Zorakeripe e haricune komunitetengo, angalipe e diversitetesko, kreiripe e yaveripesko
VASH AMENGE
Uniteti ano Diversiteti
Amari misia sitoy te mobilizina thay organizina e dizunen prekal yekh shukar stratejikuno planifikipe vash alosaripe e problemyengo kolencar arakhlola amaro komuniteti. Manga te alosara akala problemya online, prekal proteste, kreativune akcie, raportipe thay propozipe e alosaripyengo krisyune relevantune sevalutne kay siton godorne vash alosaripe e problemyengo.
Adive, komuniteten kay kedingyam kerena buti vash olenge hakaya thay olengo socialuno shukaripe, amen kera buti vash edukipe, sastipe, manushikane hakaya thay demokrativune molipya. Amen azhutina olen kay silen problemya ayekha kay olenge problemya te alosargyon ani adekvatuni rig, amen reagina sigate kana si urgentuno puqipe vash komunitetya, kay rodena o reagipe e instituciengo.
Ofisi vash Komunitetenge Puqipya
Ofisi vash Komunitetenge Puqipya
Ofisi vash Komunitetenge Puqipya kontribuinla ano koordinipe e tentipyengo e Raipesko vash phiravipe e themutne ramesko vash o komunitetenge hakaya thay sigurinla kay o raipeske politike thay mangle butya vash te pheren o mangipya thay interesya e komunitetenge.
Institucionaluno Rami
Legislativuno rami vash garavipe e komunitetenge hakayengo ani Kosova phikoingyona kotar yekh rafin e instituciengi ano nivelya e centralune thay lokalune raipesko. Khetane, on siton godorne vash evolviripe, phiravipe thay dikhlaripe e komunitetenge hakayengo ani Kosovaki Republika.
Butyaki umal e Ofiseski
Ofisi vash Komunitetyenge Puqipya formirisali ano bersh 2008 thay kerela buti ano rami e Sheruneministreske Ofisesko. Mandati e OKP-ko astarela informipe e Sheruneministresko vash vasne puqipya vash komunitetya, informipe e Sheruneministresko vash puqipya kay rodena olesko personaluno intervenipe, kontributi ani khetani buti e raipeske organyengo, agencia thay biumlavde institucie ano ministriengo thay komunaluno niveli, kontributi ano khetano rendipe e butyako e donatorengo thay mashkarthemutne organizaciengo vash te sigurinen kay komunitetenge puqipya te adresingyon ani efektivuni rig ani sah Kosova.
Ov elimininela duyverutnipe e tentipyengo thay sigurinela efektivuno vastipe thay yekhuno e vastushyengo ani dispozicia.
Ov kontribuinela, analizinela thay dela godinipya phanglo e raipeske politikencar kay astarena o komunitetenge hakaya thay interesya. Sar si pe mangipe, ov rekomandinela yaveripya vay azhutinela ano pashipe e krisyengo vash komunitetya thay politike vash komunitetenge puqipya te sine kay on na adresingyona sar manglape.
IDEA E PLATFORMAKO
VASH E PLATFORMA
Amen lansirina akaya platforma vash te phera o mangipya e sah komunitetengo ani Kosova, molipya thay pakyavipya e manushengo. Prekal olate, ka tentina te alosara o problemya kay iklona kotar o sah jivdipeske umala, thay so khetaninela amen sito khetano pakyavipe ano hakayipe, solidariteti thay yekhipe vash sah dizune, biumlavdo kotar kova komuniteti on avena. Lansirina akaya platforma prekal koya manga te alosara nesave puqipya ani umal e hakaipeski, manushikane hakaya, ekonomikuno yekhipe thay demokracia.
Aktivitetya
Kampanya
BRO kay sine fokusi ano avokipe e haricune komunitetenge hakayengo buti ver realizinena ayekha avokipe thay godinipeske vazdipeske kampanye vash te mothaven o problemya kolencar arakhlona o haricune komunitetya. Akala kampanye silen pe resipe o vazdipe e publikune godinipeske vazdipesko, edukipe e politikake kerutnengo thay promovipe e pozitivune yaveripesko. On shay te astaren ayekha aktivitetya sar organizipe e seminarengo thay kampanye prekal socialune medie vash te ciden e sama ano diskriminipe, nayekhipe thay ushkavipya e manushikane hakayengo kay qalavena e haricune komuniteten.
Zorakeripe
BRO fokusingyona ano zorakeripe e haricune komunitetengo deindoy olenge pashipe, janipe thay resursya vash laqharipe olenge jivdipesko. Akava shay te astarel o deipe e profesionalune treningengo, edukativune programya, evolviripe e lidershipesko, thay seminarya vash financiaruno edukipe. Prekal vazdipe e haricune komunitetengo, akala BRO azhutinena e e komunitetenge jenen kay te oven may biumlavde thay gatisarde vash arakhipe e sfidengo.
Ledeipe
Formiripe e alencengo kotar raipeske organya, yaver BRO thay organizacie e privatune sektoresko vash bayripe e qalavipesko olenge iniciativengo. On astargyona ano kreiripe e lobiripesko, ledeipe e kriseske kerutnengo, thay kontribuinena ano diskutipe e politikengo ano ververutne nivelya e raipeske. Akala organizacie kerena buti vash te kreirinen qalavipe ani legislacia thay politika kay adresinena o diskriminipe, sigurinena yekhuno akcesi ano servisya, thay promovinena kotorleipe thay diversiteti.
