INSTITUONALUNO PHIKOIPE VASH DIZUNE:
INFORMIPE: BAYARIPE E PENZIENGO VASH 20% VASH KOSOVAKE DIZUNE!
Ministria vash Financie thay Kosovako Sherunomisnitri informinde e dizunen kay kotar oktobri 2024 ka ovel bayaripe e penziengo vash 20%. Kategorie kola khuvena ano akava azhutipesko paketi vash dizune siton sah odola kola si vastune:
– Bazikuna phuripeska penziako
– Pherdi vay kotoruni penzia sar di pe kontributi
– Penzie vash qhavore thay bare e samatredime shaipyencar
– Penzie vash korole personya
– Penzie vash paraplegikune thay tetraplegikune persone
– Familiarune penzie
– Invalidyune penzie vash e buti
– Anglovahtune penzie vash butikerne kotar e Trepqa
Ayekha vi, kotar yanuari 2025, penzie vash kategorie kay iklona e maripesta, ledindoy kotor familie e pele manushengo, invalidya, veteranya thay viktime e seksualune violencako, ka oven pherune bayarde vash 20%.
Vash informacie kola sila o raipe, o gendo e dizunengo kay si kotor e upre leparde penziengo siton ko sasutnipe 305.016 vastumne.
Vash may buderi informacie vash akava informipe dikheni o avutno linki:
Srb: https://kryeministri.rks-gov.net/sr/blog/304-016-korisnika-od-povecanja-penzija-od-20-odsto/
Alb: https://kryeministri.rks-gov.net/blog/257598/
GRANTYA VASH DIZUNE THAY BIRAIPKANE ORGANIZACIE/BIZNESYA:
INFORMIPE: Puterdo kharipe vash kotorleipe ani Akademia InvigoratEU: „Suskesuno buhlaripe e EU“!
Trans-evropako amalipe vash politikake studei TEPSA kharela e sah interesime ternen kay siton rodlarne, biraipkane organizacien, civilune servantya, think tankerya te aplikinen ano InvigoratEU akademia: „Te keren o buhlaripe e EU suskesuno“ koya ka adikergyol ano Briseli kotar 3. ji pe 6. decembri 2024. Akava programi ka del tumenge savahtuno kanleipe e politikengo vash buhlaripe ani EU thay akanutne geopolitikune mangipya thay ka del tumenge shaipe te penjaren may purane prosefionalcen kola kerna buti ano akala teme. Prekal serie thay kedipya talo phiravipe e profesionistyengo e phiravutne praktikantyencar e EU, ka len janipya thay siklipya kola si mangle vash aktivuno phiravipe thay qalavipe ano anglipe ani EU.
Akademia sitoy organizimi ano rami e proyektesko Horizont Evropa „InvigoratEU: Zorakeripeski politika e buhlaripeski thay pashutne amalipeski vash yaverunei Evropa“, tentindoy te produktinen anglipeske rodlaripya thay politikune rekomandipya vash buhlaripeski politika e EU.
Vash may buderi informacie vash o kharipe thay ovipe e aplikipesko vizitineni o avutno linki: https://tepsa.eu/events/call-for-applications-invigorateu-academy-making-eu-enlargement-a-success-deadline-october-15/?fbclid=IwY2xjawFP5N1leHRuA2FlbQIxMAABHXTld7QqJBIQRB4ej9QZZm9V_j-E-3gRjv0cxt21cfltVfy7ZmXc7YO1uQ_aem_CRS6rI_96iua9YqMMVqNdw
Paluno vahti vash aplikipe:15. oktobri 2024 bersh.
INFORMIPE: Puterdilo kharipe vash deipe e proyekt propozipyengo vash Promovipe e medialune thay infomripeske hramipesko!
Akava kharipe vash deipe e proyekt propzipyengo sito kotor e regionalune proyektesko „SEECheck Netvork – Maripe mamuy dezinformipe thay qhelalo informipe prekal rafin e faktyenge verifikipesko“, kolen e SeeCheck rafin phiravela ano partneriteti e „Faktoje“ kotar Albania thay „Open Data Kosovo“, e phikoipea kotar Evropaki komisia. Proyekti astarela pokipe e harne vahtune grantyengo ano resipe e zorakeripesko e kapacitetengo e organizaciengo e civilune malipesko (OCM) thay medie vash maripe e dezinformipesko ano pere publikune thanipya.
Khargyona o lokalune medie thay OCM te aplikinen vash shema e deipesko e verifikipesko e SEE ano rami e LOT-ko:
LOT 1: Phikoipe e lokalune medialune iniciativenge vash anglipe e kapacitetengo vash verifikipe e faktyengo thay kreidibiluno raportipe. Akala grantya siton dedikime vash lokalune medialune subyektya kola mangena te len kotor ano aktivitetya vash verifikipe e faktyengo vay te produktinen kredibiluno produkti, leindoy kotor vi arakhipe e dezinformipeski vay kreiripe pakyavipeske narativengo bazirimo pe faktya. Proyektya musay te rezultinen produktipeya thay promovipeya ayekha andripesko, zorakerindoy o kapaciteti e zhurnalistikake thay redaktipeske personyengo. Lunge vahtuno dedikimi ano keripe e specializime andripyengo thay evolviripe andrune procedurengo vash siguripe e qaqipesko thay kredibilitetesko e andripesko ka oven ano anglipe ano procesi e selektipesko. Grantya ayekha vi shay te phikoinen produktipe e spcializime interesantune andripesko dedikimo e specifikima publikake.
LOT 2: Phikoipe e lokalune OCM ano laqharipe e kapacitetesko ano maripe mamuy dezinformipe, promovipe e medialune hramipesko thay keripe e mamuyipesko. Akala grantya silen pe resipe te zorakeren lokalune OCM ano regioni RDE te phriaven aktivitetya kola zorakerna olengo janipe kay te marenpe mamuy dezinformipe. Proyektya shay te kotorleinen iniciative e komunitetengo, onlajn kampanye, produktipe thay promovipe e multimedialune andripesko, rodlaripe, avokipe, politikune akcie, treningo thay yaver aktivitetya kola siton phanglo e serienge resipyencar. Anglipe ka dengyol e iniciativenge kola sigurinena savahtuno angazhipe e OCM ano upre leparde umala.
Sah propozalya musay te biqhalgjon ani elektronikuni rig ani email adresa info@zastone.ba e angloanaveya e postako: „[Anav e aplikantesko] – SEE Check Netvork Project Application.“
Vash may buderi informacie vizitineni o avutno linki: https://opendatakosovo.org/job-opportunities/?fbclid=IwY2xjawFU09tleHRuA2FlbQIxMQABHfhFQvBTLKySo19dw9qR0nC_brTqBRS4PG_lMhP-IlePbJ3bA9W36FhvHQ_aem_sfAFgzuD7aX-oXbaDibxlw
Paluno vahti vash aplikipe: 15. oktobri 2024 bersh.
INFORMIPE: Puterdilo kharipe vash deipe e ofertengo vash IPA III Programi e pedral samatredune ledipesko CG – KOS!
Evropaki Unia thay Pedral samatreduno ledeipe prekal programi IPA III puterde kharipe vash lokalune raipya phiravde ano programi kotor, lokalune thay regionalune evolviripeske organizacie/agencie, nacionalune raipya thay institucie kola lenape e turizmeya, jivdipeske thanipeya, kulturake politike, buttyaripeske amalipya, organizacie vash phikoipe e butyaripesko, institucie vash promovipe e korkore butyaripesko, phuvokeripeske kompanie thay zanatya, organizacie e civilune malipesko (OCM), amalipya e puvokerutnenge, evovliripeske organizacie/agencie, edukipeske, skenciake-rodlaripeske institucie thay organizacie thay institucie godorne vash deipe e socialuen servisyengo.
Ano rami akale kharipesko ka oven phikoime proyektya ano molipe kotar 400.000 euro kola silen pe resipe bayaripe e pedralsamatredino butyaripe e terne thay qalavde personyengo, sar vi proyekti ano molipe kotar 600.000 euro kola silen pe resipe vash vazdipe e savahtune turzimesko ano pedral samatreduno regioni. Lugyaripe e proyektesko sito samatradimo ano 26 maseka vash proyektya ni umal e butyaripesko, a vash priyektya ani umal e turizmesko 30 maseka, ji kay o sasutno bujeti akale kharipesko sito 5,4 milionya euro.
Programesko thanipe ano Montenegro astarela o komune: Andrijevic, Bar, Berane, Bijelo Polje, Gusinje, Kolašin, Mojkovac, Petnjica, Plav, Podgorica, Rožaje, Tuzi, Ulcinj i Zeta.
Ani Kosova programesko thanipe astarela: Peć, Istok, Klina, Junik, Deqana thay akova.
IPA III Program pedral samatreduno ledeiope Montenegro – Kosova finansinela Evropska unija.
Vash may buderi informacie vash o kharipe sar vi ovipe e aplikipesko shay te vizitinen o avutno linki: https://cbc-mne-kos.org/1st-call-for-proposals-under-ipa-iii-published/
Paluno vahti vash aplikipe: 25. oktobri 2024 bersh.
SHAIPYA VASH O TERNE:
SHAIPYA E BUTYARIPESKE:
- Miisia e OEBS-ki ani Kosova sila puerdo konkursi vash pozicia e Shefeski/a ano departamenti vash komunitetya (S3). Paluno vahti vash aplikipe 17. oktobri 2024. Linki vah may buderi informacie vash o kharipe: https://vacancies.osce.org/jobs/chief-of-communities-section-s3-3505
- UNMIK ani Kosova sile puterdo konkursi vash pizicia e Asistenteski vash o stafi. Paluno vahti vash aplikipe 23. oktobri 2024. Linki vash may buderi informacie vash o kharipe: https://unjobs.org/vacancies/1727167875699?mc_cid=66f86dbc43&mc_eid=cffbebce28
Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese:
- Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
- Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net
- Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
- Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa:info@advancing-together.orgthay bipokipesko gendo 0800 200 20.
DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:
- SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki:https://superpuna.rks-gov.net/
- KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki:https://kosovogenu.com/
- Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index
- Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php
- Dikheni o konkursya vash grantya vash biraipkane organizacie ano avutno linki:https://www.kosovofunding.org/
- Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali:http://www.posaonakosovu.com/
