Buletini XXIV

KHARIPYA VASH SUBVENCIE THAY PROYEKTYA:

KONKURSI: VASH APLIKIPE VASH KERIPE E KHERENGO VASH NABUDERUNE KOMUNITETYA ANI UPRUNI KOSOVA

Ministria e Administripeski thay Lokaluno Raipe ulavgya 4.000.000 Euro vash keripe e kherengo e qalavde familiengo kotar nabuderune komunitetya kola jivdinena ani upruni Kosova (komune Mitrovica, Zveqan, Zubin Potok thay Leposaviq). Khargyona sah dizune kola pherena kriterya kay te aplikinen:

• Te theren kosovako themipe thay identifikipesko dokumenti
• Ma te theren kher ano poro hulaipe vay obyekti kote arakhlola na pherela kondicie vash jivdipe
• Mothavipe vash theripe e ilakako – phuv ano anav e aplikantesko vay yaver familiako jeno koleya jivdinela
• Kay may angle na lela phikoipe vash keripe e kherengo kotar yaver institucia vay mashkarthemutni organizacia.

Vash may buderi informacie vizitineni o avutno linki:

SRB: https://mapl.rks-gov.net/sr/shpallje-konkurse-sr/thirrje-per-propozime-sr/

ALB: https://mapl.rks-gov.net/shpallje-konkurse/thirrje-per-propozime/

Paluno vahti vash aplikipe: 3. mayi 2024 bersh.

KONKURSI: VASH FINANCIPE E PROYEKTENGO E BIRAIPKANE ORGANIZACIENGO KOLA PHIRAVENA CENTRYA VASH NAFORMALUNO EDUKIPE E QHAVORENGO KOTAR NABUDERUNE KOMUNITETYA

Ministria vash Edukipe, Skencia, Tehnologia thay Inovacie putergya publikuno kharipe vash deipe e financialune phikoipesko e biraipkane organizacienge kola phiravena o centrya vash siklipe kola phikoinena e Romane, Ashkalyune thay Egipqanyune siklovne, sar vi yaver siklovne kola phikoinena ano edukipeske resipya.

Umala kote o organizacie shay te keren ano phiravipe e proyektengo siton:

1. Laqharipe e siklovnenge suksesesko thay nakhavipe e angloskolake, fundone thay mashkarune edukipesko, prekal pheruno edukipe thay phikoipe e Romane, Ashkalyune thay Egipqanyune thay yaver siklovnenge;
2. Aktivitetya e phikoipeske ano edukipe vash Roma, Ashkaliye thay Egipqanya  thay yaver siklovne ano anglouniversitaruno edukipe;
3. Vazdipe e kapacitetengo vash centrengo personeli vash siklipe vash phikoipe e Romane, Ashkalyune thay Egipqanyune siklovne;
4. Bayaripe e dadalaryenge godinipesko vash vasnipe e edukipesko vash siklovne kotar Romane, Ashkalyune, Egipqanyune thay yaver komunitetya;
5. Laqharipe e ledeipesko mashkar o centrya vash siklipe, shkole thay komunake direktoriatya vash edukipe.

Minimaluno molipe e financialune edukipesko kova shay te ulavgyol vash sakova individualuno proyekti sito 10.000 Euro, ji kay maksimaluno molipe vash proyekti sito 100.000 Euro.

Maksimaluno molipe vash yekh centro vash siklipe ano proyekti sito 25.000 Euro.

Vash may buderi informacie vash kharipe thay ovipe e aplikipesko vizitineni o avutno linki:

SRB: https://masht.rks-gov.net/sr/javni-poziv-za-pruzanje-finansijske-podrske-za-finansiranje-projekata-nevladinih-organizacija-kojevode-centre-za-ucenje-koji-podrzavaju-ucenike-rome-askalije-i-egipcane-kao-i-druge-ucenike-kojidopri/

ALB: https://masht.rks-gov.net/thirrje-publike-per-ofrimin-e-mbeshtetjes-financiare-per-financimin-e-projekteve-te-ojq-ve-qe-drejtojne-qendra-mesimore-qe-mbeshtesin-nxenesit-rom-ashkali-dhe-egjiptian-si-dhe-nxenes-te-tjere-qe-ko-3/

Paluno vahti vash aplikipe: 7. mayi 2024 bersh.

KONKURSI: Fulbright Specialist Program 2024 – SITO NUMAY VASH KOSOVAKE INSTITUCIE

Konsili vash edukipesko yaveripe Yekhune Themyengo thay Kosova (USKEB) kharela institucie ani Kosova sar hulaya te den proyekt propozipya vash Fulbright specialuno programi, kova dela shaipe e institucienge sar hulaya kay te anen kvalifikime amerikake skenciake manusha thay profesionistya ani Kosova ano duy ji shov kurke vash te agorinen o definimo proyekti. Aplikipya musay te dengyon prekal o portali Vorld Learning ji pe 15. mayi 2024. Proyekti musay te therel data e shrdipeski na may angle se 1. oktobri 2024. Thay musay te oven agorime ji pe 30. septembri 2025. Fulbraytesko specialuno programi ani Kosova dela pashe deshuduy (12) Fulbrayteske specialune grantya ano bershesko kalendari.

Fulbraytesko specialuno programi (FSP) pasharela uqe kvalifikime akademikya thay amerikake profesionistya, kolenge akreditivya thay eksperienca ano fakultetesko thay sasutne profesionaluno niveli, shaipe te ulaven poro profesionalizmi deindoy proyektya kola mangena o institucie hulaya ani Kosova. Specialistya siton buti ver akademikya; numay, profesionalci sar siton akademikya, zhurnalistya, ekonomistya, profesionistya vash siguripe thay profesionistya ano mangle umala (butyaripe, komunikipe, publikuno sastipe thay publikuni administracia) ayekha buti ver lena kotor ano programi.

Vash may buderi informacie vash programi thay sar te aplikinen vitizineni o linki: https://xk.usembassy.gov/fulbright_specialist/

Paluno vahti vash aplikipe: 31. mayi 2024 bersh.

KONKURSI: FINANCIARUNO PHIKOIPE E BRO VASH PROYEKTA PREKAL TERNENGO FONDI “LOKALUNE INICIATIVE E TERNENGE”

Center for Democracy Foundation (Fondacia Centro vash Demokracia) kharela sah interesime biraipkane organizacie te aplikinen e proyekt propozipyencar kola ka anglinen thay evolvirinen kotorleipeske terenenge politike ko komunitetya e Ratorigune Balkanesko phikoindoy ternenge iniciative thay vazdindoy aktivuno dizunipe thay kotorleipe e dizunengo ano dikhipe e reformako ani politika kola silen qalavipe pe terne ano Regioni.

Akceptime organizacie vash aplikipe sitonn organizacie e civiluen malipesko registrime ani Albania, Bosna thay Hercegovina, Kosova*, Upruni Makedonia thay Serbia.

Proyekt propozipya ano rami akale kharipesko ka oven dende ani procedura e duy bajakencar: 1. bajako – faza e koncepteski thay 2. bajako – faza e pherde aplikipeski.

Vash may buderi informacie vash kharipe thay ovipe e aplikipesko ka vizitinen o avutno linki: http://www.centaronline.org/en/event/13041/call-for-proposals-for-the-youth-fund-local-youth-initiatives-is-open

Paluno vahti vash aplikipe: 8. mayi 2024 bersh ji pe ora 20.00.

KHARIPE VASH INDIVIDYA THAY BRO VASH DEIPE E PROYEKT PROPOZIPYENGO

Ofisi e Slovakiaka Republikako ani Prishtina publikinela o kharipe vash deipe e proyekt propozipyengo vash ulavipe e proyektengo e slovakiaka eksperiencako (Sharing Slovak Expertise SSE) vash 2024 bersh.

Proyekt propozipya musay te oven sar si pe avutne shaipya:

• Praktikipe ani Slovakia,
• Studipeske vizite ani Slovakia,
• Ekspertya kotar Slovakia ani vizita e partnerune themeske.

SSE dela shaipe vash yaveripe e eksperiencengo e ekspertyengo kotar ververutne publikune institucie e Slovakiaka Republikako thay akademikuno komuniteti thay biraipkano sektori vash keripe e profesionalune kapacitetengo e publikune phiravipesko ano partneruno them.

Proyekt propozipya musay te fokusingyon ano teme e qaqune qalavipeya vash pheruno molipe. Proyektya musay te phera e phirutne vay phiravde slovakiake ODA proyektencar vash te siguringyol o kontinuiteti vay „putergyol o vudar“ vash neve proyektya e ledeipeske thay evolviripe.

Vash may buderi informacie vash kharipe vizitineni avutno linki: https://www.mzv.sk/en/web/pristina-en/slovakaid/sharing-slovak-expertise?fbclid=IwAR2Q6A1jBmN6XdwPFY_uCqWoDZAQU3ALog5-tsAaKcUhD_y8Ihy0tj7Z0qw

Paluno vahti vash aplikipe: 31. mayi 2024 bersh.

PROGRAMYA VASH STUDENTYA:

BURSE VASH STUDENTYA KOTAR E KOSOVA KOTAR YAPANESKI AMBASADA

Minsitria vash Edukipe, Kultura, Skencia, Sporti thay Tehnologia ano Yapani kharela e sah interesime ternen kotar e Kosova te aplikinen ano avutne programya vash studiripe ano Yapani:

• Burse vash studentya kola mangena te studirinen sar studentya ano Specializime Shkole vash Siklipe ano yapanesko universiteti. Vash may buderi informacie vizitineni avutno linki: https://www.ks.emb-japan.go.jp/itpr_en/mext_undergraduate_special_training_students.html
• Burse vash studentya kola mangena te studirinen ano yapanesko universiteti sar studentya e Teknologiake universitetesko. Vash may buderi informacie vizitineni o avutno linki: https://www.ks.emb-japan.go.jp/itpr_en/mext_technology_kosen_students.html
• Burse vash studentya kola mangena te studirinen sar studentya e Sherune studiengo ano yapanesko universiteti. Vash may buderi informacie vizitineni o avutno linki: https://www.ks.emb-japan.go.jp/itpr_en/mext_undergraduate_students.html
• Burse vash studentya kola mangena postdiplomikune studie ano yapanesko universiteti. Vash may buderi informacie vizitineni o avutno linki: https://www.ks.emb-japan.go.jp/itpr_en/mext_graduate_students.html 

Paluno vahti vash aplikipe: 17. mayi 2024 bersh.

DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:

Ø  SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki: https://superpuna.rks-gov.net/

Ø  KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/

Ø  Dikheni o konkursya ano institucie ani sah Kosova ano avutno linki: https://aprk.rks-gov.net/Job/Index

Ø  Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki: https://konsultimet.rks-gov.net/index.php 

Ø  Dikheni o konkursya vash grantya vash biraipkane organizacie ano avutno linki: https://www.kosovofunding.org/

Ø Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali: http://www.posaonakosovu.com/