Buletini XXXX

NJOFTIME DHE VENDIME TË RËNDËSISHME PËR QYTETARË:

Është miratuar Plani i Veprimit 2025-2026 për zbatimin e Strategjisë për Avancimin e të Drejtave të Komunitetit Rom dhe Ashkali!

Qeveria në detyrë më 16 prill 2025, në seancën e 258-të të Qeverisë, miratoi Planin e Veprimit për Zbatimin e të Drejtave të Komunitetit Rom dhe Ashkali në Kosovë. Strategjia përfshin periudhën 2022-2026, në të cilën gjenden aktivitetet konkrete të institucioneve të Kosovës në fushën e arsimit, shëndetësisë, punësimit, shërbimeve sociale, strehimit dhe luftës kundër diskriminimit për një shoqëri të barabartë dhe të drejtë, në të cilën pjesëtarët e komunitetit rom dhe ashkali nuk trajtohen si kategori të veçanta, por si qytetarë me të drejta të plota dhe të garantuara. Përfaqësues të sektorit civil, si dhe Këshillit të Evropës kontribuojnë në zbatimin e kësaj strategjie dhe ofrojnë mbështetje për Zyrën për qeverisje të mirë, që mbikëqyr të gjithë procesin e zbatimit të strategjisë. Strategjia për avancimin e të Drejtave të Komunitetit Rom dhe Ashkali mund ta shihni ne linkun ne vazhdim: https://shorturl.at/dGYXe

Vendimin e Qeverisë, i cili është i 5-ti me radhë, mund ta shihni në linkun në vazhdim: https://kryeministri.rks-gov.net/blog/272218/ ose të shkarkohet në fund të tekstit.

Shënohet Dita Ndërkombëtare e Romëve!

Me rastin e Ditës Ndërkombëtare të Romëve, më 17 prill u organizua një aktivitet zyrtar me mbështetjen financiare të Zyrës për Çështje Komunitare, që mblodhi përfaqësues të institucioneve dhe qytetarë nga komuniteti rom për të festuar këtë ditë të rëndësishme dhe për të nderuar historinë, kulturën rome dhe kontributin e këtij komuniteti në shoqërinë tonë shumëetnike.

 Kryeministri i Republikës së Kosovës Albin Kurti, i shoqëruar nga Zëvendëskryeministri dhe zyrtarë të tjerë të Qeverisë së Kosovës, përfaqësues të sapozgjedhur nga komuniteti rom, si dhe përfaqësues të shoqërisë civile dhe qytetarë të shumtë, morën pjesë në këtë aktivitet.

Në fjalën e tij, Kryeministri Kurti theksoi angazhimin e Qeverisë për barazi, përfshirje dhe trajtim jodiskriminues të të gjithë qytetarëve, me theks të veçantë në mbështetjen për komunitetin rom në fusha  si rsimi, kultura dhe integrimi social.

Eventi u shënua me fjalime hyrëse, aktivitete kulturore dhe diskutime rreth të kaluarës dhe të ardhmes së komunitetit rom në Kosovë, duke promovuar vlerat e bashkëjetesës, diversitetit dhe respektit të ndërsjellë. Dita Ndërkombëtare e Romëve shënon një moment të rëndësishëm për angazhim për ndërtimin e një shoqërie më të drejtë dhe më gjithëpërfshirëse për të gjithë.

Fjalimi i kryeministrit gjendet në linkun në vijim:

https://kryeministri.rks-gov.net/blog/kryeministri-kurti-mori-pjese-ne-ngjarjen-e-organizuar-me-rastin-e-shenimit-te-dites-boterore-te-romeve

PËRKRAHJA INSTITUCIONALE PËR QYTETARË:

NJOFTIM:  Thirrje publike për mbështetje financiare për qendrat  mësimore për nxënësit nga komunitetet e cenueshme!

Ministria e Arsimit, Shkencës, Teknologjisë dhe Inovacionit ka publikuar një thirrje për mbështetje për organizatat joqeveritare, që drejtojnë qendra mësimore për nxënësit e komuniteteve rom, ashkali dhe egjiptian, si dhe për nxënës të tjerë, që kanë nevojë për ndihmë shtesë Kjo thirrje ka për qëllim të përmirësojë mundësitë arsimore për fëmijët nga grupet e margjinalizuara. Të gjitha organizatat e interesuara mund të aplikojnë  maksimum me një projekti brenda kësaj thirrjeje.

Periudha e zbatimit të projektit është nga gjashtë (6) deri në dhjetë (10) muaj, duke filluar nga shtatori 2025.  Për më shumë hollësi lidhur me kriteret, si dhe mënyrën e aplikimit mund të gjeni në linkun në vazhdim: https://masht.rks-gov.net/thirrje-publike-per-ofrimin-e-mbeshtetjes-financiare-per-financimin-e-projekteve-te-ojq-ve-qedrejtojne-qendra-mesimore-qe-mbeshtesin-nxenesit-rom-ashkali-dhe-egjiptian-si-dhe-nxenes-tetjere-qe-kont/

Afati për aplikim: 15. Maj 2025 

Për çdo pyetje lidhur me thirrjen kontaktoni: nazan.safqi@rks-gov.net

NJOFTIM:  Thirrje publike për mbështetje të bujqëve!

Ministria e Bujqësisë, Pylltarisë dhe Zhvillimit Rural fton të gjithë bujqit e interesuar të aplikojnë për mbështetje përmes Programit të Pagesave Direkte për vitin 2025.

Mbështetja ofrohet për këto kultura dhe aktivitete bujqësore:

• Pagesë direkte për sipërfaqen e mbjellë me grurë dhe  të prodhuar/sasia e grurit të dorëzuar;
• Pagesë direkte për sipërfaqet e mbjella me fara gruri;
• Pagesë direkte për sipërfaqet e mbjella me elb;
• Pagesë direkte për sipërfaqet e mbjella me  thekër;
• Pagesë direkte për sipërfaqet e mbjella me tërshërë;
• Pagesë direkte për sipërfaqet e mbjella me misër;
• Pagesë direkte për sipërfaqet e mbjella me luledielli;
• Pagesë direkte për vreshtat ekzistuese të rrushit të verës dhe të tryezës;
• Pagesë direkte për verën e prodhuar dhe të deklaruar zyrtarisht;
• Pagesë direkte për pemishtet ekzistuese;
• Pagesë direkte për sasinë e dorëzuar/shitur të frutave të mjedrës;
• Pagesë direkte për prodhimin e materialit mbjellës për fruta  dhe hardhive;
• Pagesë direkte për sipërfaqet e mbjella me perime;
• Pagesë direkte për prodhimin organik;
• Pagesë direkte për bimët medicinale dhe aromatike;
• Pagesë direkte për lopët ; ​​qumështore;
• Pagesë direkte për mjeljen e buallicave;
• Pagesë direkte për viçat e mbarështimit;
• Pagesë direkte për delet dhe dhitë e qumështit;
• Pagesë direkte për bletët;
• Pagesë direkte për delet dhe dhitë e qumështit;
• Pagesë direkte për bletët.

SHËNIM: Metoda e aplikimit kryhet ekskluzivisht në zyrat e drejtorive komunale për bujqësi. Në rastet kur bujqit aplikojnë për disa kultura ose aktivitete bujqësore, plotësohet dhe dorëzohet vetëm një aplikim.

Për më shumë informacione lidhur ftesën shiko linkun në vijim: https://mbpzhr.rks-gov.net/subvencione/

Afati për aplikim: 02 maj 2025, në orën 16:00.

GRANTE PËR ORGANIZATA JOQEVERITARE:

NJOFTIM:  Thirrje për gratne dhe projekte të vogla !

Fondacioni KCSF fton individë, iniciativa të paregjistruara dhe organizata joqeveritare nga territori i Kosovës të aplikojnë për grante të vogla të destinuara për zbatimin e projekteve konkrete në komunitetet lokale.
Këto grante të vogla synojnë të mbështesin veprime që prodhojnë rezultate të dukshme në një periudhë kohore të përcaktuar qartë. Projektet mund të jenë afatshkurtra, por me potencial të fortë për ndryshim – pavarësisht nëse merren me çështje sistemike apo sfida lokale.

Kë këtë thirrje për grante mund të aplikojnë:

• Individë (shtetas të Republikës së Kosovës),

• Iniciativa të paregjistruara,

• Organizatat joqeveritare të regjistruara në Kosovë.

 Kohëzgjatja e zbatimit të projektit mund të jetë deri në 12 muaj, ndërsa shuma maksimale e një granti mund të jetë 10.000 euro.
Të gjithë kandidatët e interesuar duhet të plotësojnë një aplikim përmes sistemit të aplikimit online.
Udhëzime të hollësishme për regjistrimin dhe përdorim të sistemit gjenden në faqen zyrtare të platformës në linkun e mëposhtëm: https://kcsfoundation.org/open-call/grantet-e-vogla-per-projekte/

Për më shumë informacione/dilema, kontaktoni ekipin e KCF në adresën email: eja@kcsfoundation.org

MUNDËSI PËR TË RINJT:

NJOFTIM: Grante për të rinjtë – individ!

UNESCO ka publikuar një thirrje publike për grante të vogla për individë në kuadër të projektit “Kultura dhe Kreativiteti për Ballkanin Perëndimor” (CC4WBs), i financuar nga Bashkimi Evropian. Kjo thirrje synon të forcojë sektorët kulturorë dhe krijues në rajon, të inkurajojë dialogun dhe pajtimin, si dhe të rrisë ndikimin socio-ekonomik përmes përmirësimit të aftësive, njohurive dhe qasjes në mbështetje financiare.

Kush mund të aplikojë?

Banorët e vendeve të Ballkanit Perëndimor që janë përfitues të fondeve IPA kanë të drejtë të aplikojnë: Shqipëria, Bosnja dhe Hercegovina, Mali i Zi, Kosova, Maqedonia e Veriut dhe Serbia

Llojet e granteve të disponueshme:

1. Rezidencat e artistëve: Grantet deri në 5.000 euro janë të destinuara për artistët që dëshirojnë të marrin pjesë në rezidenca në rajonin e Ballkanit Perëndimor ose në Evropë. Qëllimi është të inkurajohet shkëmbimi i ideve, përvojave dhe aftësive midis artistëve, si dhe forcimi i partneriteteve rajonale dhe produkcionet me përmbajtje multikulturore.
2. Pjesëmarrja në ngjarje kulturore dhe krijuese Grantet deri në 3.750 euro kanë për qëllim mbulimin e kostove të pjesëmarrjes në panaire, tubime profesionale, trajnime dhe ngjarje të tjera që lidhen me kulturën, trashëgiminë dhe kreativitetin, me qëllim promovimin e rajonit të Ballkanit Perëndimor në fushat e turizmit kulturor, artit, medias dhe zhvillimit të të rinjve.

Bordi i vlerësimit shqyrton aplikimet në fillim të çdo muaji për aplikimet e pranuara deri në fund të muajit paraprak.​UNESCO+4On the Move+4mail.on-the-move.org+4

Si të aplikoni:

Kandidatët e interesuar duhet të plotësojnë formularin e aplikimit online dhe të dorëzojnë dokumentacionin e kërkuar, duke përfshirë:

• Letërnjoftimin ose dëshmi tjetër e vendqëndrimit në njërën nga vendet përfituese të fondeve IPA
• Përshkrimi i projektit ose aktivitetit të propozuar, duke përfshirë objektivat, aktivitetet e planifikuara dhe rezultatet e pritura
• Buxheti i projektit me një prezantim të detajuar të kostove.
• Dokumentacion shtesë relevant për aktivitetin e propozuar (p.sh.  ftese nga organizatori i eventit, plan pune gjatë rezidencës, etj.).

 Për më shumë informata, shikoni linkun: https://shorturl.at/e0oS6

Kjo iniciativë paraqet një mundësi të rëndësishme për individë nga sektori kulturor dhe krijues për të përmirësuar shkathtësitë e tyre, për të zgjeruar rrjetet profesionale dhe për të kontribuar në forcimin e skenës kulturore të Ballkanit Perëndimor.

Afati për aplikim: 31. Dhjetor 2025

MUNDËSITË PËR PUNËSIM:

KONKURS PËR PUNËSIM NË INSTITUCIONE PUBLIKE:

Zyra e Presidencës ka hapur konkurse për pozitat në vijim: 

• Zyrtar i lartë për kamerë dhe fotografi (https://konkursi.rks-gov.net/jobs?servant=1&institution=27965 ) 

• Udhëheqës i divizionit të transportit (https://konkursi.rks-gov.net/advertisement/details?refNumber=RN0001764)

• Drejtuesi i Njësisë për logjistikë (https://konkursi.rks-gov.net/advertisement/details?refNumber=RN00017649 )

Afati për aplikim për pozitat lartpërmendura është 17 maj 2025.

• Drejtues i Departamentit për Marrëdhënie me Publikun (https://konkursi.rks-gov.net/advertisement/details?refNumber=RN00017639 ). Afati për aplikim 16 maj  2025.

• Sekretar i Zyrës së Presidentes (https://konkursi.rks-gov.net/advertisement/details?refNumber=RN00017595). Afati për aplikim 8 maj  2025.
• Zyrtar i lartë për organizimin e eventeve (https://konkursi.rks-gov.net/advertisement/details?refNumber=RN00017594). Afati për aplikim 8 maj  2025.

• Udhëheqës i Divizionit për Marrëdhënie Ndërkombëtare (https://konkursi.rks-gov.net/advertisement/details?refNumber=RN00017575).
• Udhëheqës i Departamentit për Politikat e Sigurisë dhe Mbrojtjes(https://konkursi.rks-gov.net/advertisement/details?refNumber=RN00017574)
• Drejtor i Departamentit për financim (https://konkursi.rks-gov.net/advertisement/details?refNumber=RN00017570)

Afati për aplikim për pozitat lartpërmendura është 7 maj 2025.

Komunitetet joshumicë, personat me aftësi të kufizuara dhe gjinia më pak e përfaqësuar, kanë të drejtë për përfaqësim të drejtë dhe proporcional në Shërbimin civil të Kosovës, prandaj inkurajohen të aplikojnë!