Ministria vash Finance, Buti thay Transferya miratingya mothavno vash phiravipe e Pherune pokipyengo vash Qhavore thay Lahuse.
Ano laqhardo mothavno leparena informacie sar si pe nakhipe:
Pherune pokipya vash qhavore
✅Sah qhavore kotar o bersha 0 ji pe 16 bersh kay siton rezidentune ani Kosova silen hako vash vijaipe kotar o pherune pokipya vash qhavore
👶👧Familie e 1 vay 2 qhavorenca – vijainena 20€ ano masek vash sakova qhavoro
👧👦👧Familie e 3 vay may buderi qhavore – vijainena 30€ ano masek vash sakova qhavoro
Aplikipe ovela kotar o daya e qhavorenge prekal platforma eKosova, thay o love phiravena ano olako bankako konto. Ano sure kana o daya yaverinde o jivdipe vay na siton themutne e Kosovake, o dat vay krisyuno dikhlarno shay te aplikinel e mangla dokumentacia.
Ano specifikune situacia sar:
🔹 Divorcime dadalarya
🔹 Day mekhla e qhavore
🔹 Dikhipe dendilo e dadeske e kriselinyaka decisia vay kotar QPS (CSB) – aplikipe ovela kotar o dad kova sile e rola e krisyune dikhlarnesko.
📎Ano sure kana o qhavoro sito ano rezidencialuno beshipe, odoya ver o aplikipe ovela kotar beshipesko entiteti vay autorizimo butyarno kotar entiteti kova puterla yekh konto bankako kote depozitingyona o love e pherune pokipyengo vash qhavore.
Pherune pokipya vash o lahuse
✅Hako vash vijaipe silen o sah lahuse rezidentune ani Kosova:
☑️Lahuse bizo buti – vijainena 325.9€ ano masek vash 6 masek rendoa, te sine kay sine bizo buti may hari 9 ji ko 12 palune maseka anglo bianipe (sar sip e detalya ano ATK).
☑️Butyarne lahuse – vijainena 325.9€ vash 3 masek rendoa.
Aplikipe kergyola andar 90 dive kotar e datake bianipeski e qhavoreski.
⏳Verifikipe e pheripesko e kriteryengo vash vijaipe
▶️Te sine kay qhavoro sito biamo ani Kosova thay palikipe vash pherune pokipya ovla andar 3 masek kotar o bianipe, vijaipe miratingyola automatikune bi therdo mangipe vash pheruno verifikipe.
▶️Jiu kay ano sure kana qhavoro sito biamo avri e Kosovatar, vay aplikipe ovela palo 3 masek, odoya ver o subyekti nakhela ani verifikipeski procedura, kote rodingyona o pherune dokumentya vash te notadeinen o hako vash vijaipe.
Departamenti e Socialune Skemengo Skemave Sociale (DSS) sila hako te rodel dokumentacia vash verifikipe e kriterengo:
🔹 Certifikata e beshipeske thanesko
🔹 Mothavipe kotar e shkola vash regularuno nakhavipe
🔹 Mothavipe e vaksinipesko kotar sastipeske instituicie
🔹 Elektrikaki faktura
🔹 Registripe e familiarune amalipesko ano ASK, ty
Ani sura e napheripesko e dokumentaciako, shay te ovel pezulipe yekhvahtuno e vijaipesko ji ano pheripe e mangipyengo vay aqhavipe e vijaipesko ani sura kay rezidenca e vijayutneski na verifikingyola.
📬 Te sine kay ovla pezulipe vay aqhavipe e vijaipesko bizo nesavi mothavdi decisia, vijayutno sile hako te biqhalel rovlarin ani Komisia e Rovlarinyengi andar 30 dive kotar akceptipe e decisiako.
ℹ️Vash may buderi informacie vash ovipe e aplikipesko, procedura e verifikipeski vay kriterya kay manglape te pheren vash te vijainen kotar pherune pokipya vash qhavore thay lahuse, ruyjina tumen vizitineni o linki sar si pe nakhipe: 6a0302bd-eec7-4525-8e17-14b9dbca8cd7.pdf
