Comunitatea Muntenegreană

Montenegruno komuniteti sito yekh slavyuni etnikuni grupa, kay avela kotar o slavyune fisya kay migrinde ano Ratoriguni Evropa ano shovto thay eftato shelibersh palo Khangeri. Komuniteti sito kulturalune phanglo tang e srbyune komuniteteya; on siton ortodoksya thay ulavena but yekhune lokacie e kulturake barvalipesko. Komuniteti penjardilo ofisialune kotar Kosovako Raipe ano bersh 2011 prekal yaveripe e Krisesko vash Garavipe thay promovipe e komunitetenge hakayengo thay olenge jenengo ani Kosovaki Republika.

Montenegruno komuniteti vakerla montenegruni qhib, phangli tang e serbyuna qhibya thay yaver slavyune qhibya kay vakergyona ani Kosova. Vash sebepi e tikne gendosko e komunitetesko, montenegruni qhib na resti ofisialuno statusi ani niyekh komuna e Kosovaki numay ni na dengyola edukipe prekal kosovako edukipesko sistemi  ani montenegruni qhib. Sar sebepi akalesko, montenegruno komuniteti arakhlola e buderi sfidencar ano komunikipe e publikune instituciencar sar o srbyuno komuniteti.

Montenegruno komuniteti na sile niyekh beshlin decisimi ano Kosovako Sombeshipe, numay silen hako te propozinen duy (2) jene ano KKK.