Biraipkani organizacia ACDC sitoy yekh e vastunendar e grantesko kotar Ofisi vash Komunitetenge Puqipya koya realizingya proyekti dedikimo vash zorakeripe e terne diplomirime yuristengo kotar upruni Kosova, prekal leipe e praktikune janipyengo thay khuipe ani profesionaluni lumia e hakaipeski.
Pe lugipe e proyektesko, terne yuristya sinelen shaipe te keren profesionaluni hakaipeski praktika ano avokatenge ofisya ano ACDC, kote penjardile e realune sfidencar e hakaipeska strukturako. Kerde buti vash keripe e yuridikune dokuemntengo, analize e surengo, keripe e subyektengo, sar vi komunikipe e qaqune klientencar – sah akava talo mentoripe e eksperiencune yuristenca.
Pe yekhuno vahti, sama dikhlilo olengo anglipe prekal sistemi e evaluipesko e butyako, vash te siguringyol maksimaluno kvaliteti thay konkretuno kontributi ano olengo profesionaluno evovliripe.
Reste rezultatya astarena:
- Anglipe e praktikune thay profesionalune kapacitetengo e terne yuristengo
- May bari konkurenca ano butyako trego
- Keripe e neva generaciako e profesionalune yuristengo e eksperienca
- Zorakeripe e hakaipeske sektoresko ano lokaluno niveli
- Bayripe e pakyavipesko e dizunengo ano hakaipeske institucie
Lunge vahtune dikhlo, proyekti angya o tiknyaripe e bibutyaripesko mashkar o terne, evolviripe e lokalune profesionalune rafinengo, numay vi zorakeripe e socialuna koheziako ano uprune komune.
Akava modeli e e zorakeripesko e ternengo mothavdilo sar suksesuno misal vash resipeya investipe ano janipe thay praktika shay te irangyol ano stabiluno temeli vash anglipe e hakaipeske sistemesko ani Kosova.
Naysipe biqhaldo e Ofiseske vash Komunitetenge Puqipya vash phikoipe, sah mentoryenge, partnerune ofisya thay institucie kola dende phikoipe ano akava proyekti, a may buderi e terne yuristenge kola para butya mothavde kobar o janipe, buti thay dedikipe shay te anen yaveripya.
