Ofisi vash komunitetenge puqipya organizingya kedipe e reprezentyencar e komunake ofisyengo vash komunitetya thay iranipe e Sheruneministreya e Kosovaka Republikako pe 7 oktobri 2024 bersh. Ano kedipe lele kotor e Talosheruniminsitra vash komunitetenge puqipya, Emilija Rexhepi, ministri vash komunitetetya thay iranipe, Nenad Rašić thay ministri e administripesko e lokalune raipesko, Elbert Krasniqi.
Pe sah deshupanj (15) komune lele kotor ano akava kedipe, kote o reprezentya e komunake ofisyengo vash komunitetya thay iranipe shay shunde o resipya e raipeske vash puqipya e nabuderune komunitetengo, sar vi shaipe kola o raipe prekal ververutne leparde ministrie dela. Reprezentya e komunake ofisyengo vash komunitetya thay iranipe ayekha vi sinelen shaipe te prezentinen problemya kolencar arakhlona ani sakodivuni buti ano pere komune sar vi rekomandipya so o centralune institucie musay te yaverinen vash te lokhyargyol e buti e ofisyengo vash komunitetya thay te oven so may kotorleime ano procesi e leipesko e decisiengo ano lokaluno niveli, sar vi kola siton o problemya kolencar arakhlona o nabuderune komunitetya kotar olenge komune.
Vash may buderi informacie vash kedipe vizitineni o avutno linki:
