Comunitatea Turcească

Ani Kosova egzistingya yekh vasno vasno turkyuno komuniteti sar kotar decisipe e osmanlienge phiravipesko ani Kosova ano deshushtrarto shelibersh. Ano sasutnipe, sar albanyuno komuniteti, on praktikinena o islami Sunit, may bari kranga e Islamesko. Ayekha kharde tarikatya, phrala Sufi – yekh religiaki kranga kay sila avipe may angle kotar Sunitengo Islami – siton aktivune ani kosova thay promovinena zorale ledeipya olenge homologenca ani Turkia. Ano may baro kotor, akava komuniteti sine stabiluno, integrimo ano kosovako malipe thay aktivuno ano sah aspektya e kulturake, socialune thay politikake jivdipesko. Osmanliengo kontributi vash kulturuno diversiteti thay religiako ani Kosova siton vasno thay angalisale sar kotar turkyuno komuniteti ayekha vi kotar o yaver komunitetya ani Kosova. Aqhola yekh konsiderimo gendo e obyektengo e osmanlienge barvalipesko ani Kosova, may buderi jamie thay hamamya.

Egzistinla yekha komuna, mamusha, kote o turkyuno komuniteti sito buderune gendoa. Numay, may baro gendo e turkyengo jivdinela ani Prizrenoski komuna. Prishtinaki komuna sila vi yekh konsiderimo gendo e turkyuna populaciako. May tikne turkyune komunitetya arakhlona ano yaver kotor e Kosovako.

Dive e Themutne Sovranitetesko e Turkiako, 23 aprili, penjargyola ani Kosova sar Turkyengo Dive thay sar Ofisialuno Dive vash Pelaripe pe godi.

Turkya ani Kosova vakerna yekh lokaluno dialekti e turkyuna qhivbyako thay vastinena e standardyuni turkyuni qhib ano ofisialuno komunikipe. Ani Yugoslaviako Konstitucia e bershesko 1974, turkyuni qhib anavisali yekh kotar ofisialune qhibya ani Kosova. Pashe akaleske, ano angluno bersh e UNMIK administraciako ani Kosova akava ofisialuno statusi na penjardilo. Adive, turkyuni qhib penjargyola sar ofisialuni qhib ano komune Prizren thay Mamusha  thay sila o statusi e qhibyako ano ofisialuno vastipe ano komune Gilana, Prishtina, Vuqitrna thay Mitrovica.

Turkyuno komuniteti sile (2) beshlinya garantime ano Kosovako Sombeshipe thay anavinla trin (3) jene ano KKKK.