Biraipkani organizacia Iniciativa e ternenge vash manushikane hakaya (YIHR) puterla poro shtarto trin masekuno programi e bursengo vash panj studentya kotar e Kosova. Akava yekhuno shaipe dela shaipe e ternenge kotar o sah etnikune komunitetya ani Kosova te keren buti ano ververutne organizacie e civilune malipesko ani sah Kosova kolengo sheruno fokusi sito manushikane hakaya, keripe e tehnipesko, thay arakhipe e nakhipeya. Programi gndisalo vash te phikoinel vazdipe e profesionalune kapacitetengo e ternengo thay te del hor butyako shaipe ano biraipkane organizacie kola kerna buti e jenencar e haricune komunitetengo ani Kosova, vash te kergyon o purtya e komunikipeske thay ledeipe mashkar olende.
Prekal o burse ani hulay biraipkani organizacia, ayekha vi ka keren rodlaripesko proyekti kova ka ovel sar edukipesko thay informativuno shey vash yaver terne ano avutnipe. Lugipe e stipendiengo ka ovel ano periodi kotar (3) trin maseka, ji kay e ajukerdi data kotar sherdipe e bursyengo sito novembri 2024 bersh.
Interesimeo kandidati musay te biqhalen poro CV thay motivipesko lil pe anglikani qhib ani adresa apply@yihr.org , ano hramipe e emailesko te mothaven „Aplikipe vash Programi e Bursengo vash tehnipe 2024“
Vash may buderi informacie te dikhen o avutno linki:
https://yihr-ks.org/sr/otvoreni-poziv-program-stipendiranja-za-mir-3/
https://yihr-ks.org/sq/thirrje-e-hapur-programi-i-bursave-te-paqes-3/
Paluno vahti vash aplikipe: 17. oktobri 2024 bersh.
