Talo organizipe e Ofisesko vash Kommunitetenge Puqipya ano rami e Sheruneministreske Ofisesko, 20. yuni adikerdili konferenca vash hramipe e Memorialune Divesko e Egipqnayune Komunitetesko – yekh ovipe vash pelaripe pe godi thay afirmipeske vash kontributi akale komunitetesko ano amaro malipe. Ano akava ovipe lela kotor o Sherunoministri ano obligipe e Kosovaka Republikako, Albin Kurti. Pashe leste, prezentune sine talosheruniministra ano obligipe vash Komunitetenge Puqipya thay Manushikane Hakaya, Emilija Rexhepi, ministri ano obligipe e Ministriako vash Administripe e Lokalune Raipesko, Elbert Krasniqi, deputeti e Sombeshipesko e Kosovaka Republikako, Veton Berisha, sar ini reprezentya e egipqanyune komunitetesko kotar komunaluno niveli thay civiluno malipe.
Ano olesko vakeripe, sherunominsitri Kurti vakergya kay yekh kotar sherune principya e raipesko aqhola o phikoipe e nabuderune komunitetengo. Ov lepargya kay ano olesko mandati ulavdile fondya vash kapitalune investipya ano proyektya kay laqharena e infrastruktura ano mahale thay gava, vash keripe e kherengo thay vash populaciake kuzhine. Ulavipeya, potencingya o ulavipe e bursengo vash o terne e nabuderune komunitetengo thay tentipya vash butyaripe olengo, e resipeya vash kreiripe yekhe yekhune buhlaripesko thay deipe e yekhune shaipyengo vash savore. “Vash mothavipe akale komunitetesko, vash ovipya akale malipesko, kay siton ani sakoya etapa pashe amenge vash te ulaven o bilaqipe khetane, numay, bibahtake na savaht vash te jivdina vi o shukaripya khetane. Vash akaleske, ano anav e buderune albanyengo, na numay sar sherunoministri ano obligipe, ka kerav may buderi, ano sakova dive thay na numay vash 24 yuni”, vakergya o sherunoministri Kurti, nayskerindoy e egipqanyune komunitete vash avrirenduno kontributi ano progresi thay evolviripe e thanesko, sar vi bahtakerindoy olengo Memorialuno Dive.
Pali konferencia, o prezentune lele kotor ani yekh koktel sura kay adikerdilo ano puterdo balkoni e Raipeske obyektesko, kote lugargya o khetano vakeripe ani yekh tati thay amalipeski atmosfera.
Pe lugipe arakhlona o fotografie kotaro manifestipe:
