INSTITUCONALUNO PHIKOIPE VASH O DIZUNE:

INFORMIPE: APLIKIPE VASH SUBVENCIONIPE E PUSTIKENGE KINIPESKO VASH NEVO SHKOLAKO BERSH SHRDINGYA!

Kosovako Raipe ulavgya 7.375.138 Euro vash subvencionipe e pustikengo thay siklipeske materialesko vash shkolako 2024/2025 bersh.

Akaya decisia andili pe 14 avgusti 2024 bersh ano kedipe kole phiravgya o sherunoministri Albin Kurti, palo kay mekhlilo o mangipe kotar e Ministria e Edukipeski vash ulavipe akale vastushyengo.

Akava bersh vash siklovne e fundone siklovipesko (kotar 1. ji 5. Klasa) subvencia ka ovel kotar 80 euro, ji kay vash siklovne e telune mashkarune siklipesko (kotar 6. ji pe 9. klasa) subvencia ka ovel kotar 110 euro.

Ministria vash Edukipe, Skencia, Tehnologia thay Inovacie mekhla o katalogi e pustikengo ano komunake direkcie thay kreirinde e lista e mekhle pustikengo kola ka publikingyon ano sayti e ministriako ano avutno linki:

Aplikipe vash subvencie kergyola elektronikune dromeya ani platforma E-Kosova, aplikanti musay may angle te registringyol ani platforma, palo odova te alosarel e rubrika “Servisya”, palo odova “Edukipe” thay palo odova alosarena e kategoria koya sitoy vash tumaro qhavoro thay qhivena o mangle detalya.

Linki e platformako E Kosova sito avutno:

Srb. https://ekosova.rks-gov.net/Service/5

Shq. https://ekosova.rks-gov.net/Service/5

GRANTAY VASH DIZUNE THAY BIRAIPKANE ORGANIZACIE/BIZNESYA:

INFORMIPE: ITALIAKI AMBASADA ANI KOSOVA KHARIPE VASH GRANTYA!

Italiaki Ministria e avrune butyengi thay Mashkarthemutno ledeipe (Generaluno direktoriati vash Evriopa thay mashkarthemutno tregoski politika-DGUE) publikingya informipe (Bando Balcani) vash proyektya kola sile pe resipe te den shaipe vash italianengo kotorleipe ano mahskarthemutne tehnipeskie thay humanitarune iniciative thay garavipe e manushikane hakayengo.

Propozalya dengyona iniciativenge kola anena avutne tematikune umala, ano regioni e Ratorigune Balkanesko (Albania, Bosna thay Hercegovina, Kosova, Vrdloriguni Makedonia, Montenegro, Srbia):

a) konsolidipe e demokrativune instituciengo thay phikoipe e procesenge e nacionalune thay regionalune lekanipesko; zorakeripe e procesesko vash pashipe e Ratorigune Balkanesko ani EU thay anglipe e EU integripyengo; angloaqhavipe e terorizmesko thay ekstremizmesko, reforma e krislinyako thay alosaripyenge sistemesko, transparenca, maripe mamuy korupcia thay organizimo kriminali;

b) kotorleipe thay anglipe e ternengo, juvlengo thay nacionalune minoritetengo ano procesya e regionalune lekanipesko thay EU integripya;

c) zorakeripe thay promovipe e manushikane hakayengo;

d) promovipe e buhlaripesko thay garavipe e mashkarthemutne thay humanitarune hakosko.

Propozime iniciative shay te ove bilateraluna vay regionaluna naturako.

Vastushya pe dispozicia siton 240.000 euro. Sakova alosardo propozali shay te lel phikoipe kova na phirela prekal 90% e sasutne harjipyengo vash phiravipe e propozime aktivitetengo ano sakova ovipeji pe maksimaluno molipe kotar 30.000 euro.

Deipe e propozipesko kotar e rig e privatune subyektengo e registrime ofisesta ani Italia vay ani yaver them e Evropaka Uniako ka ovel andar validimo elektronikuni posta ano dgue.adriatico-balcani@cert.esteri.it thay pe yekhuno vahti ano bandobalcani@esteri.it. Ano anav e emailesko musay te mothavgyon o alava „RIF. Bando Balcani 2024” thay o anav e jenosko kay propozinla (biraipkani organizacia).

Vash subyektya kola silen registrimo thanipe ano them kola na si jeni e EU, aplikipe kergyola numay prekal teritorialune godorno italiako diplomatikuno reprezentipe. Konkretune, vash subyektya e registrime ofiseya ani Kosova, aplikipya (e sah dokumentenmcar thay deklaripyencar) biqhalgona ano digitaluno rezhimi ano segreteria.pristina@esteri.it, hramindoy ano anav o alav „Balkanesko kharipe vash propozipya 2024 – Anav e entitetesko”.

May buderi informacie vash o kharipe sar vi ovipe e aplikipesko shay te arakhen ano avutno linki: https://ambpristina.esteri.it/en/news/dall_ambasciata/2024/08/youth-reconciliation-and-human-rights-bando-balcani-2024-has-been-published-applications-till-september-30/

Paluno vahti vash aplikipe: 30. septembri 2024.

INFORMIPE: USAID KHARELA E ORGANIZACIEN TE APLIKINEN VASH GRANTYA!

USAID Investment Promotion and Access to Finance Activity (“Aktiviuteti”) kharela e kvalifikime naprofitabilune, profitabilune thay biraipkane organizacie te den aplikipe ano Mothavipe e Interesipesko vash te len vastushya vash implementipe e inovativune akcesesko kova anela o leipe e investipyengo thay bayaripe e akcesesko ano diversifikipeske finance ani Kosova.

Prekal akava kharipe vash deipe e aplikipyengo, kvalifikime orgaizacie shay te aplikinen vash financipe kotar 30.000 euro ji pe 230.000 euro (vay ekvivalentune 250.000 dolarya).

USAID Investment Promotion and Access to Finance Activity sito panj bershuno proyekti kova sile pe resipe zorakeripe e kapacitetesko e privatune sektoresko vash resipe e savahtune ekonomikune bayuripesko prekal duy resipya kola mashkar peste vazdena: leipe e investipyengo thay bayaripe e akcesesko thay vastipe e diversifikime financiengo.

Program USAID Kosovo Investment Promotion and Access to Finance finansinela e Agencia e Yekhune Themyengi vash mashkarthemunto evolviripe (USAID), thay realizingyola kotar e organizacia DT Global, sar sheruno kerutno, khetane e organizaciencar Recura Financials thay Connexus Corporation sar ledeutne.

Paluno vahti vash aplikipe: 30. septembri 2024. pe ora 15:00 po mashkar evropako vahti.

Inkuraingyola o may angle aplikipe. Akate shay te len o paketi e aplikipesko thay pherune informacie: 

Dodatak A – Potvrde, garancije i druge izjave ponuđača

Dodatak B – Izrazavanje interesovanja

Dodatak C_Format budzeta za punu grant aplikaciju

Dodatak C_Puna grant aplikacija

USAID Kosovo Investment Promotion and Access to Finance Activity

SHAIPE E BUTYARIPESKO VASH NABUDERUNE KOMUNITETYA:

INFORIPE: PUTERDILI POZICIA E EKZEKUTIVUNE DIREKTORESKO/ DIREKTORKAKO ANI BIRAIPKANI ORGANIZACIA RROGRAEK!

Rafin e Romane, Ashkalyune thay Egipqanyune juvlane organizaciengi ani Kosova „RROGRAEK“ kharela e kvalifikime kanidate te len kotor ano akava konkursi vash te mothaven interesipe vash aplikipe ani pozicia e ekzekutivune direktoreski.

Kvalifikipya, butyaki eksperienca thay janipya:

• Univerziteteski diploma

• Butyaki eksperienca ani umal e manushikane hakayengi/juvlane hakaya na organizacia.

• Kandidati musay te theren but shukar kompyutereske janipya leindoy kotor Windovs, Excel, Power Point ty.

• Musay si hramimo thay vakerde janipe e albanyuna thay anglikana qhibyako.

• Janipya e komunikipeske, ledeipe, ekipaki buti ty.

• Oveni energetikune, therein shukar mashkar amalipeske janipya thay oveni gatisarde te keren buti ano fleksibiluno butyako vahti thay tali vahteski presia.

Rafin e Romane, Ashkalyune thay Egipqanyune juvlane organizaciengi ani Kosova „RROGRAEK“ inkurainela o aplikipe e juvlengo thay qhayengo kotar o Romane, Ashkalyune thay Egipqanyune komunitetya ani Kosova vash akava kharipe thay akaya pozicia.

Vash aplikipe sito musayutno:

• Mothavipe vash profesionalune kvalifikipe, mothavipe vash butyaki eksperienca, butyake reference, motivipesko lil thay biografia – Cv Europass formati.

Paluno vahti vash aplikipe: 15. septembri 2024. ji pe ora 17.

Leparde dokumentya te biqhalen ani email adresa: rrograek@gmail.com.

Vash sah puqipya thay pherune informacie khareni o kontakt telefoni: +383 (0) 44 211 905.

INFORMIPE: Ministria vash Industria, Mashkarleipe thay Trego puterla konkursi vash trin pozicie:

• Shefi e departamentesko vash registripe e biznisengo. Vash may buderi informacie dikheni o avutno linki: https://mint.rks-gov.net/desk/inc/media/92784DA7-BA9D-4A56-996B-AD3BEB906A60.pdf  Paluno vahti vash aplikipe: 22. avgusto 2024.
• Sevakutno/i vash keripe e detalyengo. Vash may buderi informacie dikheni o avutno linki: https://mint.rks-gov.net/desk/inc/media/440452C1-6286-4C97-98F7-248733EEDDB4.pdf  Paluno vahti vash aplikipe: 25. avgusti 2024.
• Administrativuno sevalutno. Vash may buderi informacie dikheni o avutno linki: https://mmphi.rks-gov.net/MMPHIFolder/AnnouncementFiles/2024_0f33e8db-025d-4ec0-a1e1-a29148f7268f.pdf Paluno vahti vash aplikipe: 01. septembri 2024.

SHAIPE VASH O TERNE:

INFORMIPE: DIGITAL PEACEBULDRES, PUTERDO KHARIPE VASH KOTORLEUTNE!

Digital Peacebuilders sito dinamikuno yekh divuno treningo phiravdo kotar o terne, e resipeya vash maripe mamuy nakamipeski qhib thay hohavne nevipya. Akava ovipe ka kedel e terne manushen kotar 16-30 bersha thay lokalune zhurnalistya sar mentorya, agorindoy kreiripeya e video klipyengo ano lokalune qhibya ani Kosova. Financimo kotar UNMIK-o, akaya iniciativa zorakerla e ternen te oven phiravutne e yaveripyengo thay te marenpe e bayripeya e dezinformipesko ani rafin.

Kotorleutne ka len kotor ano interaktivune sesie thay diskusie, leindoy dikhipe ano bayripe e artificialune intelgienciako, olenge rizikya thay vijaipya thay leipya ano digitaluni era. Ka siklon praktikune strategie vash maripe mamuy nakamipeski qhib, ka len kan o fomriripe e hohavne nevipyengo thay ka evolvirinen o janipya vash identifikipe e hohavne nevipyengo. Ledeipeya e lokalune zhurnalistyencar, kotorleutne ka konceptualizinen thay lavavdinen harne video klipya, kola ka ulavgyon ano platforme e UN Youth.

Sah interesime shay te apliknen ano avutno linki: https://docs.google.com/forms/d/e/1FAIpQLScMOQDg24pPw1QvrnY-rIvSwDW-k6wRqwhlG8wV0mH3KJrzsQ/viewform

Paluno vahti vash aplikipe: 10. septembri 2024.

INFORMIPE: SHAYUTNE BURSE VASH MASTER STUDIE ANI BARI BRITANIA PREKAL CHEVENING PROGRAMI!

Chevening sito programi mashkarthemutne bursengo e Yekhune Thagaripeske Raipesko, Financinegyola kotar o Ofisi e Avrune Butyengo, Komonvelt thay evolviripe e partnereske organizaciengo, dela burse vash yekhbershuno studiripe ani Bari Britania ano pheruno financialuno master kursi.

Si but anglipya akale programesko, leindoy kotor o pherdo financipe e sah harjipyengo, akcesi ano nesave may kvalitativune edukipe ani lumia, ekskluzivune shaipya e rafinipesko thay shaipe te rodlaren ververutni kultura e Bara Britaniako.

Vash may buderi informacie vash ovipe e aplikipesko dikheni avuitno linki: https://www.chevening.org/scholarship/kosovo/

Ambasadori e Britaniaka Ambasadako ani Kosova, Nj.E. Jonathan Hargreaves inkuraingya sah interesime terne ani Kosova, may buderi e nabuderune komunitetengo kay te aplikinen ano akava kharipe thay te kontribuinen ano poro malipe. Video lavavdipe vash olesko mesazhi shay te dikhen ano avutno linki: https://www.facebook.com/UKAmbKosovo/videos/1547843332607750/

Paluno vahti vash aplikipe: 5. novembri 2024.

Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese:

• Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org

• Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net

• Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting

• Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20.

DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:

Ø  SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki:https://superpuna.rks-gov.net/

Ø  KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki:https://kosovogenu.com/

Ø  Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index

Ø  Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php 

Ø  Dikheni o konkursya vash grantya vash biraipkane organizacie ano avutno linki:https://www.kosovofunding.org/

Ø Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali:http://www.posaonakosovu.com/