Ministria vash komunitetya thay iranipe penjargya sar vasno musaipe vash bayaripe e kherenge gendosko ano rami e programesko vash stabilizipe e komunitetengo, sar vi adminsitrativune pharipya kola iklona ano aplikipe, sar si o procesi e kustikipesko, ilakako aqhipe thay ayekha yekhune. Vash akaleske ikalgya kharipe vash identifikipe e prioritarune familiengo vash keripe e kherengo.
Vash aplikipe sito musayutno deipe e avutne dokumentyengo:
– Mangipe kotar MInistria vash Komunitetya thay Iranipe vash keripe e kherengo
– Deklaracia vash khetano hulaipe
Prioriteti ka thewren o sicalune qalavde familie, terne prandime qiftya e buderi qhavorencar, korkore hramarne dadalarya thay manusha e invaliditeteya, kola ka theren shaipe kay anglune te oven ano akava vasno procesi.
Vash te sigurinen transparenca thay hakaipe, ministria ka lugyarel e lista e prioritetengi e aplikantyengi kola ka formiringyon kotar 1. Novembri jip e 31.decembri. Palo akava periodi, komisia e MInistriaki ka kerel e lista e potencialune keutnengo kola pherena o kondicie e pheruna dokumentacia thay sigiripe e procesesko. Akaya lista dela shaipe vash klaro definipe e prioritetengo thay anglipe e jivdipeske shaipyengo odolengo kolenge si may musayutno.
Khargyona o sah interesime te biqhalen o mangipya prekal e posta ani adresa: Shehi e Daja Tereza, Fush Kosova 12 000, vay elektronikuna posta ano request.mkk.mzp.mcr@rks-gov.net . Te sine kay si musayutne pherune informacie, shay te kontaktinen amen ano telefonesko gendo 038/20016509.
Kharipe shay te dikhen ano avutno linki:
