INFORMIPE: Shrdela o pilotipe e reformima skemako vash socialuno azhutipe ani Kosova!
Reprezentya e Raipeske talo phiravipe e sheruneministresko Albin Kurti, ministri e Financiengo, Buti thay Transferya, Hekuran Murati thay eksperti vash kapitali e Lumiaka Bankako, Mrike Aliu prezentinde o proyekti e reformako vash socialuno azhutipe pe 18 mayi 2024 bersh.
Sherunoministri Kurti ano poro vakeripe mothavgya o yaveripe kay e nevi skema ka del shaipe e aplikipesko e vastunengo bizo qhavore may terne desar panj bersh, so na sine praktika ji akana thay kay sine yekh rig e diskriminipeski vash ayekha familie. Ayekha vi, yekh e resipyencar sine te vazden o mekanizmya vash ledeipe e Agencia vash Buti, kote o yekhuno resipe ka kergyol vi ano nevo Proyekt Krisi vash Socialuno garavipe.
Ani konferencia mothavdilo o shaipe e pheripesko e aplikipesko kova shay te kergyol online, direktune kotar o familiako jeno vay prekal ofisialuno sevalutno e Centrosko vash Socialuni Buti ani tumaro komuna.
Linki vash aplikipe sito pe nakhipe: //ekosova.rks-gov.net/518
Sama: vash te aplikinen onlayn ani platforma e-kosova musay te kreirinen tumaro profili/account.
Vash may buderi informacie vash akaya reforma dikheni o vakeripe e sheruneministresko kole shay te drabaren ano avutno linki:
KHARIPYA VASH SUBVENCIE THAY PROYEKTYA:
Kharipe ktoar USAID vash deipe e proyekt propozipyengo, si numay vash BRO!
USAID Kosovo Adapt Activity kharela sah kvalifikime oprganizacie: BRO, organizacie formirime ano komuniteti, privatune fondacie, privatune universitetya, privatune kompanie thay butyaripeske kompanie te den pere proyekt propozipya vash phiravipe e iniciativengo thay aktivitetya vash vazdipe e godinipesko kola ka laqharen o mamuyipe ano klimake yaveripya ko komunitetya thay kompanie ani Kosova.
Deutne inkuraingyona kay te aplikinen ano partneriteti e yaver subyektencar vash te evolvirinen thay buhlaren pere iniciative thay olendar ajukergyola te propozinen aktivitetya kola ka vazden o implementipe e klimatikune gojale iniciativengo.
Propozime iniciative musay te kotorleinen may zoralo leipe e masengo, ptaktika thay teknologie vash adaptiripe thay tiknyaripe e klimatikune yaveripyengo. Propozime aktivitetya e granteske musay te oven ano molipe mashakr 20.000 thay 60.000 Euro thay te oven ano periodi e implementipesko mashkar 12 thay 24 maseka.
USAID Kosovo Adapt Activity financinela e Agencia e Yekhune Amerikake Themyengi vash Mashkarthemutno Evolviripe (USAID), thay implementinela e Tetra Tech.
Aktivitetya vash panj bershuno proyekti sile pe resipe te bayarel o godinipe e publikune thay privatune sektoresko thay rodipe vash klimake paketenge iniciative thay te laqharel o Kosovako kapaciteti kay te implementinel politike thay tehnologie kola phikoinena kovlaripe e klimake yaveripyengo thay adaptiripe, so pe agor rezultinela mamuyipeske thanipeya thay may buderi ekonomikuno savahtunipe vash Kosovake dizune. Vash te reslol akava resipe, USAID Kosovo Adapt Activity ka phriavel aktivitetya vash resipe e avutne resipyengo:
- Resipe 1: Identifikinel samatredipya thay shaipya phanglo e kovlaripeya thay adaptiripeya e klimake yaveripyengo.
- Resipe 2: Te vazdel o godinipe vash klimatikune yaveripya thay te angazhinel e interesime rigen te phikoinen thay implementinen klimake gojale politike thay vazdipya.
- Resipe 3: Te del shaipe e interesime rigenge te phikoinen, promovinen thay qhiven klimake gojale iniciative.
Propozipya musay te fokusingyon ano evolviripe tay implementipe e klimatikune gojale iniciativengo thay implementipe e aktivitetengo vash vazdipe e godinipesko vash te lokhyargyol o evolviripe, implementipe/vay/thay implementipe e klimake gojale iniciativengo.
Propozime iniciative musay te den mamuyipe ani klima thay te vazden o leipe e masengo, praktike thay tehnologie vash adaptiripe thay kovlaripe e klimake yaveripyengo.
Kotar propozutne ajukergyola kay te propozinen aktivitetya prekal avutne mashkar phangle umala:
- Te phiraven o implementipe e klimake gojale iniciativengo kola ka laqharen o mamuyipe ano klimake yaveripya.
- Implementinen aktivitetya vash vazdipe e godinipesko vash klimake yaveripya thay potencialune mase e kovlaripeske thay adaptiripeske.
Aplikantya musay te den pere aplikipya prekal Tetra Tech Community Portal
Paluno vahti vash aplikipe: 10. yuni 2024. 15:00 CEST
Vash may buderi informacie vizitineni o avutno linki: https://ofertapune.net/jobs/request-for-applications-climate-smart-initiatives-eng-alb-srb/?fbclid=IwZXh0bgNhZW0CMTAAAR3Zv6pfhYogdRMfe3zPed8nRJ-o999o_byYM90x-md3lCmakimZkS_qENc_aem_AXM–TffdFpSy_LDWzTYjnltWyoamsVWwwaUCWCKKXkPDUDBmgS-FQYv7byYC4bv9dv19AGFGTNnKCzz8nPzLX1T
Kharipe vash deipe e proyekt propozipyengo vash regionaluno ledeipe e BRO prekal o Fondi e Ratorigune Balkanesko!
Western Balkan Fond (Fondi e Ratorgiune Balkanesko) kharela e sah biraipkane organizacien kola lenape e edukipeya, kultura, sporti, leindoy kotor vi medie kay te aplikinen proyektencar kola ka azhutinen ano phiravipe e resipyengo thay odova si kanleipe thay ledeipe e themyengo kotar regioni prekal proyektya vash shandipe, stabliteti thay ledeipe. Molipe vash koleske shay te aplikinen sito 30.000 Euro po yekh proyekti.
May buderi informacie vash o kharipe shay te arakhen ano avutno linki: https://wbfportal.org/applicant/
Te sine kay situmen puqipya / pharipya ano aplikipe te kontaktinen prekal email adresa: Info@westernbalkansfund.org
Paluno vahti vash aplikipe sito: 17. Yuni 2024 bersh.
Kharipe vash butyarni ano Prilep, Vrdloriguni Makedonia!
Inoscentar kharela e sah interesime kay te amalingyon ani „Mashakrthemutni butyarni vash promovipe e eko-aktivizmesko phikoimi kotar artificialuni inteligencia ano Ratoriguno Balkani“. Akaya butyarni sila pe resipe te kedel rodlarnen, aktivistya, kreatorya e politikengo thay praktikantya kotar regioni vash te rodlargyon o inovativune shaipya e vastipesko e artificialuna inteligenciako (AI) vash anglipe e ekolojikune aktivizmesko.
Organizatorya akala butyarnako ka uqharen o sah harjipya e transporteske thay thanipe vash alosarde kotorleutne.
Vash may buderi informacie vash ovipe e aplikipesko shay te dikhen ano avutno linki: https://docs.google.com/forms/d/e/1FAIpQLSddCEfgI8tF6jz-nDS-amln0NZhXd9O0tk3X_rHX35DfKfFyw/viewform?fbclid=IwAR2Nwn4Q56Wl0GHCjp15rIR7MLe1kyUrb2qqiZxKWmdr1O14xhzrLsGDdW8
Paluno vahti vash aplikipe sito: 10. yuni 2024 bersh.
Kharipe vash kotorleipe ano treningo „Orientipe thay rodlaripe ani Kariera“ – sito numay vash o terne e Peyake regionesko!
Syri i Vizionit ano rami e proyektesko “Kohezivuno avipe” financimo kotar GCERF, kharela e ternen kotar Peyako regioni te kotorleinen ano treningo vash “Orientipe thay rodlaripe ani Kariera”. Treningo ka adikergyol ani Vitomirica, Gorazhdevci thay Peya, transporti ka ovel pokimo kotar o organizatori.
Sah interesime kandidatya shay te aplikinen ano avutno linki: https://docs.google.com/forms/d/e/1FAIpQLSfINva1r8hQqPdXbA9Zoes9otrWN8Qa8xKA03bdfQEkMR37LA/viewform
Vash azhutipe thay pherune informacie hramineni ani email adresa office@syriivizionit.org vay ano kontakt telefoni +38344143098.
Sama: sah kotorleutne ka len certifikati pe agor!
Paluno vahti vash aplikipe: 10. Yuni 2024 bersh.
Konkursi vash buti: Sevalutno/I vash Monitoripe
Biraipkani organizacia Advancing Together kotar e Prishtina kharela sah interesime kandidaten te aplikinen vash puterdi pozicia Sevalutno/i vash Monitoripe. Advancing Together dela phikoipe e lokalune thay centralune raipeske ano alosaripe e sherune problemyengo e kosovake iranutnengo thay mekhle thanutnengo andar o than ani umal e fizikune, hakyune thay materialune siguripesko, sar ini zoralipe e raipesko vash garavipe e irande thay mekhle thanutna populaciako.
Shayutne kvalifikipya:
- Universiteteski diploma vash hakaipe, skencia/ekonomia;
- Minimalune duy bersha e profesionaluna eksperiencako ani umal e manushikane/yekhune hakyengo;
- Uqo niveli e komunikipeske janipyengo thay eksperiencengo e ververutne instituciencar ano lokaluno/centraluno niveli;
- Eksperienca thay mothavdo janipe vash korkori buti sar ini kotor e ekipako e ververutne manushencar e etnikuen avipesko, religia thay kulturuno nakhipe;
- Validuni tradipesko dokumenti kategoria B;
- But shukarno hramipe thay vakeripe e albanyuna, srbyuna thay anglikana qhibyako;
Interesime kandidatya shay te biqhale poro CV, Motivipesko lil (pe anglikani qhib), rekomandipeske lila thay skenirimi kopia e idenitifikipeska kartako, tradipesko lil thay fakulteteski diploma direktune ano emaili: info@advancing-together.org
Paluno vahti vash aplikipe: 9. yuni 2024 bersh. Vash may buderi informacie te dikhen o avutno linki: https://drive.google.com/file/d/1uuqWjObWwCgPXqdyDMUKHUoE8GHtZCsc/view
DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:
Ø SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki: https://superpuna.rks-gov.net/
Ø KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
Ø Dikheni o konkursya ano institucie ani sah Kosova ano avutno linki: https://aprk.rks-gov.net/Job/Index
Ø Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki: https://konsultimet.rks-gov.net/index.php
Ø Dikheni o konkursya vash grantya vash biraipkane organizacie ano avutno linki: https://www.kosovofunding.org/
Ø Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali: http://www.posaonakosovu.com/
