në platformën VocUp!

VocUp është një platformë digjitale interaktive për të mësuar gjuhën shqipe dhe atë serbe, e disponueshme plotësisht falas. Kurset janë të përshtatura për të gjitha nivelet e njohurive – nga i pari (A1) deri te niveli i avancuar (C2), dhe përfshijnë mësime video, shpjegime me tekst, ushtrime, kuize, si dhe një fjalor shprehjesh.

Kjo iniciativë mbështetet nga Ambasada Britanike në Kosovë dhe Organizata Ndërkombëtare për Migrim, me qëllim inkurajimin e shumë gjuhësisë dhe forcimin e mirëkuptimit të ndërsjellë dhe kohezionit social.

Gjuha serbe dhe gjuha shqipe janë gjuhë zyrtare në Republikën e Kosovës, dhe njohja e tyre është çelësi për komunikim, mirëkuptim dhe bashkëpunim më të mirë midis komuniteteve në Kosovë. Shumë gjuhësia hap derën për mundësi të reja – qoftë në arsim, punësim apo angazhim shoqëror. Mësimi i një gjuhe jo vetëm që zgjeron njohuritë, por gjithashtu ndërton ura besimi dhe respekti të ndërsjellë. Në platformë mund të gjeni informacione dhe shprehje që nëpunësit civilë dhe qytetarët i përdorin më shpesh, për të lehtësuar komunikimin dhe për të përmirësuar shërbimet e ofruara nga nëpunësit civilë.

Pavarësisht nëse jeni nxënës, student, profesionist apo thjesht dëshironi të mësoni një gjuhë të re – tani është koha e duhur për të përfituar nga kjo mundësi!

Regjistrohuni dhe filloni të mësoni në: www.voc-up.com

NJOFTIM: Programi ReLOaD3 i hapur për komunat për të forcuar demokracinë lokale!

UNDP Kosova fton të gjitha komunat që nuk kanë marrë pjesë ende në programin ReLOaD të shprehin interesin e tyre për të marrë pjesë në fazën e tretë të Programit Rajonal për Demokracinë Lokale në Ballkanin Perëndimor (ReLOaD3). Ky program, i financuar nga Bashkimi Evropian, zbatohet në Shqipëri, Bosnjë dhe Hercegovinë, Mal të Zi, Kosovë, Maqedoni të Veriut dhe Serbi. ReLOaD3 synon të forcojë demokracinë pjesëmarrëse dhe të mbështesë integrimin e Ballkanit Perëndimor në BE, duke fuqizuar shoqërinë civile për pjesëmarrje aktive në proceset e vendimmarrjes dhe duke përmirësuar mjedisin ligjor dhe financiar për organizatat e shoqërisë civile (OSHC).

Si të aplikoni: Komunat mund të kërkojnë qasje në dosjen e përbashkët për komunën e tyre, duke dërguar një email në zyrën e IT-së të UNDP-së në adresën: it.ks@undp.org me titull “ReLOaD3 Application Access”. Pas marrjes së email-it me ftesën për të caktuar dosjen, ata do të përdoret kodi katër shifror për qasje, ngarkuar dhe menaxhuar skedarët deri në skadimin e afatit për aplikim.

Për informacione dhe sqarime shtesë, komunat mund të kontaktojnë ekipin e projektit në Kosovë përmes email-it: reload.ks@undp.org, me referencë në projektin ReLOaD3 në titull të mesazhit. Pyetjet mund të bëhen më së voni pesë ditë para skadimit të afatit për aplikim.

Në kuadër të thirrjes publike, u organizuan sesione informuese në pesë rajone ekonomike të Kosovës:

• Prishtinë: 6 maj 2025. (Zyrat e UNDP Kosovë)
• Gjilan: 7 maj 2025 (Zyrat e Agjencisë Rajonale për Zhvillimi Istog – RDA East)
• Mitrovica e Jugut: 8 maj 2025 (Zyrat e Agjencisë Rajonale për Zhvillimi Veriu – RDA East)
• Pejë: 12 maj 2025 (Zyrat e Agjencisë Rajonale për Zhvillimi Perëndim – RDA West)
• Prizren: 13 maj 2025 (Zyrat e Agjencisë Rajonale për Zhvillimi Jug – RDA East)

ReLOaD3 u ofron komunave një mundësi për të përmirësuar bashkëpunimin me shoqërinë civile, për të forcuar demokracinë lokale dhe për të kontribuar në zhvillimin gjithëpërfshirës të komuniteteve të tyre.

Për më shumë informacion dhe për të shkarkuar dokumentacionin e nevojshëm, vizitoni faqen zyrtare të  UNDP-së në Kosovë.: www.undp.org/kosovo/publications/call-expression-interest-municipalities-participate-regional-programme-local-democracy-western-balkans-3-reload3

Afati për aplikim: 16 qershor 2025 deri 16:00.

MUNDËSI PËR TË RINJT:

NJOFTIM: Thirrje e hapur për bursa Western Balkans–bursat Visegrad: Mundësi për hulumtues dhe doktoratura!

Western Balkans Fund i International Visegrad Fund  ftojnë studentët e doktoraturës dhe bartësit e titujve  doktorantë nga vendet e Ballkanit Perëndimor (WB6) dhe Grupit të Visegradit (V4) të aplikojnë për grante kërkimore afatshkurtra, në kuadër të programit të Bursave të Western Balkans–Visegrad Fellowships.

Detajet e programit:

• Kohëzgjatja e burës: 2 deri 10 javë
• Përkrahja financiare: 500 EUR në javë + shpenzimet e udhëtimit
• Lokacioni: Institucionet sipas zgjedhjes në vendet V4 (Çekia, Hungaria, Polonia, Sllovakia) për kandidatë nga WB6 dhe anasjelltas

 Për më shumë informacione, shikoni linkun: https://westernbalkansfund.org/western-balkans-visegrad-fellowships/

Afati për aplikim: 15 qershor 2025.

NJOFTIM: Është hapur thirrja për gra në sektorin IT: Aplikoni për trajnim falas dhe certifikimin nga siguria kibernetike!

British Council Kosovo, në kuadër të iniciativës Her Cyber, fton gratë nga teknologjia e informacionit dhe inxhinierisë të aplikojnë për trajnime të financuara plotësisht dhe një certifikim të njohur ndërkombëtarisht në sigurinë kibernetike, të akredituar nga Qendra Kombëtare e Sigurisë Kibernetike e Mbretërisë së Bashkuar (UK NCSC).

Ftesa është e destinuar për gratë që flasin rrjedhshëm anglisht dhe plotësojnë të paktën një nga kushtet e mëposhtme:

• Studente në vitin e fundit të studimeve universitare në disiplina IT ose inxhinierie,
• Të sapo diplomuara në IT ose inxhinieri ,që kërkojnë aktivisht punësim,
• Studente të studimeve master në fusha IT ose inxhinierie, që duan të hyjnë në tregun e punës,
• Profesioniste në fillim të karrierës së tyre në sektorin e IT-së (me më pak se tre vjet përvojë,) që duan të specializohen në sigurinë kibernetike .

Pjesëmarrëset e përzgjedhura do të kenë qasje në trajnime në fushat kryesore të sigurisë kibernetike, duke përfshirë:

• Sigurinë e rrjetit,
• Hakimin etik,
• Zbulimin e kërcënimeve dhe reagimi ndaj incidenteve,
• Testimin penetrues,
• Sigurinë e informacionit.

Trajnimet, të cilat normalisht kushtojnë midis  £500 dhe £2,500, do të financohen plotësisht nga British Council.

Kandidatet e interesuara duhet t’i dërgojnë dokumentet e mëposhtme në gjuhën angleze në adresën info.cybher@britishcouncil.org me titullin e emajlit: Application for Certification scheme – Kosovodhe të dërgohen dokumentet në vijim:

• CV;
• Formulari i plotësuar i aplikimit (i qasshëm për shkarkim në faqen zyrtare të internetit),
• Pëlqimi për përpunimin e të dhënave.

Për më shumë informacione, shikoni linkun: https://kosovo.britishcouncil.org/en/programmes/education-society/her-cyber/cybersecurity-certification

Afati për aplikim: 12 qershor 2025 deri 23:59

Shfrytëzojeni këtë mundësi për të filluar ose avancuar karrierën tuaj në sigurinë kibernetike, me një certifikim të njohur ndërkombëtarisht dhe mbështetje nga një institucion me renome!

NJOFTIM: Thirrje për aplikim: Bursa JWPSI 2025 – Mundësi për studiues të rinj në fushën e grave, paqes dhe sigurisë!

Fondacioni Jahjaga fton studiues të rinj të aplikojnë për një bursë brenda Institutit të Grave, Paqes dhe Sigurisë (JWPSI). Kjo bursë ofron një mundësi për të hulumtuar tema kyçe, si dhuna me bazë gjinore, pjesëmarrja e grave në proceset e paqes dhe mbrojtja në konflikte.

Kriteret për aplikim:

• Diplomë Bachelor ose Master në shkenca politike, studime gjinore, sociologji, marrëdhënie ndërkombëtare ose fusha të ngjashme.
• Përvojë ose interes i fortë në çështjet e grave, paqes dhe sigurisë.
• Shkathtësi të shkëlqyera shkrimi dhe komunikimi.
• Gatishmëri për t’u angazhuar gjatë një periudhe dy-mujore (1 muaj në Prishtinë + 1 muaj nga distanca).

Kohëzgjatja e bursës:

• Gusht: Muaji i parë në Prishtinë.
• Shtator: Muaji i dytë në distancë për përfundimin e punimeve.

Rezultatet e pritura:

• Një punim ose artikull kërkimor (15–25 faqe).
• Kontribut në platformën JWPSI (përmbledhje kërkimore, brifing etj.).
• Një postim publik në blog ose intervistë opsionale, që reflekton përvojën gjatë  bursës.

Si të aplikoni:

Dërgoni dokumentet në gjuhë angleze në email: contact@jahjagafoundation.org:

• Letër motivuese (1 faqe),
• CV;
• Shembull shkrimi i aplikuar (akademik ose i orientuar drejt politikave).

Kjo bursë është e paguar, ndërsa të gjitha detajet e kompensimit dhe pjesëmarrjes do t’i ndahen kandidatëve të përzgjedhur në rrethin e ngushtë. Për informacione shtesë, vizitoni faqen zyrtare: https://jahjagafoundation.org/call-for-applications-jwpsi-fellowship-2025/

Shfrytëzojeni mundësinë për të kontribuar në avancimin e agjendës së grave, paqes dhe sigurisë, përmes punës kërkimore  dhe angazhimit në rajon.

Afati për aplikim: 30 qershor 2025.

Pjesëmarrja aktive e qytetarëve përmes ankesave dhe raportimeve për problemet që ndodhin në nivel komunal dhe qendror, përmirëson punën e institucioneve të regjistruara dhe punonjësve të tyre, duke kontribuar kështu në përmirësimin e punës së tyre dhe jetës më të mirë të të gjithë qytetarëve. Mbroni të drejtat tuaja duke përdorur adresat e mëposhtme:

• Çdo formë diskriminimi është e ndaluar, shfrytëzoni të drejtën tuaj për të raportuar publikisht ose në mënyrë anonime diskriminimin në linkun në vazhdim: http://www.raportodiskriminimin.org
• Nëse të drejtat tuaja gjuhësore janë shkelur nga ndonjë institucion, raportoni ato me e-mail adresën: info-zkgj-kpj@rks-gov.net
• Nëse të drejtat tuaja gjuhësore janë shkelur nga ndonjë institucion, raportoni ato me e-mail adresën: info-zkgj-kpj@rks-gov.net
• Nëse keni ndonjë problem dhe keni nevojë për ndihmën profesionale të një avokati, mund të merrni ndihmë juridike falas në komunën tuaj, për më shumë informacion dhe konsultime kontaktoni në numrin pa pagesë 0800 11 777, vizitoni faqen https://anjf.rks-gov.net/page.aspx?id=3,1 ose kontaktoni OJQ  Advancing Together në email adresë: info@advancing-together.org dhe numri pa pagesë  0800 200 20.

NDIQNI VEGËZAT E MËPOSHTME QË OFROJNË PUNËSIM NË INSTITUCIONE DHE MUNDËSI TË TJERA:

• SUPERPUNA: vende pune të subvencionuara për te rinj të moshës 18-29 vjeç, më shume informacione dhe regjistrimi në linkun në vazhdim: https://superpuna.rks-gov.net/
• KOSOVOGENU: praktikë tre mujore për të rinjtë 16-24 vjeç, më shumë informacion dhe regjistrim në linkun  në vazhdim: https://kosovogenu.com
• Ndiqni konkurset nëpër institucione në mbarë Kosovën në linkun në vazhdim: https://aprk.rks-gov.net/Job/Index
• Ndiqni konkurset nëpër institucione në mbarë Kosovën në linkun në vazhdim: https://aprk.rks-gov.net/Job/Index
• Ndiqni konkurset nëpër institucione në mbarë Kosovën në linkun në vazhdim: https://aprk.rks-gov.net/Job/Index