Yekh truyali mez e boshnyakune komuniteteya organizisali pe 28 sepyembri 2023, kote lele kotor reprezentya e boshnyakune komunitetesko kotar o biraipkane organizacie, sar ini sherunoministri e Kosovako, Albin Kurti thay talosheruniministra Emilija Rexhepi. Ano olesko vakeripe, sheurnoministri vakrgya e prezentunenge akale komunitetesko kay sito loshalo kay sito adive mashkar olende, nayskerinody e talosherunaministra Rexhepi koya, sar phengya ov, khetaningya olen thay shay te diskutinen o teme kay qalavena o sah amaro malipe thay ayekha savore amen.
Ano kedipe, sherunoministri lepargya o ulavipe e 3 milionya eurengo vash nabuderune komunitetya ani Kosova, kola prekal Ministria vash Komunitetya thay iranipe ulavdile vash biraipkane organizacie thay tikne biznesya e resipeya vash butyaripesko bayripe.Ov anglopenjargya yekh infrastrukturako proyekti ani peya thay Dragashi thay keripe e vasne dromengo vash boshnyakuno komuniteti, kote ulavdile 8 milionya euro, ale kotar yekh praktikuno programi vash terne, ano mashkar kolengo 9 pe shel siton boshnakya.
May but informacie vash akava kedipe shay te dikhen ano may teluno linki:
