INSTITUCONALUNO PHIKOIPE VASH O DIZUNE:

INFORMIPE: MINISTRIA VASH EKONOMIA DELA SUBVENCIE VASH O DIZUNE!

Ministria vash Ekonomia putergya kharipe vash subvencie vash efikasune sheya vash tatyaripe e kherengo thay stanyengo kola financinela e Evropaki Unia ani Kosova (EU) ko 12 septembri 2024 bersh.

Mase kola mothavdile silen pe resipe vash phikoipe e familiarune harjutnengo, may buderi harjutyne e mangipyencar, sar si investipe ano qhivipe e efikasyune sheyengo vash tatyaripe, kola astarena:

• Tatyaripeske pumpe,
• Klime / efikasyuni klima,
• Tatyarne vash biomasa (kasht, peleti, briketi), thay
• Individualuni tatyarni ani biomasa.

Molipe e subvenciako vash tatyaripesk pumpa sila trianda pe shel (30%)  e investipeske molipesko, vay ji pe 2.000,00 euro.

Klima, molipe e subvenciako vash o shey sito saranda pe shel (40%) e molipesko, vay ji pe 400,00 euro. Vash korkore halarde dadalarya dizune kola phikoingyona kotar e skema e socialune azhutipesko (kategoria 1 thay 2), subvencioningyona e shovardesh pe shel (60%) molipe e investipesko ji pe 550,00 euro.

Tatyarno ani biomasa (kasht, peleti, briketi), subvencioningyola eftavardesh pe shel (70%) molipe e investipesko ji pe 1.200,00 euro.

Ji kay ko individualune tatyarne ani biomasa, molipe e subvencionipesko vash yekh (1) shey sito eftavardesh pe shel (70%) molipe e investipesko thay ji pe 435,00 euro. Vash korkore halarde dadalarya thay dizune kola phikoingyona kotar skema e socialune azhutipesko (kategoria 1 thay 2), subvencioningyola enyavardesh pe shel (90%) molipe e investipesko, vay 560,00 euro.

Aplikipe kergyola online prekal e platforma e-Kosova: https://ekosova.rks-gov.net/472

Kompletune informacie vash o kharipe shay te arakhen ano linki:  https://me.rks-gov.net/sr/blog/ministarstvo-ekonomije-raspisuje-poziv-za-subvencije-za-efikasne-grejnu-opremu-za-domacinstvo/  thay dokumenti https://me.rks-gov.net/wp-content/uploads/2024/09/serb-Thirrje-publike-Investimi-ne-pajisje-ngrohese-eficiente-2-elektoruar.pdf

O sheya kola kindile angli data e kharipeske publikipesko na ka ovel subvencionimi.

Dizune kola sine vastune e subvenciako vash arakhipe e efikasune sheyengo vash tatyaripe, ano yekh kotar publikune kharipya: publikuno kharipe gn. 02/2022, kotar 06.10.2022. bersh.; pubplikuno kharipe gendo 03/2022 kotar 18.11.2022. bersh vay publikuno kharipe gendo 03/2023 kotar 22.09.2023. berhs na silen hako te konkurinen vash subvencie vash efikasyune tatyaripeske sheya ano rami e publikune kharipesko gn. 05/2024.

Paluno vahti vash aplikipe: 11. oktobri 2024.

Akceptime aplikipya ka dikhlarngyon po principi KO ANGLUNO APLIKINLA, ANGLUNO KA LEL O SERVISI, ayekha kay inkuraina tumen te aplikinen so may sig kay si shayutno.

SHAIPE VASH O TERNE:

INFORMIPE: TRUMISALO O KHARIPE VASH HRAMIPE E STUDENTYENGO ANO MASHKARTHEMUTNO BUTYARIPESKO KOLEJI MITROVICA (IBCM) VASH BA THAY MA STUDIE!

Publikuno Mashkarthemutno Butyaripesko Koleji Mitrovica (IBCM) kharela e sah interesime studentyen te aplikinen vash akademikuno 2024/25. bersh, ano avutne programya:

• Publikuno phiravipe thay socialun dikhipe (bachelor)
• Mashkarthemutno bikinipe thay menajmenti (bachelor)
• Menajmenti e jivdipeske thanipesko thay phuvokeripe (bachelor)
• Mashkarthemutno lidershipi thay menajmenti (master).

Pashe e moderune kondicienge, IBCM dela vi shkole bizo pokipe vash jene e nabuderune komunitetengo, bipokipeske kursya e qhibyengo sar kotor e gatisaripesko vash hramipe thay may lokhe studie. Vash pherune puqipya ano kondicie vash studiripya kontaktineni: n.saveljic@ibcmitrovica.eu

Vash may buderi informacie vash o ovipe e akceptipesko vizitineni o avutno linki: https://www.ibcmitrovica.eu/extension-of-call-for-student-recruitment-in-bachelor-and-master-studies/

Paluno vahti vash aplikipe: 27. septembri 2024.

INFORMIPE:  MINISTRIA E AVRUNE BUTYENGI THAY DIASPORA BUTYARELA 25 BUTIKERNE!

Ministria e Avrune Butyengi thay Diaspora putergya kharipe vash bishu panj pozicie kola ka keren AD Hook Grupa vash avrune servisya.

Kotar kvalifikipe rodingyola univerzitaruni diploma ano umala: Politikuni skencia, Hako, Mashkaryemutne ledeipya, Siguripeski polittika, Evropake studie, Ekonomia, Hako thay Diplomacia (ekonomuni, publikuni thay kulturuni) Publikuno phiravipe Fililojikuno Fakulteti thay Filozofikuno fakulteti thay may hari yekh bersh butyaki eksperienca.

Vash may buderi informacie vash harmipe e butyako thay ovipe e aplikipesko dikheni o avutno linki: https://konkursi.rks-gov.net/jobs?servant=1&institution=28298 

Paluno vahti vash aplikipe: 3. oktobari 2024.

Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese:

• Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
• Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net
• Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
• Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa:info@advancing-together.orgthay bipokipesko gendo 0800 200 20.

DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:

Ø  SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki: https://superpuna.rks-gov.net/

Ø  KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/

Ø  Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index

Ø  Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php 

Ø  Dikheni o konkursya vash grantya vash biraipkane organizacie ano avutno linki:https://www.kosovofunding.org/

Ø Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali:http://www.posaonakosovu.com/