INFORMIPE: INFORMIPE: SHRDELA PILOTIPE E REFORMIMA SKEMAKO VASH SOCIALUNO AZHUTIPE ANI KOSOVA!
Reprezentya e Raipeske talo phiravipe e sheruneministresko Albin Kurti, ministri e Financiengo, Buti thay Transferya, Hekuran Murati thay eksperti vash kapitali e Lumiaka Bankako, Mrike Aliu prezentinde o proyekti e reformako vash socialuno azhutipe pe 18 mayi 2024 bersh.
Sherunoministri Kurti ano poro vakeripe mothavgya o yaveripe kay e nevi skema ka del shaipe e aplikipesko e vastunengo bizo qhavore may terne desar panj bersh, so na sine praktika ji akana thay kay sine yekh rig e diskriminipeski vash ayekha familie. Ayekha vi, yekh e resipyencar sine te vazden o mekanizmya vash ledeipe e Agencia vash Buti, kote o yekhuno resipe ka kergyol vi ano nevo Proyekt Krisi vash Socialuno garavipe.
Ani konferencia mothavdilo o shaipe e pheripesko e aplikipesko kova shay te kergyol online, direktune kotar o familiako jeno vay prekal ofisialuno sevalutno e Centrosko vash Socialuni Buti ani tumaro komuna.
Linki vash aplikipe sito pe nakhipe: //ekosova.rks-gov.net/518
Sama: vash te aplikinen onlayn ani platforma e-kosova musay te kreirinen tumaro profili/account. Video e instrukcienca vash aplikipe shay te dikhen ano avutno linki: https://fb.watch/sr-xwWyC7h/
Vash may buderi informacie vash akaya reforma dikheni o vakeripe e sheruneministresko kole shay te drabaren ano avutno linki: https://kryeministri.rks-gov.net/sr/blog/pocinje-pilotiranje-reformisane-seme-socijalne-pomoci-na-kosovu/
INFORMIPE: MINISTRIA VASH GARAVIPE ANI KOSOVA REGISTRINELA E NEVE KADETEN!
Ministria vash garavipe rekrutinela sarandupanj (45) kadetya kola ka studirinen ano akala fakultetya:
- Centro vash universitarune studie e Kosovake Siguripeske Zoralipyengo (FSK) ano Amerikako Universiteti ani Kosova (AUK), ko sasutnipe 25 kadetya,
- Askeriaki Akademia ani Albania, ko sasutnipe 10 kadetya kolendar shtar kadetya ka siklon ano informaciake tehnologie ani umal e garavipesko, trin kadetya ka siklon vash mashkarthemutne ledeipya ani umal e garavipeski thay trin kaderya ka siklon vash komunikacia ani umal e garavipeski.
- Ani Turkia, ko sasutnipe 8 kadetya, kolendar panj kadetya ka oven ani Phuvyaki Askeriaki Akademia, thay trin ano Askeriaki Medicinaki Akademia (VMA).
- Ani Kroacia, ko sasutnipe 2 kadetya, sol duy ka oven ani Askeriaki Akademia kote ka siklon vash Lidershipi thay Menajmenti e Askeriako.
Vash may buderi informacie vash kriterya thay ovipe e aplikipesko shay te kharen akala telefoneske gendya: 038- 555584 5690; 038- 555584 5691
Kharipe kova iklilo pe 20.05.2024 bersh shay te dikhen ano avutno linki: https://mod.rks-gov.net/Page/16 , ji kay o linki vash aplikipe sito akava: https://rekrutimi.fsk-rks.org/Apply
Paluno vahti vash aplikipe sito: 17. yuni 2024 bersh.
INFORMIPE: MINISTRIA VASH FINANCE, BUTI THAY TRANSFERYA ANI KOSOVA DELA SUBVENZIE VASH BIZNESYA ANI UPRUNI KOSOVA!
Ministria vash Finance, Buti thay Transferya dela subvencie kotar 70% e financipesko e pokipyengo vash neve butikerne ano periodi kotar shov masek. Sah registrime biznesya kola siton ani lokacia Upruni Mitrovica, Zveqana, Zubin Potok thay Leposaviq shay te aplikinen ayekha kay musay te nakhen ano pere komunake ofiseya vash butyaripe kola ka den tumenge azhutipe thay ka mothaven sar te aplikinen. Ayekha vi, shay te shunen vash pherune informacie ano avutno linki kote o phiravutno e Ofisesko vash Butyaripe ani Leposaviqeski komuna ulavgya informacie vash akava shaipe:https://www.facebook.com/MinistriaeFinancave/videos/743791344355160/
Kharipe vash e studipasko kotorleyipe e kharipea “4 Riga Kosova” – si vash o sah terne ani Kosova!
Misia e Yekhune Naciyengi ani Kosova prekal o programi vash o terne, tromalipe thay siguripe „United Youth Task Force“ kharela sah ternen jene (18-26 godina) kay te registringoven ani studipaski vizita savi organizingyola ano komune:: Kamenica, Prizren, Deqan, Pecya, Vrdloriguni Mitrovica thay Zveqan.
Recipe akale studipaske vizitako si kay o terne kotar yaverune komunitetya ani Kosova te siklon vash e yaveruni kultura thay te len siklipya ano maripe mamuy e stigma, yekhune te anen pere komuniteteske proaktivuno kotorleyipe ano procesi e lekanipeske laqharipesko.
Vizita ka ovel ano komune 4 dive kotar o 27. jipe 30. yuli, e kharipea„4 riga Kosova“ kote o kotorleyutne ka ovel olen shaipe kay te arakhen pe e komunalune reprezentyencar, rafina e civilyune malipesko, ternenge organizacie, kulturake vizite, istoria thay yaver shukarne thana.
Sah interesime shay te registringyoven ano akava linko:
https://docs.google.com/forms/d/e/1FAIpQLSdCxJt56yYcWJJ8ODnCJwb6PnrL2-2zsR1WbfaTibmX8h7juA/viewform
Vakti vash aplikipe / registripe si jipe 23. yuni 2024, 23:59 h.
KHARIPE VASH KOTORLEIPE ANO REGIONALUNO KAMPI VASH HAKYUNE SIGURIPESKO RAPORTIPE THAY RAPORTIPE VASH O KRIZE – SITO NUMAY VASH ZHURNALISTYA THAY STUDENTYA E ZHURNALISTIKAKO!
Balkaneski RodlaripeskI Rafin (BIRN) kharela sah interesime zhurnalistyen e butyaka eksperienca may hari kotar yekh bersh, na dur diplomirime thay profesionalune zhurnalistyengo te aplikinen vash trin divuno kampi kova ka del olenge shaipe vash treningo thay specializimo siklipe thay janipe sar te garaven peste thay pere redakcie kotar ververutne darakeripya, leindoy kotor fizikune, psikikune thay digitalune atakya. Akava regionaluno treningo ka kedel e kotorleutne kotar shov regionalune phuvya e Ratorigune Balkanesko: Kosova, Bosna thay Hercegovina, Vrdloriguni Makedonia, Albania, Srbia thay Montenegro.
Vash may buderi informacie vash o kharipe dikheni o avutno linki: https://birn.eu.com/news-and-events/call-for-journalists-to-participate-in-birns-regional-camp-on-legally-safe-reporting-and-crisis-reporting/?fbclid=IwZXh0bgNhZW0CMTAAAR1zXE7LU-DYNGv-CeYoZvefQx7gBzGDos7ZaKaY1BU2o-q7CXqLVlMMgS8_aem_AbBirk8EHrVpDsPwteU1d_YcD1HFJExBMSJ06W27fvs0opgGwfPKIztgoTUJMn4SI0cfLyAQD6RHO1zBOLH17L_j
Aplikacia shay te arakhen ano avutno linki: https://be.ecrtool.org/admin/webform/manage/application_form_training_camp/share/preview
Paluno vahti vash aplikipe: 24. yuni 2024 bersh.
PUBLIKUNO KHARIPE VASH BUTYAKE PROPOZIPYA – NUMAY VASH NABUDERUNE KOMUNITETYA THAY IRANDE
Mashkarthemutni Organizacia vash Migripe (IOM) lugyarela o implementipe e Programesko vash Stabilizipe e Komunitetengo V, kova ka del financialuno thay teknikuno azhutipe vash shrdipe e neve thay buhlaripe e prezentune tikne thay mashkarune kompaniengo, may buderi e kompaniengo kola promovinena thay zorakerna savahtuno reintegripe e haricune irandengo. EU-CSP V programi ka lugyarel te phikoinel ini lokalune iniciative kolatar vijaipe ka theren o sah komuniteti prekal e buti e komunitetenge jenencar thay indiviualune phuvokernencar thay produkterencar rodlarindoy shaipya vash khetani buti prekal keripe thay phikoipe e nabuderune thay mashkaretnikune butyake amalipyengo.
Vash godideipya thay formularya vash aplikipe vizitineni IOM veb-qham (www.kosovo.iom.int) vay khareni direktune e organizacia vastindoy o avutne kontaktya:
- Telefon: 049 968 485, email adresa: iymeri@iom.int vash komune: Prishtina, Fush Kosova, Obiliq, Vuqitrna, Poduyeva, Graqanica, Lipyan, Glogovci, Gilana, Ranilug, Kamenica thay NovoBrdo.
- Telefon: 049 968 486 email adresa: acavolli@iom.int vash komune: Peya, Istog, Klina, Jakova, Deqana, Yunik, Srbica, Mitrovica (vrdlorig-yugi), Leposaviq, Zubin Potok thay Zveqan.
- Telefon: 049968483 email adresa: nhalkollari@iom.int vash komune: Prizren, Mamusha, Orahovac, Dragash, Suvareka, Malisheva, Shtimla, Uroshevac, Shtrpce, Kaqanik, Elez Han, Klokot, Vitina thay Partesh.
Ano akala adrese shay te len may detalyune informacie phanglo e: procesi e penjaripesko thay ovipe e hramipesko amare hramipeske propozalyengo, formularya vash aplikipe thay godideipya vash pheripe e formularengo thay godideipya phanglo vash procesi e aplikipesko.
Paluno vahti vash aplikipe: 30. yuni 2024 bersh.
Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese: |
|---|
| Ø Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org/ Ø Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net/ Ø Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting Ø Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20. |
Ø SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki: https://superpuna.rks-gov.net/
Ø KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
Ø Dikheni o konkursya ano institucie ani sah Kosova ano avutno linki: https://aprk.rks-gov.net/Job/Index
Ø Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki: https://konsultimet.rks-gov.net/index.php
Ø Dikheni o konkursya vash grantya vash biraipkane organizacie ano avutno linki: https://www.kosovofunding.org/
Ø Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali: http://www.posaonakosovu.com/
