INSTITUCIONALUNO PHIKOIPE VASH NABUDERUNE KOMUNITETYA:
INFORMIPE: RURALUNO ZORAKERIPESKO FONDI KOTAR GIZ THAY MINISTRIA VASH KOMUNITETYA THAY IRANIPE!
Kosovako Ruraluno Zorakeripesko Fondi vash nabuderune komunitetyenge sito vazdipe e ekonomikune aktivitetengo ani may teluni skala sar si pe potenciali dendo ano ruralune zone, e resipeya vash kreiripe vay garavipe e egzistime butyake thanengo, may buderi vash o jene e nabuderune komunitetengo. Aktivitetya kola kreirisale silen pe resipe te den potencialya ano evolviripe e telune rameya e vijaipyengo vash te oven ekonomikune aktivune vash generipe e vijaipyengo thay kontriobuipe e migripesko kotar ruralune zone, ulavipeya e ternengo.
Akava fondi vash evolviripe e agrokulturako thay ruralune kompanie sito implementipe nao partneriteti e Minsitria vash Komunitetya thay iranipe thay Deutsche Gesellschaft für Internationale Zusammenarbeit (GIZ) GmbH, e kofinancipeya ktoar Federaluni Ministria vash Ekonomikuno Ledeipe thay Evolviripe (BMZ).
Specifikune obyektive e granteska skemako sito te vazdel o ekonomikune aktivitetya ano ruralune zone thay phikoinel nabuderune tikne skalake fermerya kerindoy grandya vash ayekha aktivitetya:
- Procesipe e agrokulturake produktyengo ani ferma thay avri fermatar, sar ini privatune familia thay obyektya e habaske keripesko
- Kolektipe thay procesipe e na habaske besheske produktyengo (NWFP) thay Medicinake & Aromatikune Luludya (MAP), keputle thay laqharipeske luludya
- Avginesko produktipe
- Kultivipe e jivutrengo vash produktipe e yarengo thay masesko.
Targetimi grupa siton jene e nabuderune komunitetengo ano sah Kosovake regionya. Granti sito targetimo vash tikne fermerya, jene e fermenge kheripesko, individya, mikro thay tikne kompanie vash te realizinen olengo mangfipe te generinen vijaipya prekal o ververutne ekonomikune aktivitetya:
- Individya (naturalune personya) kola phiravena vay startinena o biznisya ano ruralune thana
- Mikro thay tikne kompanie
- Start-up biznisya
- Fermerya
- Mikro thay tikne kompanie musay te oven registrime ani Agencia vash Biznesengo Registripe ani Kosova (ARBK) vash biznisenge aktivitetya ani umal e aplikipe proyektengo sar si pe lista e olenge aktivitetengo.
- Fermerya, olenge familiake jene, individya musay te oven registrime ano ruralune umala.
- Mikro thay tikne kompanie siton shayutne leutne phanglo kote siton registrime ano urbanyune vay ruraluen thanipya ji kay o planirime proyektya musay te implementingyon ano ruralune thana.
Vash sah informacie phanglo akava kharipe tumen shay te kontaktinen ani akaya email adresa: ntereze@yahoo.com vay telefonesko gendo: 038 542 864, vay te kontrolinen akava linki: https://ruralempowerment.grantplatform.com/
Paluno vahti vash aplikipe: 1. Novembri 2025.
Hramipe: Vash te aplikinen, may angle musay te registringyoven ano linki dendo may upre ani tumari adresa e emaileski. Palo leipe e kodesko ani tumari email adresa tumenge pherena tumare personalune informacie thay lena akcesi ani tumari aplikacia.
INFORMIPE: BURSE VASH STUDENTYA E ROMANE, ASHKALYUNE THAY EGIPQANYUNE KOMUNITETENGO!
E Ministria vash Edukipe, Skencia, Tehnologia thay Inovacie (MESTI) publikingya o kharipe vash financialuno phikopipe vash studentya e romane, ashkalyune thay egipqanyune komunitetengo kola siton hramime vash angluni ver ano akademikuno bersh 2025–2026 ano anbgluno bersh e bachelor studiengo ano yekh e Publikune Universitetendar ani Kosovaki Republika.
Sakova alosardo studenti ka lel financiaruno azhutipe kotar o molipe 1,000 euro.
Mangle Kriterya thay Prioritetya:
- Aplikantya musay te oven dizune e Kosovaka Republikako.
- Musya te oven kotar romane, ashkalyune thay egipqanyune komunitetya.
- Musay tre oven registrime vash angluni ver (ano angluno bersh) ano bachelor studie ano publikuno universiteti ani Kosova.
- Te bayaren o reprexentipe e juvlengo ano uqo edukipe, juvlane kanidate ka le anglipe ano akcesi vash yekhuno kvalifikipe.
- Aplikantya e samatredunme shaipyencar ka oven prioritarune.
- Musay te theren aktivune personaluno bankako konto ano yekh e operativune bankengo ani Kosovaki Republika.
Mangle Dokumentya:
- Mothavipe vash registripe ano universiteti (studentesko statusi vay registripeski forma).
- Korkoro deklaripeski forma vash etnikuno avipe.
- Kopia e ID kartako.
- Bankako konfimripe ano aktivuno personlauno konto.
- Te sine kay si ap[likimo, ofisialuno dokumenti dendo kotar kompetentune autoritetya kola konfimrinena o samatredipesko statusi (sar specifikingyola ano kriteri 5).
Aplikipesko Procesi:
- Aplikacia musay te biqhalgyol prekal e e-Kosova platforma (https://ekosova.rks-gov.net/Security)
- Nakompletimo aplikipe naka konsideringyol kotar evovliripesko komiteti.
- E lista e selektime studentyengi ka ovel publikime ani ofisialuni qham e MESTI.
Paluno vahti vash aplikipe: 18. Oktobri 2025 ji pe 16:00pm.
Vash may buderi informacie vash akava kharipe dikheni o avutno linki: https://masht.rks-gov.net/konkurs-per-mbeshtetje-financiare-per-studentet-e-komuniteteve-rom-ashkali-dhe-egjiptian-2/?fbclid=IwY2xjawNQkA1leHRuA2FlbQIxMABicmlkETFpaVU4cXlHWVp0aWtObDJnAR7R4IUhhCYgVuwpMrhUzmylnyKz7c_aoFE08GmwQ9d0xoJlSMtifxeeOU724A_aem_-C7S0XDQ2zZDd5yObkgYCw
Hramipe: Aplikantyu akola na siton selektime shay te den rovlarin andar (7) dive palo publikipe e rezultatyengo. Rovlarin musay te biqhalgyol ani MESTI arhiva, angluno kati, Ofisi Gn. 4, thay ka dikhalrgyola kotar Ministriako Rovlaripesko thay Jevapipesko Komiteti.
PANDAR YEKH KHARIPE KOTAR MESTI VASH DOKTORAKE STUDENTYA!
E Ministria vash Edukipe, Skencia, Tehnologia thay Inovacie (MESTI) informinla vash sah studentya kotar e Kosova, kola phiravena doktoraturake studie ano 500 universitetya ani lumia sar sip e “Shanghai” lista vash akademikuno bersh 2025/2026, vash o kharipe vash financiaruno phikoipe ano berhsuno ovipe kotar 8,500.00 euro kay puterdilo.
Akava kharipe sito puterdo kotar Septembri 17. Oktobri 2025 16:00pm.
Aplikipe musay te biqhalgjol ano yekh phando zarfi e hramipeya “Aplikipe vash financiaruno phikoipe vash doktorake studie” ani adresa Drom. “Agim Ramadani”, at MESTI – arhiva gn. 4.
Decisia vash vijayutne ka ovel publikipe ani ofisialuni qhan e MESTI.
O mangle dokumentya thay aplikipeske kondicie shay te arakhlon ano linki: https://masht.rks-gov.net/en/call-for-financial-support-for-doctoral-degree-2025-2026/?fbclid=IwY2xjawNQk1ZleHRuA2FlbQIxMABicmlkETFpaVU4cXlHWVp0aWtObDJnAR492jtV831vuZ5lUAp9f3VdbwazKOFRMD_GeFrbwwIJS4Wuc3l5FiULNHG9PQ_aem_l32i0tQAFfhBymKp7kZnJQ
INFORMIPE: KHARIPE VASH APLIKIPE 2025/2026: WESTERN BALKANS ARAKHELA JAPANI – PURT ANO AVIPE!
Ministria e Avrune Butyengi e yapaneski (MOFA) thay Regionaluno Ternengo Ledeipesko Ofisi (RYCO) siton qalarde kay vash shofto konsekutivuno bersh te ledeinen vash te anen programi but ajukerdo e ternengo “Ratoriguno Balkani arakhela Japani: Purt ano Avipe”. Adikergyola kotar 13-19 Februari 2026, akava programi shukar ajukerla 13 universitarune vay palo universitarune studentya e bershengo 20 vay may phure, kola avena kotar Albania, Bosna thay Hercegovina, Kosova, Montenegro, Upruni Makedonia thay Serbia te aplikinen vash o baro shaipe e personalune thay profesionalune bayripesko.
Ratoriguno Balkani arakhela Japani: Purt ano Avipe sito ternengo yaveripesko programi, organizimo kotar MIRAI Program sar kotar 2018, e resipeya te khuvel andre ano kotorleutnengo kanleipe e Japanesko thay olengi politika, promovinen mashkarune kanleipe thay lekanipe prekal intelektualuno thay kutlurako yaveripe, thay te keren baza vash avutno amalipe thay ledeipe mashkar Yapani thay Ratoriguno Balkani.
Ano nakhle bershesko yaveripesko programi, kotar 3–10 Decembri, 13 terne manusha kotar Ratoriguno balkani lele kotor ano MIRAI Programi ano Japani, kola alosardile prekal o kompetetivuno procesi mashkar pashe 400 aplikantya. Prekal o vizite ano sherune institucie sar si JICA HQ, Sophia Universiteti, thay Tromalipesko Memorialuno Parki ani Hiroshima, kotorleutne dikhle o Yapanesko akcesi ano tehnipesko keripe, lekanipe, thay globaluno ledeipe. Programi phiravgya akademikune diskutipya, kulturako yaveripe, thay emocionaluno refelektipe, deindoy e transformativuni eksperienca kay pherela e aplikantyengo kanlipe e inter kulturake dialogesko thay konfliktengo alosaripe. Akava yekh ver ano jivdipe phiripe kreirimo vay adikeripe e phanglipyengo thay zorakeripe e kotorleutnengo te oven aktivune promoterya vash tromalipe ano olenge komunitetya.
Ayekha, te sine kay tumen sien intigrime kotar Yapanyengi kultura, mangena te khuven ani yekh eksperienca e kulturaki 7 divuni kay mekhela te khuven may hor andar akava but shukar shaipe vash tuke!
May buderi detalya vash akava kharipe dikheni ano akava linki: https://www.rycowb.org/call-for-applications-2025-2026-western-balkans-meet-japan-a-bridge-into-the-future/?fbclid=IwY2xjawNHamdleHRuA2FlbQIxMABicmlkETFTQ3BLRXptY3RGcGhaN2FoAR5Sl-qYZzSZ0ZXm-tprfWwUY1r1oi17CFZYzPeTTW2AkDmHBM7x4aWFHX3ZYA_aem_iVFK6iBcNwQaLcTWiZuiNg
Vash may buderui informacie shunen tumen tromale te kontaktinen: flutura.brakaj@rycowb.org
Paluno vahti vash aplikipe: 15. Oktobri 2025
INFORMIPE: GREEN NILAYESKI SHKOLA, OKTOBRI 2025 – ECOFIX
Zorakeripe e Ternengo vash Cirkularuno Avipe ano Ratoriguno Balkani
But shukar shaipe vash pasionime studentya vash savahtunipe, tehnologia, vay biznesi kola mangena te adikeren eksperienca ano phiraipe e sigutne bayaripeske thanipeske yaveripesko – elektronikuno aqhipe (e-aqhipe) ji kay keripeske janipya vash avutne green butya – akava shay te ovel shaipe vash tuke!
GIZ-implementimo proyekti vash Cirkularuno Urbanyuno Evolviripe, ano tang ledeipe e SENECA Green thay SEDE lela aplikipya vash Green Summer School 2025: EcoFix, 5-divuno regionaluno treningengo programi kova anela khetane 25 studentya kotar shov Ratorigune Balkaneske thema.
Treningo ka organizingyol pe 27-31 Oktobri 2025 ano Prizren, ano Inovaciako treningengo Parki.
Shayutne studnetya vash akava siton odola kay si ano 2 thay 2 bersh e studiengo ano komputerenge skencie, ekonomia, vay thanipeske studie (vay ayekah phangle umala).
Vash may buderi informacie shunen tumen tromale te kontaktinen: jeta.dalladaku@giz.de, vay kontorlineni o detalya kotar akava kharipe ano avutno linki: https://www.giz.de/de/open-call-green-summer-school-october-2025-ecofix?fbclid=IwY2xjawNQlEBleHRuA2FlbQIxMABicmlkETFpaVU4cXlHWVp0aWtObDJnAR72Hf7WaNT_DniyRZJYfcL4hWEOenPNWlHFB_BEeeOfmKDFqNJF41-Ek-Q2Ng_aem_D7FuMtd_t1LhQ3SnwVNdsw
Paluno vahti vash aplikipe: 10. Oktobri 2025.
| Aktivuno kotorleipe e dizunengo prekal o rovlarinya thay mothavipya e problemyengo kola ovena sar ano komunako ayekha vi ano centraluno niveli laqharela e buti e instituciengi thay olenge butyarnengi a odoleya vi laqharipe olenga butyako thay may shukar jivdipe e sah dizunengo. Garaveni tumare hakaya prekal avutne adrese: |
- Sasavo ovipe e diskriminipesko sito aqhavdo, vastineni tumaro hako te mothaven o diskriminipe publikune vay anonimune ano avutno linki: http://www.raportodiskriminimin.org
- Te sine kay tumare qhibyake hakaya ushkavdile kotar nesavi institucia, mothaveni vash olenge prekal email adresa: info-zkgj-kpj@rks-gov.net
- Te sine kay o policya ushkavde tumare hakya, mothaveni ano Policiako Inspektorati kharindoy o bipokipesko gendo 08000333 vay ani qham vash rovlarin: //ipk.rks-gov.net/Reporting/Reporting
- Te sine kay situmen problem thay manglape tumenge profesionaluno azhutipe e avokatendar, shay te len bipokipesko hakaipesko azhutipe ani tumaro komuna, vash may buderi informacie thay konsultipya kontaktineni bipokipesko gendo 0800 11 777, vay vizitineni veb qham https://anjf.rks-gov.net/page.aspx?id=3,1 https://anjf.rks-gov.net/page.aspx?id=3,1vay te kontaktinen e BRO Advancing Together prekal email adresa: info@advancing-together.org thay bipokipesko gendo 0800 200 20.
| DIKHENI AVUTNE LINKYA KOLA DENA BUTYARIPE ANO INSTITUCIE THAY YAVER SHAIPYA: |
- SUPERPUNA: subvencionime butya vash terne kotar 18-25 bersha, may buderi informipya thay registripe ano avutno linki:https://superpuna.rks-gov.net/
- KOSOVOGENU: trin masekuni praktikuni buti vash terne kotar 16-24 bersha, may buderi informipya thay registripe ano avutno linki: https://kosovogenu.com/
- Dikheni o konkursya ano institucie ani sah Kosova ano avutno linki:https://aprk.rks-gov.net/Job/Index
- Oveni kotor e pozituvune yaveripyengo prekal kotorleipe ano publikune konsultipya, sah informacie shay te arakhen ano avutno linki:https://konsultimet.rks-gov.net/index.php
- Dikheni o konkursya vash grantya vash biraipkane organizacie ano avutno linki:https://www.kosovofunding.org/
- Vash may buderi informacie thay shaipya e butyaripeske vash komunitetya kola vakerna srbyuni qhib dikheni o konkursya ano avutno portali :http://www.posaonakosovu.com/
