Britaniaki ambasada ani Prishtina, ani Kosova, sitoy kotor e lumiaka rafinyako, koya prezentinla britaniake politikune, ekonomikune thay konzularune interesya ano avrialipe thay akana rodela te butyarel e sevalutne vash phiravipe e politikako e pherde butyake vahteya vash puqipe e kosovake Srbyengo.
Ano pasho koordinipe e uqe stafeya e ambasadako, phiraveni thay deni pherde politikune raportya thay proyektya kola dena phiko vash Yekhyuno Thagaripe ani Kosova sar inkluzivuno thay multietnikuno them, e ulavde fokuseya ani pozicia e kosovake Srbyengi, may buderi ani vrdloriguni Kosova.
Pozicia astarela:
Phikoipe vash phiravipe e politikengo kerindoy klaro kanleipe vash mangipe e kosovake Srbyune komunitetesko prekal:
a) Regularuno, manglevahtuno poltikuno raportipe vash puqipya kolencar arakhlona o kosovake Srbya, may buderi ano shtar uprune komune;
b) Regularuno angazhipe e politikanyencar e kosovake Srbyengo thay civiluno malipe;
v) Regularuno angazhipe thay raportipe vash puqipya kola siton vash Srbyuno ortodoksyuni khangeri.
Realizinen proyektya kola phikoinena kosovake Srbyune komunitete, kultivinena socialuni kohezia thay dena phiko ani inkluzivuni multietnikuni Kosova.
Dena phiko vash e buti e Britaniaka ambasadako ano promovipe e butyake thanipesko ano molipya e respektipesko, profesionalizmo thay kreativiteti.
Yaver obligipya kola manglona kotar lenyuyno menajeri thay mangipya e ambasadako.
Yaver mangle janipya:
- Ekselentune janipya e hramima thay verbaluna komuikaciako ani anglikani thay srbyuni qhib (minimaluno niveli C1 sar si pe CEFR);
- Penjaripe e politikuna situaciako ani Kosova thay mothavde kanleipe e puqipyengo kola silen qalavipe pe kosovake Srbya, may buderi ani vrdloriguni Kosova;
- Zorale analitikune janipya thay siklipya kay o kompleksune informacie kanleingyon thay irangyon ano koncizune thay qaqune raportya;
- Zorale interpersonalune thay komunikipeske janipya: janipe e butyako thay komunikipesko efikasune ayekha vi korkore sar ano timi;
- Zorale organizipeske janipya thay but shukarni sama ano detalya;
- Janipe e vazdipesko thay qalavipesko ano purane interesime riga;
- Kanleipe thay janipe e kanleipesko e pakyavipesko e butyake puqipyengo;
- Iranipe thay janipe e butyako pedral presia.
Mangle kvalifikipya:
Univerziteteski diploma; mangli kotar e politika vay malipeske skencie;
May angle eksperienca vash phiravipe e proyektengo, leindoy kotor monitoripe, evaluipe thay procesya e siklipesko;
May angle eksperienca e butyaki ano publikune institucie, mashkarthemutne organizacie vay lokaluni BRO;
Neso kotar o butyako janipe e albanyuna qhibyako.
IT janipe ano programya e Microsoft office (Ekcel, Vord, Pover Point).
Vash may buderi informacie dikheni o avutno linki: https://fco.tal.net/vx/lang-en-GB/mobile-0/appcentre-1/brand-2/user-715/xf-2f8a89ea1a4a/wid-1/spa-1/candidate/so/pm/4/pl/1/opp/23754-Policy-Delivery-Officer-KOS24-377/en-GB
Paluno vahti vash aplikipe: 27. oktobri 2024 bersh.
