Kosovaki Kadastreski Agencia (AKK) thay Ministria e Andrune Butyengi (MPB), vay Agencia vash Civiluno Registripe, kharde e sah dizunen te registringyon vay verifikinen piri adresa e beshipeske thaneski. Kharipe shay te arakhen ano avutno linki; https://mpb.rks-gov.net/f/57/7923/-Njoftim-per-funksionalizimin-e-sherbimit-%EF%BF%BDDeklarimi-i-Adreses-Zyrtare-te-Vendbanimit
Akava obligipe phanglola ano sah dizune e Kosovake thay kotar 1. avgusti akale bershesko mothavela sheruni kondicia vash vastipe e ververutne publikune servisyengo prekal e platforma e-Kosova, numay vi ano komunake institucie.
Sar si pe detalya ano sayti e AKK, ji pe agor e avustesko 2025. Bersh buderi desar 480.000 dizune registrinde piri adresa, ji kay procesi e registripesko pandar si pe nakhipe.
Registripe vay verifikipe e adresako shay te keren ano duy ovipya:
- Prekal e platforma e-Kosova – dizune aplikinena ano poro konto, alosarena e sekcia „Adresa“ thay pherena o mangle detalya.
- Direktune ano komunako ofisi – dizune shay te nakhen ko sevalutne e registripeske servisyengo vay kadastri, kote ka dengyol olenge azhutipe ano procesi e registripesko.
Registripe vay verifikipe e adresako ka del shaipe vash:
- Bi aqhavdo akcesi ano sheurne dokumentya (bianipeski certifikata, mothavipya thay konfirmipeske lila) prekal e-Kosova vay personalune ano komunake dokumentyenge servisya,
- May shukar organizipe e lokalune thay themeske publikune servisyengo,
- May efikasyuno akcesi ano sastipeske, edukipeske thay postake servisya,
- Laqhardi evidencia e dizunenge beshipeske thanesko.
Vash pherune informacie dizune shay te nakhen ani Kosovaki Kadastreski Agencia prekal emaili akk@rks-gov.net vay telefoni +383 (0)38 512 353, sar vi Ministria e Andrune Butyengo ano gendo +383 (0)38 200 76 572.
