INSTITUCONALUNO PHIKOIPE VASH O DIZUNE:

INFORMIPE: APLIKIPE VASH SUBVENCIONIPE E PUSTIKENGE KINIPESKO VASH NEVO SHKOLAKO BERSH SHRDINGYA!

Kosovako Raipe ulavgya 7.375.138 Euro vash subvencionipe e pustikengo thay siklipeske materialesko vash shkolako 2024/2025 bersh.

Akaya decisia andili pe 14 avgusti 2024 bersh ano kedipe kole phiravgya o sherunoministri Albin Kurti, palo kay mekhlilo o mangipe kotar e Ministria e Edukipeski vash ulavipe akale vastushyengo.

Akava bersh vash siklovne e fundone siklovipesko (kotar 1. ji 5. Klasa) subvencia ka ovel kotar 80 euro, ji kay vash siklovne e telune mashkarune siklipesko (kotar 6. ji pe 9. klasa) subvencia ka ovel kotar 110 euro.

Ministria vash Edukipe, Skencia, Tehnologia thay Inovacie mekhla o katalogi e pustikengo ano komunake direkcie thay kreirinde e lista e mekhle pustikengo kola ka publikingyon ano sayti e ministriako ano avutno linki:

Aplikipe vash subvencie kergyola elektronikune dromeya ani platforma E-Kosova, aplikanti musay may angle te registringyol ani platforma, palo odova te alosarel e rubrika“Servisya”, palo odova “Edukipe” thay palo odova alosarena e kategoria koya sitoy vash tumaro qhavoro thay qhivena o mangle detalya.

Linki e platformako E Kosova sito avutno:

Srb. https://ekosova.rks-gov.net/Service/5

Shq. https://ekosova.rks-gov.net/Service/5

APLIKIPE SITO PE NAKHIPE, BIZO SAMATREDIMI DATA!

GRANTAY VASH DIZUNE THAY BIRAIPKANE ORGANIZACIE/BIZNESYA:

INFORMIPE: AUSTRALIAKI AMBASADA ANI KOSOVA E BESHIPEYA ANO ZAGREBI PUTERGYA KHARIPE VASH GRANTYA!

Ambasada e Australiaki ano Zagrebi kharela e sah kvalifikime subyekten kay te aplikinen vash financipe prekal Programi e direktune azhutipesko (DAP) 2024-25 vash Kosovaki Republika. Programi e direktune azhutipesko sito fleksibiluno programi e tikne grantyengo kole financinla e australiako raipe thay kova phiravgyola prekal Ofisi e Ministriako e avrune butyengo thay trego (DFAT) ano avrune thema. Programi sile pe resipe te phikoinel proyektya e zorale evolviripeske fokuseya kola pherena pheruno programi e azhutipesko e Australiako, phikoinela e savahtune ekonomikune bayripeske thay anena ano tiknyaripe e qorolipesko. DAP phikoinela proyektya kola phikoinena direktune vastipya odoleske kaske si may musayutno ano lokaluno komuniteti, leindoy kotor e qalavde grupen vay grupe ani namangli pozicia, juvla, qhavore thay personya e invaliditeteya.

Proyektya shay te oven ano sasavo sektori , numay musay te theren pe resipe o tiknyaripe e sherune humanitarune pharipyengo, te theren evolviripesko leipe thay te phiravgyon ano relativune harno vahtesko periodi. 

Pe 2024-25, prioriteti ka theren proyektya kola resena praktikune thay qalavde rezultatya ano proyektya kola:

• promovinena manushikane hakaya thay tromalipe e vakeripesko thay shukarno raipe;

• promovinena polyuno yekhipe thay zorakeripe e juvlengo sar phiravutne e ekonomikune bayripesko;

• azhutinena e grupenge thay haricune komunitetenge, leindoy kotor LGBT populacia thay manusha e invaliditeteya;

• phikoinena savahtunipe e jivdipeske thanipesko;

• promovinena multikulturalizmo thay iranipe e komunitetesko.

Formulari vash aplikipe vash DAP aplikanti musay te pherel onlayn.

Aplikipe vash Programi e direktune azhutipesko 2024-25 shay te dengyon ano

https://dap.smartygrants.com.au/ZagrebDAP24-25

Paluno vahti vash aplikipe: kotar 5. septembri  ji pe 4. oktobri 2024. bersh.

Te sine kay situmen puqipya, vay musayutne si tumenge pherune informacie kontaktineni: dijana.padezanin@dfat.gov.au

SHAIPE VASH TERNE:

INFORMIPE: KHARIPE VASH APLIKIPE DUYDIVUNO KURSI VASH SIKLIPE E RODLARIPESKA ZHURNALISTIKAKO THAY VERIFIKIPE E FAKTENGO!

BIRN Kosova putergya nevo kharipe vash aplikipe vash poro duyto duydivuno kursi e siklipesko vash rodlaripesko zhurnalizmo thay verifikipe e faktyengo, ano rami e proyektesko kole finansinla EU „Zorakeripe e kvalitetune nevipyengo thay biumlavdo zhurnalizmo ano Ratoriguno Balkani thay Turkia II“.

Akava kursi e siklipesko ka azhutinel ano maripe e hohavne nevipyengo thay naverifikime raportipe azhutindoy e zhurnalistyenge te siklon sar te arakhen o hohavne nevipya thay te den o mangle informacie kola siton e zhurnalistikake standardyencar. Phiravdo janipe ka ovele  praktikuna naturako thay ka pashlol pe yekhune eksperience e zhurnalistyengo kola suskesune evolvirinde ayekha janipya ano yekhune thanipya.

BIRN ka kharel ververutne regionalune thay mashkarthemutne profesionalya te phiraven o kursi thay te ulaven pere janipya thay eksperience e kotorleutnencar. Shay te aplikinen studentya e palune bershengo ani zhurnalistika, na dur diplomime thay terne thay profesionaluen zhurnalistya kotar thema e Ratorigune Balkanesko, ledinoy kotor Albania, Bosna thay Hercegovina, Kosova, Montenegro, Vrdloriguni Makedinia thay Srbia.

Vash te aplikinen musay te gatisaren:

• CV kandidatesko
• Motivipesko lil (ji 500 alavya)

Kandidatya kola na silen publikimi buti shay te den pere studentyenge obligipya vay butya kotar praktikune subyektya ani zhurnalizstika. Motivipesko lil musay te therel informacie vash godinipe thay janipe e kandidatesko vash akaya tema thay na manglape te nakhavel 400 alava.

Sah akava te biqhalen emaileya ano aritasuhodolli@jetanekosove.com ji pe 15. septembri 2024 bersh.

Vash may buderi informacie dikheni ano avutno linki: https://birn.eu.com/news-and-events/call-for-applications-two-day-training-course-on-investigative-reporting-and-fact-checking/?fbclid=IwY2xjawE5IhtleHRuA2FlbQIxMAABHXuvjaTqnO6QbUhahcm0NBNxs8_Lj4fz1MFWwVvOFmJarU1vk7vt6aFPWg_aem_p326YvKWIq5WJ0rDszm7YA

INFORMIPE: SHAYUTNE BURSE VASH MASTER STUDIE ANI BARI BRITANIA PREKAL CHEVENING PROGRAMI!

Chevening sito programi mashkarthemutne bursengo e Yekhune Thagaripeske Raipesko, Financinegyola kotar o Ofisi e Avrune Butyengo, Komonvelt thay evolviripe e partnereske organizaciengo, dela burse vash yekhbershuno studiripe ani Bari Britania ano pheruno financialuno master kursi.

Si but anglipya akale programesko, leindoy kotor o pherdo financipe e sah harjipyengo, akcesi ano nesave may kvalitativune edukipe ani lumia, ekskluzivune shaipya e rafinipesko thay shaipe te rodlaren ververutni kultura e Bara Britaniako.

Vash may buderi informacie vash ovipe e aplikipesko dikheni avuitno linki:

https://www.chevening.org/scholarship/kosovo

Ambasadori e Britaniaka Ambasadako ani Kosova, Nj.E. Jonathan Hargreaves inkuraingya sah interesime terne ani Kosova, may buderi e nabuderune komunitetengo kay te aplikinen ano akava kharipe thay te kontribuinen ano poro malipe. Video lavavdipe vash olesko mesazhi shay te dikhen ano avutno linki: https://www.facebook.com/UKAmbKosovo/videos/1547843332607750/

Paluno vahti vash aplikipe: 5. novembri 2024.

Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese:

• Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org

• Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net

• Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting

• Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa:info@advancing-together.orgthay bipokipesko gendo 0800 200 20.

DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:

Ø  SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki:https://superpuna.rks-gov.net/

Ø  KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki:https://kosovogenu.com/

Ø  Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index

Ø  Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php 

Ø  Dikheni o konkursya vash grantya vash biraipkane organizacie ano avutno linki:https://www.kosovofunding.org/

Ø Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali:http://www.posaonakosovu.com/