Ofisi vash Komunitetenge Puqipya vi ko akava bersh phikoingya e romane komunitete thay khetane e romane reprezentyencar festinde o Nacionaluno dive e Romengo. Manifestipe adikerdilo ano Hotel nafron, 4 aprileya 2024 bersheste kote lele kotor 400 kharde, mashkar kolende sine vi Ministri vash Komunitetya thay Iranipe, Nenad Rasić, sar vi reprezentya e lokalune thay mashakrthemutne organizaciengo.
Ano poro vakeripe, deputeti Erxhan Galushi mothavgya vash o sah shaipya kay o raipe putergya vash o romano komuniteti, sar vi sah rezultatya kolen resla kotar shrdipe pere mandatesko. Pashe oleske, vakeripe adikergya vi o rektori e Universitetesko ano Prizren, Mentor Alishani, sar ini reprezentya e Amerikaka ambasadako thay reprezentya e Turkyune konzulatesko ano Prizren, kola dende phikoipe e romane komuniteteske.
Ano manfiestipe prezentisalo ini muzikuno talenti e Romengo ano ledeipe e organziacia Konkordia kotar o Prizren.
Pe nakhipe siton fotografie e manifestipeske:
