• 038 200 14 640
  • zck-kpz-grants@rks-gov.net
  • Ndërtesa e Qeverisë, Prishtinë, Kosovë, 10000
Search
Close this search box.

Platforma e Zyrës për Çështje të Komuniteteve
ZYRA E KRYEMINISTRIT

Raporto
Regjistro

Buletini XXXV

NJOFTIME DHE VENDIME TË RËNDËSISHME PËR QYTETARË:

NJOFTIM: Informatë lidhur me konkursin për pozitën e drejtorit të Zyrës për Çështje të Komuniteteve

Ju njoftojmë se konkursi për pozitën e drejtorit të Zyrës për Çështje të Komuniteteve , që është publikuar në platformën e konkurseve me numrin e referencës RN00015657, është anuluar..

Komisioni kompetent nuk vlerësoi asnjë kandidat si të përshtatshëm për këtë pozitë, sepse nuk i plotësonin të gjitha kriteret dhe kushtet e nevojshme të shënuara në konkurs.

Prandaj, procesi i rekrutimit për këtë pozicion është pezulluar dhe konkursi nuk do të vazhdojë. Për informacione apo pyetje shtesë, mund të kontaktoni platformën e konkurrimit përmes kanaleve të zakonshme të komunikimit.

Për më shumë informata, shikoni linkun: https://konkursi.rks-gov.net/advertisement/details?refNumber=RN00015657 

NJOFTIM: Ministria e Punëve të Brendshme miratoi Vendimin për regjistrimin e fakteve për gjendjen civile!

Ministria e Punëve të Brendshme ka miratuar një Vendim me të cilin u mundëson të gjithë shtetasve të Republikës së Kosovës, të cilët kanë regjistruar faktet e gjendjes së tyre civile (lindje, martesë dhe/ose vdekje) në strukturat ilegale paralele serbe në periudhën prej 10 qershorit 1999 deri në hyrjen në fuqinë e këtij vendimi, të paraqesë kërkesë për regjistrimin e këtyre fakteve në Regjistrin Qendror të Gjendjes Civile të Republikës së Kosovës.

Ky vendim është një hap i rëndësishëm drejt zbatimit të ligjshmërisë drejt formalizimit të gjendjes civile të qytetarëve në përputhje me kornizën ligjore të Republikës së Kosovës.

Procesi i regjistrimit do të kryhet nga Agjencia e Regjistrimit Civil dhe do të jetë i hapur nga data 1 shkurt 2025 deri më 30 prill 2025. Për të aplikuar qytetarët duhet të dorëzojnë dokumentacionin përkatës bazuar në llojin e fakteve që synojnë të regjistrojnë.

Gjatë periudhës së tranzicionit, nga dhjetori i këtij viti deri më 1 shkurt 2025, do të zhvillohen sesione të ndryshme informuese për të gjithë qytetarët, për t’i ndihmuar dhe asistuar në këtë proces.

Ministria e Punëve të Brendshme fton të gjithë qytetarët që të përfitojnë nga kjo mundësi për të rregulluar gjendjen e tyre civile.

Për më shumë informata, shikoni linkun: https://zck-kpz-platform.rks-gov.net/ministria-e-puneve-te-brendshme-miraton-vendimin-per-regjistrimin-e-fakteve-te-gjendjes-civile/

NJOFTIM: Ka nisur pilot programi për kuponët e arsimit të hershëm!

Qeveria e Kosovës, në bashkëpunim me Ministrinë e Arsimit, Shkencës dhe Teknologjisë, ka nisur pilot fazën e programit të kuponëve, një iniciativë e rëndësishme për mbështetjen e familjeve në sistemin e asistencës sociale. Ky program synon të rrisë pjesëmarrjen e fëmijëve të moshës 3 deri në 5 vjeç në kopshtet e licencuara, duke mbuluar shpenzimet e arsimit dhe transportit. Financuar me 1.8 milionë euro nga Banka Botërore, programi synon të katërfishojë regjistrimin e fëmijëve në institucione parashkollore deri në vitin 2027.

Ky projekt është harmonizuar me prioritete strategjike të Qeverisë për përmirësimin e edukimit në fëmijërinë e hershme, si dhe miratimin e Ligjit për edukimin në fëmijërinë e hershme dhe zhvillimin e plan-programit mësimor. Zëvendësdrejtoresha e Bankës Botërore për Kosovën dhe Maqedoninë e Veriut, Džejn Milisent Sprouster, theksoi rëndësinë e këtij programi, duke nënvizuar përfitimet e tij për zhvillimin e fëmijëve dhe përfshirjen e institucioneve private në ofrimin e shërbimeve të kujdesit ndaj fëmijëve.

Për më shumë informata, shikoni linkun: https://masht.rks-gov.net/u-be-lansimi-i-pilotimit-te-programit-te-kuponeve/

PËRKRAHJA INSTITUCIONALE PËR QYTETARË

MUNDËSITË PËR PUNËSIM:

KONKURS PËR PUNËSIMIN NË INSTITUCIONE PUBLIKE

Pjesëmarrja aktive e qytetarëve përmes ankesave dhe raportimeve për problemet që ndodhin në nivel komunal dhe qendror, përmirëson punën e institucioneve të regjistruara dhe punonjësve të tyre, duke kontribuar kështu në përmirësimin e punës së tyre dhe jetës më të mirë të të gjithë qytetarëve. Mbroni të drejtat tuaja duke përdorur adresat e mëposhtme:

  • Çdo formë diskriminimi është e ndaluar, shfrytëzoni të drejtën tuaj për të raportuar publikisht ose në mënyrë anonime diskriminimin në linkun në vazhdim: http://www.raportodiskriminimin.org
  • Nëse të drejtat tuaja gjuhësore janë shkelur nga ndonjë institucion, raportoni ato me e-mail adresën: info-zkgj-kpj@rks-gov.net
  • Nëse zyrtarët policorë ju kanë shkelur të drejtat, raportoni në Inspektoratin Policor të Kosovës, duke telefonuar në numrin pa pagesë 08000333 ose përmes faqes zyrtare të IPK-së në seksionin e ankesave: //ipk.rks-gov.net/Reporting/Reporting
  • Nëse keni ndonjë problem dhe keni nevojë për ndihmën profesionale të një avokati, mund të merrni ndihmë juridike falas në komunën tuaj, për më shumë informacion dhe konsultime kontaktoni në numrin pa pagesë 0800 11 777, vizitoni faqenhttps://anjf.rks-gov.net/page.aspx?id=3,1 ose kontaktoni OJQ  Advancing Together në email adresë: info@advancing-together.org dhe numri pa pagesë  0800 200 20.

NDIQNI VEGËZAT E MËPOSHTME QË OFROJNË PUNËSIM NË INSTITUCIONE DHE MUNDËSI TË TJERA:

Share:

Latest posts

Zyra për Çështje të Komuniteteve – Zyra e Kryeministrit

Facebook-f Twitter Instagram Youtube

Na kontaktoni

  • 038 200 14 640
  • zck-kpz-grants@rks-gov.net
  • Ndërtesa e Qeverisë, Bulevardi Nënë Tereza, Prishtinë, Kosovë, 10000

Linqe