Comunitatea Gorani

Goranyuno komuniteti sito yekh grupa e slavo vakerutnenge, may buderi islamyune, kova jangyola sar ulavdi etnikuni grupa. Goranyuno komuniteti sile e origina kotar regioni e Gorako, kova uqharela regioni e Gorako, kova uqharela e yuguni Kosova thay samatredingyola e kotorea kotar e Makedonia thay Albania. Goranyuno komuniteti festinela o shrdipe e anglonilayesko kay jangyola sar Ðurdevdan (Dive e Herdelezesko), koya e kriseya jangyola sar ofisialuno dive e goranyune komunitetesko (6 mayi).

Popularuni muziake goranyengi astarela valya e duy khuvipyencar khardi „kolo” (iranipe), koya si yekh iranipeski vala fokusimi ano prenge phiripya. Buti ver anavingyola e instrumentalune muzika kerde yekh zurna vay kavani khardo „nebet” vay”nibet”  phanglo e gaveya.

Komuniteyi sito koncentrimo may but ani komuna e Dragasheski, kote jivdinela ani diz Dragash/Dragaš thay pashutne gava.

Tikne goranyune komunitetya arakhlona ulavde ani Kosova, may but ano Prizren, Upruni Mitrovica, Prishtina thay Peya.

Aktualune buderi e goranyuna populaciako thaningyola avri e Goratar, ano yaver Kosovake zone, Makedonia thay Albania, sar ini ani Serbia thay Ratorirguni Evropa thay Yekhune Amerikake Thema.

Goranyuni qhib sito phangli tang e vakerda qhibya ano upruno kotor e Makedoniako thay, pashe  kay si yaveruni kotar yaver dialektya slavyune kay vakergyola ani Kosova, oy shay te kanleingyon kotar o srbyune vakerutne, kroatyune thay boshnyakune. Qhib na si standardizimi thay na sila niyekh hramipesko skenciako ovipe vash goranyuni qhib.

Goranyuno komuniteti sile yekh (1) beshlin garantimo ano Kosovako Sombeshipe thay anavinla duy (2) jene ano KKK.