Ofisi vash Komunitetenge Puqipya phikoingya e Ashkalyune komunitete vi ko akava bersh ano hramipe e Nacionalune divesko e ashkalyune komunitetesko. Manifestipe adikerdilo pe 15 februari ano Hotel Venus kote lele kotor buderi desar 400 musafirya vash hramipe e 21 bersh akale nacionalune divesko.
Akalea ovipeya lele bahtakeripe kotar Kosovako Sherunoministri, Albin Kurti, kova dengya poro phikoipe akale komuniteteske prekal video mesazhi kova mothavdilo pe starti akale manifestipesko, palo odova vakerde o talo sherunominsitri Besnik Bislimi, sheruno e Kosovake Sombeshipesko, Glauk Konjifca, talo sheruniministra, Emilija Rexhepi, sheruno e partiako “Ashkaliengi Partia vash Integripe”, Etem Arifi, deputeti e komunitetesko ano Sombeshipe, Bekim Arifi thay godideutno e Sheruneministresko, Artan Asllani. Ano akava manifestipe lele kotor ververutne politikune reprezentya e lokalune thay centralune instituciengo, sar vi e lokalune thay mashkarthemutne organizaciengo.
Mesazhi kay biqhaldilo ano akava ovipe sito kay o Ashkaliengo komuniteti ani Kosova phikoingya ano evolviripe e Kosovako, yekh e misalendar sito vi rekomandipe e terna qhako kotar akava komuniteti vash Sheruneminsitri, koya phikoingya kay pedral 90.000 juvla akana silen bankake kontya e minimalune bankake harjipyencar vash shukar adikeripe e kontosko. Ayekha vi, kay o raipe sito gatisardo kay ano ververutne ovipya te iklol pe dikhipe e dizunenge vash te kreirinen yekhuno malipe.
Pe nakhipe si fotografie e manifestipeske:
