KONKURS: VASH FINANCIPE E PROYEKT PROPOZIPYENGO THAY AKTIVITETYA VASH SAH FIZIKUNE THAY YURIDIKUNE PERSONYA
Ministri vash Iranipe thay Komunitetya (MIK), sar si pe stratejikuno planirimo bujeti vash evolviripe e privatune zektoresko e resipeya e zoralipesko e sah komunitetengo ani Kosova, startinela io program vash evolviripe e mikro thay tikne biznesengo, buhlaripe olenge produktipeske thay phiravipeske kapacitetengo, putaripe e neve butyake thanengo, sar ini tiknaripe e importesko thay promovipe e eksportesko.
MIK prekal akava program kotar trin faze ano koordinipe e Kosovake Raipeya ka del shaipe vash stimulipe e kompaniengo te buhlaren pere produktipeske thay phiravipeske kapacitetya resipeya e lungevahtune savahtunipesko e butyaripesko, ayekha vi ka ovel qalavipe ano bayaripe e butyaripeske phiravipesko sar vi oleske diversifikipesko.
Angluno program financiarune ka phikjoingyol e fokuseya vash evolviripe e start-up biznisengo, mikro, tikne thay mashkarune kompaniengo prekal buhlaripe olenge produktyengo thay phiravipeske kapaciotetya, putaripe e neve butyake thanengo, sar vi tiknaripe e importesko thay promovipe e eksportesko ano sasutno molipe kotar 400.000 Euro.
Duyto programi sito vash deipe e nairanipeske vastushyengo vash arakhipe e mangle thay neve vahtune phuvokeripeska mehanizaciako, sheya thay alatya e fizikune thay yuridikune personyenge vay start-up thay akanutne kompanienge thay phuvokeripeske hulayengo kola Lenape e phuvokeripeske produktipeya thay rikeripe e phuvokeripeske prokduktyencar ano sasutno molipe kotar 400.000 Euro.
Trinto program ka realizingyol prekal publikuno kharipe vash proyekteske propozipya e civilune malipesko kola ka theren vash resipe vash bayaripe e butyaripesko e nabuderune komunitetenge jenengo e fokuseya vash siklipe thay butyaripe e juvlengo, ternengo, jene e samatredune shaipyencar sar qalavde thay marginalizipe grupe e manushengo.
Ayekha vi, akava program ka ovelole pe resipe vash anglipe e kapacitetengo e biraipkane organizaciengo vash promovipe thay garavipe e hakaya e komunitetengothay zorakeripe e partneryengo thay ledeipe e biraipkane organizaciengo e yaver akteryencar may buderi e raipeske instituciencar ano sasutno molipe kotar 200.000 Euro.
Vash konsultipya thay puqipya te hraminen ani avutni email adresa: request.mkk.mzp.mcr@rks-gov.net, ji kay may buderi informacie vash korkoro kharipe thya ovipe e aplikipesko dikheni o avutno linki:
https://mkk.rks-gov.net/rs_l/notifications
https://mkk.rks-gov.net/al/notifications
Paluno vahti vash aplikipe: 29. april 2024.
KONKURS: VASH DEIPE E GRANTYENGO VASH ARTISTYA
Britaniako Konsili dela grantya kotar yekh milioni funte vash keripe e neve kulturake ledeipesko mashkar britaniake artistya, artistikune profesionistya thay organizacie thay olenge khetane bershune ani sah lumia.
Akala grantya vash mashkarthemutno ledeipe anena neve bilateralune thay multilateralune partneritetya, sigurindoy financiarune vastushya kola dena shaipe e organizacienge te keren thay evolvirinen kreativune artistikune ovipya pere mashakrthemutne kolegencar, thay azhutinen e nesave artistyengete arakhen inovativune ovipya e ledeipeske.
Shayutne grantya khelena mashkar 25.000 thay 75.000 funtya thay akana siton putarde vash aplikipe.
Aplikipya musay te mothaven qaqutno mashkarthemutno ledeipe thay te den eksplicituno leipe e artistyengo thay organizaciengo kotar VB kola lena kotor ano olenge mashkarthemutne partnerya. Proyektya shay te lenpe sasava tema thay rodingyola kotar o kandidatya te ulaven poro akcesi e ververutnipesko, inkluzie thay ekolojikuno adikeripe ano realizipe e sah proyektengo.
Vash buderi informacie vizitineni e qham: https://www.britishcouncil.org/arts/international-collaboration-grants?utm_source=fb&utm_medium=social&utm_campaign=cearts-all-all-we-regional-internationalcollaborationgrants&fbclid=IwAR2sgqpTV2MDssQkO7aSzBZyedDy5LSzQMGj1wkNSmloMww7OdsyJxdeYW8
Paluno vahti vash aplikipe: 30. april 2024.
INFORMIPE: Danimarkako Konsili vash nashle manusha ano ledeipe e organizacia SIT kharela e terne manushen kotar 15-20 bersha, kotar Prishtinako thay Mitrovicako regioni vash kotorleipe ano proyekti “Vazdipe e ternengo ani Kosova vash kohezia andar o komuniteti”. Kotorleutne ka theren shaipe te evolvirinen ververutne janipta thya siklipya ano phiravipe e proyektengo thay olengo financiripe vastindoy Donut metodologia, prekal ledeipe thay komunikipe e khetane bershunencar.
Sako ko si motivirimo te anel pere komuniteteske thya pere malipeske shay te aplikinel prekal elektronikuno drom, skeniripeya e QR kodesko.
Srbyuni qhib
Albanyuni qhib
Paluno vahtiu vash aplikipe: 30. aprili 2024.
INFORMIPE: Agencia vash yuridikuno azhutipe bizo pokipekharela e sah dizunen kola silen musaipe vash profesionaluno azhutipe e avokatengo te mangen azhutipe olenge sevalutnenge kola siton arakhle ano pashe sah komune. Ayekah vi, vash azhutipe shay te roden vi khareipeya ano avutno gendo bizo pokipe: 0800 11 777
Te sine kay situmen problem kova iklola kotar familiarune ledeipya, naalosarde ilakake puqipya, problemya ano polyuno hako, problemya ani buti, situmen akuza ko adminsitrativune trupe, musay te phiraven kriselinyaki proceduremamuy tumende, te sine kay sien phangle vay anglophangle.
Bizo pokipesko azhutipe kova shay te len kotar profesionalune servisya si:
– informipya,
– hakyuno godideipe,
– hramipe thay deipe e akuzako/rovlarinyako,
– avokipe anglo kriselinya thay yaver raipya ji kay o ovipe na alosargyola!
Vash may buderi informacie vizitineni e qham: https://anjf.rks-gov.net/page.aspx?id=3,1
KHARIPE: BURSE VASH STUDENTYA
Ofisi e Evropaka Uniako ani Kosova thay Ofisi e e sheruneministresko e Kosovake Raipesko puterde kharipe vash Young Cell Sheme round XIV vash aplikipe e ternengo kola Mangena te studirinen ano yekh bershuno vay duybershuno master programi ano universitetya ano thema jene e Evropaka Uniako. Butyaki qhib e Pogramesko e bursengo sitoy anglikane thay ka del shaipe ji pe 30 pherde grantya (qaquno gendo e ulavde bursengo shay te ovel may tikno phanglo kotar o phanglipe e kandidatyengo thay shaipe e financipesko). Akava kharipe sito puterdo vash buhli publika thay vash themeske sevalutne kola diplomirinde evropake integripya, publikuno phiravipe thya manushenge resursya, diplomacia thay yaver akademikune butya.
Vash may buderi informacie vash aplikipe vizitineni e qham: https://www.ycskosovo.org/index.php/en/apply, vay mothaveni prekal emaili ano: info@ycskosovo.eu
Kharipe vash aplikipe: 30. aprili 2024.
DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:
Ø SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki: https://superpuna.rks-gov.net/
Ø KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
Ø Dikheni o konkursya ano institucie ani sah Kosova ano avutno linki: https://aprk.rks-gov.net/Job/Index
Ø Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki: https://konsultimet.rks-gov.net/index.php
Ø Dikheni o konkursya vash grantya vash biraipkane organizacie ano avutno linki: https://www.kosovofunding.org/
Ø Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali: http://www.posaonakosovu.com/
