Pe 15 decembri 2023 organizisali truyali mez e romane komunitetey, kote lele kotor o reprezentya e romane komunitetesko, Kosovako Sherunoministri, Albin Kurti, godideutni e sheruneminsitreski kotar o romano komuniteti, Nurije Shala, taloministri vash Kultura, Terne thay Sporti, Sylejman Elshani.
Ani akaya mesalin diskutisalo vash sfide, shaipya e romane komuniteteske, prioritetya vash o bersh 2024, aktivitetya kay realizisale ano akava bersh, sar vi puqipe e butyaripesko, vash soske kreirisali yekh platforma e praktikako e pokipeya, kreirimi prekal “Kosovo Generation Unlimited”, kolako res sile te therel 15% pe shel e praktikantyengo kotar na buderune komunitetya ani Kosova.
Sherunoministri Kurti vakergya kay o Raipe investingya 200 mile euro ano siklipeske centrya vash te azhutinel e romane, ashklayune thay egipqanyune studenten, sar ini resipya sar si bujetesko ulavipe vah renovipe thay keripe e 618 kherengo, kolendar vijainela ini o romano komuniteti. Kotar o grantya e Ministriako vash Komunitetya thay Iranipe, 146 romane familie vijainde parni teknika, mobilye, higienake paketya thay habe, sar ini phikoipe vash biznesya thay vastipe e romana qhibyako, dendilo shaipe kay e Strategia vash Terne thay akciako plani siton irande pe romani qhib vash te reslol o pherdo konsultipe e Kosovake ternencar. Ov vi vakergya kay kay ulavdile 500 burse vash siklovne akale komunitetengo ano mashkarune shkole, ji kay 55 burse ulavdile vash studentya ano publikune universitetya.
Vash may buderi informacie vash akava kedipe shay te dikhen ano may teluno linki:
