• 038 200 14 640
  • zck-kpz-grants@rks-gov.net
  • Obyekti e Raipesko, Prishtina, Kosova, 10000
Caută
Close this search box.

Platforma e Ofisesko vash Komunitetenge Puqipya
OFISI E SHERUNEMINISTRESKO

Raportin
Registringoveni

Buletini  XXXVI

GRANTYA VASH BIRAIPKANE ORGANIZACIE:

INFORMIPE: KCSF dela phikoipe vash avokipe!

Biraipkani organizacia KCSF ano rami e programesko EJA Kosovo e resipeya vash zorakeripe e rola e civilune malipeesko ano kreiripe thay implementipe e politikengo kola silen qalavipe ano komuniteti thay buhlo malipe dela financiaruno phikoipe vash regionaluno/mashkarthemutno prezentipe e biraipkane organizaciengo. 

Vash te ovel o aplikanti vastuno akale phikoipesko, prezentipe musay te therel vash resipe yekh akale thavdyendar: 

  • Prezentipe e butyako e organizaciako ani regionaluni/mashkarthemutni publika; 
  • Prezentipe vay avokipe nesave puqipyengo kotar interesi vash organiazcia vay them ano reigonalune.mashkarthemutne forumya; 
  • Kreiripe e shaipyengo vash rafinipe thay stratejikuno ledeipe e yaver regionalune/mashakrthemutne organizaciencar thay donatorya; 
  • Prezentipe e eksperiencengo thay prakse e butyake e organizaciake vay alosaripe e puqipyengo kotar interesi vash them vay organizacia; 

Aktivitetya kola lena pe dikhipe: prezentipya ano kongresya, konferencie, seminarya, butyarne, simpoziumya, festivalya, stratejikune kedipya, ververutne rafinyake kedipya (sombeshipeske kotorleipya, bordya, komisie), kedipya e avokipeske.

Vash may buderi informacie te dikhen ano avutno linki: https://kcsfoundation.org/sr/open-call/grantet-per-perfaqesim/  vay kontaktineni prekal email adresa ani: kcsfsida@kcsfoundation.org

INFORMIPE:  Fondi vash ratoriguno Balkani kharela OCM te aplikinen vash grantya kotar 15.000€!

Fondi vash ratoriguno Balkani Fond kharela e sah organizacie e civilune malipeske te aplikinen ano neve propozipya vash phikoipe e proyektengo kola ka astaren o sah regioni e Ratorigune Balkanesko.

Akava si eftato berhsuno kharipe vash deipe  e proyekt propozipyengo kole putergya VBF/FZB, thay sufinanzinela e Evropaki Unia, prekal IPA – Instrumenti vash anglokhuipesko instrumenti III. Sar si pe akava kheripe, maksimaluno kobaripe e grantesko sito 15.000 €. Periodi e implementipesko ka lgyargyol kotar aprili jip e oktobri 2025. bersh.

Vash may buderi informacie vash o kharipe thay ovipe e aplikipesko dikheni ano avutno linki: https://westernbalkansfund.org/new-call-for-proposals-is-open/

Paluno vahti vash aplikipe ji pe 19. februari 2025.

INFORMIPE:  UNDP kharela OCM te aplikinen vash grantya ji 60.000€ !

E phikoipe kotar Evropaki Unia (EU), Programi e Yekhune Naciengo vash Evolviripe (UNDP) putergya puterdo kharipe e organizacienge e civilune malipesko (OCD) ani Kosova te den pere proyekt propozipya kola ka phikoinen ano keripe e savahtune tehnipesko ano regioni, mekhindoy zorale malipya thay zorali malipeski kohezia.

Kharipe sito puterdo vash OCM registrime ani Kosova kola Lenape e promovipeya e tranziciako vash hakaipe thay socialuno dialogi, sar vi garavipe e manushenge hakayengo. Akava astarela kotorleipe e viktimengo, biraipkane akademikune, rodlaripeske thay edukipeske institucie, OCM kola Lenape kutlurake evolviripeya, biraipkane muzeya thay yaver biraipkane institucie vash memorizipe, sar vi biraipkane sporteske amalipya thay klubya.

Kobaripe vash proyekti shay te ovel kotar 5.000 ji ko 60.000 €.

Vash may buderi informacie vash o kharipe sar vi ovipe e aplikipesko shay te dikhen ano avutno linki: https://www.undp.org/kosovo/news/public-call-csos-confidence-building-western-balkans

Paluno vahti vash aplikipe ji pe: 28. februari 2025.

SHAIPE VASH O TERNE:

INFORMIPE:  Mashkarthemutni organizazica vash migripe (IOM) dela bipokipeske kursya vash albanyuni thay srbyuni qhib!

IOM organizinela kursya vash srbyuni thay albanyuni qhib vash sah terne ji pe 24 bersh kola avena kotar akala komune:

  • Shtrpca,
  • Zubin Potok,
  • Obiliq.

Akala kursya siton kotor e proyektesko YESS (Youth Empowered through Inclusive School and Societies).

Proyekti si financimo kotar Fondi vash keripe e tehnipesko ano partneriteti e UNICEF Kosovo Programme thay IOM Kosovo.

Aplikipya kergyona ano avutno linki: https://forms.gle/SWEzffwSN92uEVfZA

INFORMIPE:  Ministria vash Garavipe rodela neve kadetya kola ka studirinen avri e Kosovatar!

Ministria vash Edukipe kharela sah interesime terne manusha, kolenge bersha si 18-20 te aplikinen vash kadetya kola ka theren shaipe te edukingyon thay gatisargyon e janipyencar ano akala thema:

  • ani Turkiya ani phuvyaki askeriaki akademia, ani askeriaki medicinaki akademia,
  • ani Vrdloriguni Makedonia ani phuvyaki askeriaki akademia.

O interesime shay te aplikinen prekal avutno linki:  https://rekrutimi.fsk-rks.org/Apply

Paluno vahti vash aplikipe: 21. februari 2025.

INFORMIPE:  Kharipe vash kotorleipe ani duydivuni butyarni vash terne studentya kotar e Kosova thay Srbia!

Biraipkani organizacia Nevi Amalipeski Iniciativa thay Instituti vash Socialuni Politika “Musin Kokolari” kharela sah terne studenten kotar e Kosova thay Srbia kola siton interesime ano normalizipe e dialogesko te aplikinen ani duy divuni butyarni koya ka adikergyol ano masek marti.

Vash te aplikinen musay te oven kotar 18 – 30 bersha thay te biqhalen tumaro CV thay motivipesko lil ani avutni email adresa: info@musineinstitute.org.

Sama: sah harjipya ka oven uqharde kotar organizatoreski rig akale programesko, butyarni ka ovel pe anglikani qhib. Qaquni data e butyarnake organizaipeski ka ovel decisimi ko mashkar vahti.

Vash may buderi informacie dikheni ano avutno linki: https://www.facebook.com/musineinstitute/posts/pfbid02X1SkSxkCcRfqy4vPeksGD1Mtx7cTbz1xL2NKoh7vxriBDLiMU9hL6FBsMNvFjwktl

Paluno vahti vash aplikipe: 28. februari 2025.

SHAIPE E BUTYARIPESKO:

KONKURSI VASH BUTYARIPE ANO PUBLIKUNE INSTITUCIE:

  • Komuna Upruni Mitrovica rodela inspektore vash garavipe e jivdipeske malipesko kova ka kerel buti ano departamenmti vash publikune servisya, infrastruktura, inspekcia thay urgentune situaie e lekanipeya vash savaht. Paluno vahti vash aplikipe: 7. marti 2025. May buderi informacie ano avutno linki: https://konkursi.rks-gov.net/advertisement/details?refNumber=RN00016634

Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese:

  • Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
  • Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net
  • Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
  • Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20.

DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA:

Share:

Latest posts

Ofisi vash Komunitetenge Puqipya – Ofisi e Sheruneministresko

Facebook-f Twitter Instagram Youtube

Kontaktineni amen

  • 038 200 14 640
  • zck-kpz-grants@rks-gov.net
  • Obyekti e Raipesko, Bulevardi Nene Tereza, Prishtina, Kosova, 10000

Linkya