ROMANO KOMUNITETI
VASH O KOMUNITETI
May baro romano komuniteti sito koncentrimo ano Prizren, ji kay konsiderime komunitetya e romenge arakhlona ani Graqanica, Peya thay yuguni Mitrovica. May tikne komunitetya romane arakhlona ano yaver kotor e Kosovako.
Romano komuniteti pakyavgyola te ovel avutno e emigrantyengo kotar Centraluni India. Numay yekh tikno gendo e romengo gndinena kay reste ani Teluni Evropa anglo 14-to shelibersh, may baro kotor e romenge migripesko ano akava regioni ulo ano shelibersha 14 thay 15 pali Khangeri.
Romano komuniteti ulavla kulturune thay socio-ekonomikune yekhipya e egipqanyune thay ashkalyune komunitetencar ani Kosova. Pashe akaleske, Kosova prekal o institucie thay olaki legislacia penjarla akale komunitete sar ulavde komunitetya thay treterinlolen sar ayekha. Romano komuniteti shay te arakhlol ano sah regioni thay yaver kotor e Evropako, sar ini may tikno gendo e yaver regionyengo ani lumia. Romano komuniteti nominalune sito muslimanya Suni, thanutno thay urbanyuno.
Mashkarthemutno Romengo Dive, 8 aprili, penjargyola sar ofisialuno Dive e pelaripesko pe godi ani Kosova.
Buderi e romendar vakerna e romani qhib sar olengi dayaki qhib. Romani qhib sitoy kotar e familia e indo-evropyune qhibyengo thay phanglola e vakerde qhibyencar ani upruni India. Publikuno edukipesko sistemi ani Kosova na dela edukipe pe romani qhib. Phanglo e thaneya kote jivdinena, roma vakerna vay srbyune/vay albanyune sar duyto qhib. Ini soske, ani Graqanica oy sitoy ofisialuni qhib.
Romano komuniteti sile yekh (1) than garantimo ano Kosovako Sombeshipe, thay yekh (1) than dengyola e romane komuniteteske, ashkalyune thay egipqanyune e may uqe sasutne votencar. Komuniteti ayekha vi anavinla duy (2) jene ano KKK.
Jene e KKK (Konsultativuno Konsili vash Komunitetya)
Dive e Romane Komunitetesko ani Kosova
8 Prill
