Ofisi vash Komunitetenge Puqipya biqhalela may qaqune bahtalipya vash o hramipe e Lumiake Romane Divesko, bahtakerindoy ano resipya ano kosovako malipe. Sakova komuniteti kerela e Kosova ulavdi thay may barvali ayekha si vi e sah romencar kola jivdinena, thay bayarena pere qhavoren ani Kosova. Ano pakyavipe kay ano avutno periodi suksesune ka ledeina thay khetane ka kera buti ano keripe e may shukar avutnipesko thay khetane jivdipesko vash sah amen!
Romengo Dive, vay Lumiako dive e Romengo, hramingyola pe 8. aprili vash pelaripe pe godi e anglune Lumiake Romane kongresesko, adikerdo pe 1971. bersh ano Londoni. Ano akava kongresi andile vasne decisipya vash romano komuniteti, leindoy kotor o miratipe e romane flagesko (boldo-qaryali e lola rota ano mashkar) thay e himna „Jelem, Jelem“.
Akava dive hramingyola vash te vastingyol o godinipe vash e kultura, historia thay Romenge hakaya, vay ini vash problemya kolencar arakhlona, sar si diskriminipe thay socialuno duryaripe. Ayekha vi, sito yekh shaipe kay te mothavgyol o kontributi e Romengo ano malipe thay promovipe olenge yekhipesko. Yekhune Thema thay yaver mashkarthemutne organizacia penjarena o 8 aprili sar dive e solidaritetesko thay phikoipe e romane komunitetesko ani sah lumia.
Vash may shukar jivdipe thay yekhune hakaya!
Vilestar OKP KPZ
(Ofisi vash Komunitetenge Puqipya)
