INSTITUCIONALUNO PHIKOIPE VASH DIZUNE:
INFORMIPE: MIRATISALO PROGRAMI E OFISESKO VASH KOMUNITETENGE PUQIPYA PASHE SHERUNEMINISTRESKE OFISESKO!
Kosovako Raipe ano kedipe gendo 226, pe 23. oktobri 2024 miratingya o programi e Ofisesko vash Komunitetenge Puqipya vash o bersh 2024.
Resipe e programesko sito te promovinel o hakaya e nabuderune komunitetengo thay te phikoinel olen financiarune prekal ververutne aktivitetya:
- Financiaruno azhutipe vash o medie, ano qhibya kola vastinena o nabuderune komunitetya;
- Financiaruno phikoipe vash biraipkane organizacie vash te promovinen o hakaya thay interesya e nabuderune dizunengo, terne, juvlenge populacie thay yaver marginalizime grupe;
- Financiaruno phikoipe vash kulturake thay tradicionalune aktivitetya e nabuderune komunitetengo;
- Burse vash studentya e nabuderune komunitetengo;
- Financiaruno azhutipe e Kosovake dizunengo kola pherena o kriterya akale programesko.
May buderi informacie vash o programi thay procedure e implementipekso akale programesko shay te arakhen ano avutno linki:
Srb. https://kryeministri.rks-gov.net/sr/blog/odluke-226/
Alb. https://kryeministri.rks-gov.net/blog/vendimet-e-mbledhjes-se-226-te-te-qeverise/
INFORMIPE: SUBVENCIE VASH ELEKTRIKUNI ENERGIA!
Ministria vash Finance, Buti thay Transferya informingya kay o Programi e subvencionipesko e elektrikuna energiako vash qalavde konsumatorya sito pe ovipe prekal platforma E-kosova. Akava programi vash qalavde konsumatorya financialune phikoinela e Evropaki Unia.
Sah familie e beshipeske thaneya ani Kosova, kola pherena o avutne kondicie, silen hako te aplikinen:
– Silen mashkarune masekune pokipya* may hari se 150 euro pe jeno. Ayekha, shtar jenyuni familia musay te therel may hari se 600 euro masekune pokipya, thay
– Te ovelolen ilake may hari se 100.000 euro.
Vash familia kola pherena o kondicie, subvencia ka pokingyol direktno ani faktura, vash 6 masek e yevendeska sezonako, vay vash o periodi kotar oktobri 2024. ji pe marti 2025. bersh.
Kobaripe e subvenciako sito phanglo kotar o gendo e jenengo thay kobaripe e mashakrune masekune pokipya e familiako, vay nashti te ovel may bari se 50 eurya masekune.
Aplikipe shay te kergyol ani E-Kosova, ano servisi „Grantya thay subvencie”, thay ka ovel puterdi ano sah programi. Aplikineni ano avutno linki: https://ekosova.rks-gov.net/
Vash te theren vastipe kotar angluno masek, musay te aplikinen may dosna kotar 31. oktobri 2024 bersh.
Aplikacia dende palo agor e masekesko shay te theren vastipe numay kotar avutno masek thay may dur.
* Ano musyaripe e leipesko na siton astarde o leipya kotar invalidyuni penzia (nadikhle, anglo/tetraplegiqarya), penzia vash familie e pele manushengo, invalidya e maripeske askeryengo, penzia vash civilune viktime e maripeske, penzia vash invaliditeti e butyako thay leipya e skemako e socialune azhutipesko.
INFORMIPE: KHARIPE VASH FINANCIARUNO AZHUTIPE E BIRAIPKANE ORGANIZACIENGE ANI PROMOCIA VASH GARAVIPE E QHIBYAKE HAKAYENGO!
Ofisi vash Komisioneresko vash Qhibya kharela sah biraipkane organizacien registrime ani Kosovaki Republika, kola ano poro portofolio silen aktivitetya vash garavipe e qhibyake hakayengo, te konkurinen vash financiaruno azhutipe proyektencar kola phikoinena ano Promovipe thay garavipe e qhibyake hakayengo.
BRO phanglo akale publikune kharipeya shay te aplikinen e proyektencar/programencar kotar avutne prioritarune umala:
- Promovipe thay garavipe e qhibyake hakayengo thay zorakeripe e partneritetesko thay ledeipe e biraipkane organizaciengo thay yaver akteryengo, e raipeske instituciencar.
- Dikhlaripe e implementipesko e Krisesko vash vastipe e qhibyako ano institucie kola siton pedral phiravipe e KQ thay phikoipe e instituciengo vash phanglipe e kriseya vash vastipe e qhibyengo.
- Garavipe e komunitetenge qhibyengo kolengi qhib na silen statusi e ofisialuna qhibyako thay Promovipe e siklipesko e thanipeska qhibyako;
Biraipkane organizacie shay te konkurinen e proyektencar vash te phikoinen ano promovipe thay garavipe e qhibyake hakayengo sar si pe tele leparde aktivitetya:
- Dikhlaripe e aktivitetengo thay servisyengo kola institucie dena e dizunenge;
- Ververutne rodlaripya thay aktivitetya vash qhibyake hakaya;
- Aktivitetya vash promovipe e komunikipesko e BRO e publika thay instituciencar, sa fokusom na informisanje javnosti o jezičkim pravima;
- Aktivnosti dedikime vash alosaripe e specifikune problemyengo e qhibyake hakayengo thay olengo phagipe;
- Vastipe e neve teknologiengo thay socialuen rafinya kola azhutinena ano phiravipe e krisesko.
Proyektya kola si vash truyale meze, deipe e broshurengo thay pamfleta (posterya), na ka ovel prioriteti e Ofisesko.
- Proyekti e yekhune ideyencar ka ovelolen prioriteti;
- Pokipya e menajeresko na manglape te oven may buderi se 40% e sasutne molipesko e proyektesko;
- Napherdi dokumentacia na ka dikhlargyola sar si pe nukta 10. thavd 3. Regulorako;
- Hramipe e proyektesko musay te ovel sar si pe regule.
Sasutno planirimo molipe e kharipesko sito 150.000 euro. Minimaluno kobaripe e financiarune phikoipesko kova shay te ulavgyol vash sakova individualuno proyekti sile 5000 euro, ji kay maksimaluno kobaripe vash yekh proyekti sito 15.000 euro. Sar si pe plani e ulavipesko e vastushyengo ka oven phikoipe 15 proyektya.
Vash may buderi informacie vash o kharipe dikheni ano avutno linki:
Paluno vahti vash aplikipe: 01. Novembri 2024 bersh, ji pe ora 16:00.
GRANTYA VASH DIZUNE THAY BIRAIPKANE ORGANIZACIE/BIZNESYA:
INFORMIPE: KHARIPE VASH GRANTYA VASH BIRAIPKANO SEKTORI THAY AKTIVISTYA – NUMAY VASH E KOMUNA FUSH KOSOVA!
Biraipkani organizacia ECMI Kosova kharela sah interesime biraipkane organizacie sar ini aktivistya thay naformalune kedutne e te apliknen vash deipe e grantyengo e proyektencar thay ideyencar kola ka promovinen reciklipe thay te vazden e socialuni inkluzia.
Maksimaluno molipe e proyektesko sito ji pe 10.000 Euro.
Vash sah detalya, biqhaleni emaili ano: gff@ecmikosova.org e anaveya “Mangipe vash paketi e kharipesko”.
May buderi informacie vash o kharipe dikheni ano avutno linki: https://ecmikosova.org/call-for-application-thirrje-per-aplikim-poziv-za-prijave/?fbclid=IwY2xjawFp5Y5leHRuA2FlbQIxMAABHZn3N8p03-t_IDN3fhpO0FMCTLRduEpX4SQAdiTf7s6lEzinKnPW4tN9Nw_aem_gAbcWF3Sy_2cuzSEv8jHQw
Paluno vahti vash aplikipe: 08. Novembri 2024 bersh.
SHAIPE E BUTYARIPESKO:
INFORMIPE: FONDACIA TERRES DES HOMMERS BUTYARELA LOKALUNE EKSPERTE VASH DIZAYNIPE E MODULESKO / PROGRAMI E SIKLIPESKO VASH QHAVORE!
Fondacia Terre des Hommes Lozana ani Kosova (TDH) phiravela proyekti„Socialuno hakaipe vash Roma, Ashkalie thay Egipqanya ani Kosova“ ano partneriteti e organizacia Avazo e Romengo, Ashkaliengo thay Egipqanyengo (VoRAE) thay Sviss Church Aid (HEKS/EPER).
Sheruno resipe thay vizia e proyekteski sito- vash qaqipeya multietnikuno thay multikulturuno malipe ani Kosova, kote o Roma, Ashkalie thay Egipqanya treteringyona sar yekhune kotar e themeski thay malipeski rig, e akceseya yekhune sar o sah yaver, thay kote o Roma, Ashkalie thay Egipqanya janena pere hakaya thay malipeske godorinipya. TDH rodela lokaluen eksperte kova sile profesionalune, etikune thay teknikune kapacitetya thay janipya vash gndipe thay akreditipe e treningesko moduli/programi vash politika e qhavorenge garavipesko ano thanipya e anglouniverzitarune edukipesko vash profesionaluen thay manusha kola kerna buti ano akala publikune thay privatune institucie.
Vash may buderi informacie vash o kharipe dikheni ano avutno linki: https://kosovajob.com/terre-des-hommes-child-relief/ekspert-vendor-per-zhvillim-e-modulitprogramit-te-trajnimit-mbi-politiken-e-mbrojtjes-se-femijes-ne-institucionet-e-arsimit-parauniversitar-akreditimin-e-modulitprogramit-te-trajnimit
Paluno vahti vash aplikipe: 31. oktobri 2024.
SHAIPE VASH O TERNE:
INFORMIPE: BIRAIPKANI ORGANIZACIA VORAE DELA PHIKOIPEE STUDENTYENGO SAR BURSE VASH 2024-2025 BERSH!
Biraipkani organizacia VORAE kharela e studentyen e romane, ashkalyune thay egipqanyune komunitetengo kola studirinena ano privatune thay themeske fakultetya te aplikinen vash phikoipe e bursencar.
May buderi informacie thay kriterya vash o ovipe e aplikipesko sito pe avutno linki:
Paluno vahti vash aplikipe: 31. oktobri 2024 bersh.
INFORMIPE: YEKH DIVUNO TRENINGO VASH TERNE KOTAR KOMUNE: PRIZREN, PRISHTINA, PEKYA, MITROVICA, JAKOVA, FERIZAY THAY GILANA!
Biraipkani organizacia Buiding the Balkans kharela e sah ternen e bershendar deshushtar ji pe birsh u trin (14 – 23) te aplikinen vash yekh divuno treningo vash te bayaren pere janipya e liderhsipesko ano komuniteti . Sako ko siton interesimo te ovel kotor vash anipe e yaveripyengo thay pozitivune te therel qalavipe ano poro malipe akava sito shaipe vash olenge kote shay te azhutingyon thay te siklon vash phiravipe e proyektengo thay ovipya vash alosaripe e konfliktengo.
Vash may buderi informacie vash o kharipe shay te arakhen ano avutno linki: https://www.facebook.com/btbalkans/posts/pfbid08bEfEcrXYgHVuZvnzFRxKYPgzw3dSmJy9nA4kEXETRA92Q6mc8PPuNPnhJYbFFinl
Formulari vash aplikipe sito avutno: https://forms.gle/MoXdixGvEoRr5mN16
Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese:
- Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
- Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net
- Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
- Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20.
DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:
- SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki:https://superpuna.rks-gov.net/
- KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
- Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index
- Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php
- Dikheni o konkursya vash grantya vash biraipkane organizacie ano avutno linki:https://www.kosovofunding.org/
- Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali :http://www.posaonakosovu.com/
