Organizata joqeveritare Dardanapress nga Kamenica, e cila është përfituese e grantit nga Zyra për Komunitete gjatë vitit 2024, ka zhvilluar aktivitetin e saj, duke organizuar një tryezë të rrumbullakët për komunitete joshumicë për të diskutuar problemet kryesore me të cilat përballen, si: arsimi dhe punësimi i komunitetit rom.
Një nga rekomandimet në takim ishte organizimi i kurseve profesionale për përvetësimin e shkathtësive të ndryshme. Gjithashtu, ata theksuan problemet sociale si regjistrimi i qytetarëve, shërbimet sociale dhe rregullimin mjedisor, përkatësisht vendqëndrimit të tyre.
Pjesëmarrës në këtë takim ishin përfaqësues të komuniteteve, përfaqësues të zyrave komunale si Zyra për të Drejtat e Njeriut dhe Zyra për Barazi Gjinore, duke përfshirë edhe organizatën lokale të shoqërisë civile LULUDI.
Në vazhdim gjenden fotografitë nga takimi:
