Butyaripe thay treningo vash vijayutne e Reformako vash Socialuni Asistenca: So manglape te janen?
Ministria e Financiengi shrdingya o pilotipe yekha reformako vasni vash vijayutne e Skemako e Socialuna Asistencako (SAS), e ulavde mothavipeya vash olengo aktivizipe ano butyako trego. Resipe e reformako sito te azhutinel financiarune familie may qorole, duryarindoy o diskriminipeske kriterya, sar vi te azhutinel e jenen kay si gatisarde vash e buti e vijayutne familiengo e SAS-ko te arkahen buti thay te oven biumlavde kotar socialuni asistenca.
Sien vijayutne e pilotipesko e Reformako e Socialuna Asistencako thay mangena te arakhen buti vay te evolvirinen tumare janipya? Nevi reforma e SAS-ki dela tumenge neve shaipya vash treningya, butyaripe thay konkretuno phikoipe vash te keren yekh may shukarno avipe vash tumenge thay tumari familia.
Ano rami akala reformako, siton publikime May Sigutne Puqipya thay Respodipya, so mothavena napi palo napi:
- Sar te registingoven ao Butyaripesko Ofisi,
- So sito o Individualuno Plani e Butyaripesko,
- Sar funksioninena o subvencie vash pokipya thay profesionalune treningya,
- Ko duryargyola kotar obligipe vash registripe,
- Sar te len azhutipe thay godideipya kotar butyaripeske godideutne.
Khara tumen te drabaren akava dokumenti vasno ano may telune linkya, pe albanyuni thay serbyuni qhib, thay te informingyoven vash o shaipya thay godornipya kay siton vash tumenge.
Pyetje dhe përgjigje të shpeshta_Aktivizimi i përfituesve të SAS-it në tregun e punës
Pitanja i najčešći odgovori_Aktivizacija korisnika – ŠSP/SAS u tržištu rada
Shaipya vash terne
Avipe e Ekonomiako – Kharipe vash Aplikipe
Kotar 21 ji pe 26 septembri 2025 ani Peya, Friedrich Ebert Stiftung ani Kosova organizinla shtarto edicia e programeski “The Future of Economy”, yekh iniciativa regionlauni kay sila pe resipe te zorakerel e nevi generacia e progresivune ekonomikune godinipyengo kotar Ratoriguno Balkani thay Turkia.
📍 Peya, 21–26 Septembri 2025
📣 Aplikipya siton puarde vash e 4-to edicia e Future of Economy Programme (FEP) – yekh transformipesko program vash progresivune terne kotar Ratoriguno Balkani thay Turkia!
🌍 Ano yekh vahti kana o regioni arakhlona ano mashkar drom vasno ekonomikuno, FEP anela khetane yekh alosardi grupa e terne godinipyengo vash te eksplorinen zorale alosaripya, savahtune thay sahastarde. Vash panj intensivune dive ani Peya, ka vijaine:
✅ Siklipya kotar mashkarthemutne ekspertya
✅ Simulipe e negociaciengo thay buti ano grupe
✅ Debate thay kritikune analize
✅ Regionaluno rafinipe thay ledeipeske keripya
🎯 Ano fokusi: Hakyuno enerjetikuni tranzicia, fiskalune politike, progresivuni ekonomia, avipe e butyako ini may buderi!
📌 Ko shay te aplikinel?
Terne ji pe 32 bersh kotar: 🇦🇱 🇽🇰 🇧🇦 🇲🇪 🇲🇰 🇷🇸 🇹🇷
E avipeya kotar ekonomia thay pasioni vash regionaluno evolviripe, socialuno hakaipe thay yeshil politike.
🕓 Paluno vahti vash aplikipe: 25 yuli 2025
✈️ Dromipeske harjipya thay akomodipe siton uqharde ko sasutnipe!
🔗 Vash may buderi info thay aplikipe: kosovo@fes.de
💬 Ma nashal akava shaipe vash te oven kotor yekhe reigonaluna raifnyako kay kerela e ekonomia e avipeski!
Akademia vash Publikune Politike thay Socialune Musine Kokalari 2025
8–13 Septembri 2025 | Prishtina
Kharipe vash aplikipya sito putardo!
Instituti vash Socialune Politike “Musine Kokalari” kharela e progresivune ternen kotar e Kosova thay regioni te aplikinen vash panjto edicia ani Akademia vash Publikune Politike thay Socialune – yekh intenstivuno kurko e siklipesko, debata thay rafinipe e thanutne thay mashkarthemutne ekspertyenca.
So dela e Akademia?
Siklipya, butyarne thay treningya vash:
- Them, themipe thay dizunipe
- Politikuni ideologia thay politikuno spektri
- Yekhipe thay sahastaripe
- Thanipe thay shukar jivdipeski ekonomia
- Publikune politike thay socialune
Resipe: Te zorakeren e ternen e pozitivune molipyencar – socialuno hakaipe, polyuno yekhipe, manushikane hakaya, dizunengo aktivizmi thay maripe mamuy diskriminipe.
Ko shay te aplikinel?
- Terne18–28 bersh
- Studenti/a vay diplomirime ano: politikune skencie, sociologia, ekonomia, yuridika, zhurnalistika ty.
- E interesipeya vash publikune politike thay socialuno hakaipe
📌 Aplikipe sito puytardo vash sah, leindoy kotor aplikantya avri e Kosovatar – iinkuraingyona ulavipeya o juvla, qhaya thay nabuderune komunitetya.
So musay tye biqhale?
- CV + Motivipesko lil
- Biqhal dokumentya ji pe 27 yuli 2025, ora 23:59 ano: info@musineinstitute.org
Harjipya e kotorleipeske sito uqharde ko sasutnipe: dromipe (andar e Kosova), habe, akomodipe thay translacia.
Kotorleutne kola agorinena o program lena certifikata.
SHAIPE E BUTYARIPESKO ANI PUBLIKUNE INSTITUCIE
Komuna Vrdlorgiuni Mitrovica
Phiravutno e Yekhlinyako vash Prokuripe, referencako gendo RN00018182, paluno vahti vash aplikipe: 11/07/2025 – 09/08/2025 (https://konkursi.rks-gov.net/advertisement/details?refNumber=RN00018182 )
Komuna Graqanica
Phiravutno e Centrosko vash Socialuni Buti, referencako gendo RN00018176, paluno vahti vash aplikipe: 10/07/2025 – 08/08/2025 (https://konkursi.rks-gov.net/advertisement/details?refNumber=RN00018176 )
Komuna Ranilug
Sevalutno vash Translacia, referencako gendo RN00018170, paluno vahti vash aplikipe: 09/07/2025 – 07/08/2025 (https://konkursi.rks-gov.net/advertisement/details?refNumber=RN00018170 )
Sevalutno vash kultura, referencako gendo RN00018170, paluno vahti vash aplikipe: 09/07/2025 – 07/08/2025 (https://konkursi.rks-gov.net/advertisement/details?refNumber=RN00018168 )
Komuna Fush Kosova
Krisyuno Sevalutno, referencako gendo RN00018170, paluno vahti vash aplikipe: 03/07/2025 – 01/08/2025 (https://konkursi.rks-gov.net/advertisement/details?refNumber=RN00018122 )
Komuna Zveqan
Phiravutno e Sektoresko vash Kadastra, referencako gendo RN00018035, paluno vahti vash aplikipe: 25/06/2025 – 24/07/2025 (https://konkursi.rks-gov.net/advertisement/details?refNumber=RN00018085 )
Komuna Shtrpca
Sevalutno vash Kadastri, referencako gendo RN00018098, paluno vahti vash aplikipe: 27/06/2025 – 26/07/2025 (https://konkursi.rks-gov.net/advertisement/details?refNumber=RN00018098 )
| Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese: |
- Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
- Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net
- Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
- Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20.
| DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA: |
- SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki:https://superpuna.rks-gov.net/
- KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
- Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index
- Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php
- Dikheni o konkursya vash grantya vash biraipkane organizacie ano avutno linki:https://www.kosovofunding.org/
- Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali :http://www.posaonakosovu.com/
