Ministria vash Edukipe, Skenca thay Tehnologia thay Inovacia informinla kay puterdilo kharipe vash registripe e instituciengo vash rano qhavoripe ano Programi e Kuponyengo. Akaya ver, kharipe astarela o sah komune e Kosovaka Republikako, kote kerna buti licencime privatune thay publiko-privatune institucie.
Programi e Kuponyengo kova ka phiravgyol ji pe yuni 2028, sile pe resipe te phikoinel o registrime qhavoren ani Skema e Socialuna Asistencako, prekal rimbursipe e instituciengo kay dena edukipe thay transporti vash qhavore.
MAShTI informinla kay, kobaripe e rimbursipesko vash edukipe e qhavoresko ka decisingyol kotar o tregoski timin thay mangli komuna, ji pe 150 euro ano masek vash qhavoro.
Pokipe e transportesko ka uqhargyol numay vash institucie kay dena akava servisi, ji kay o kobaripe ka decisingyol kotar e Komisia vash Notadeipe e Aplikipyengo, phanglo e komuna thay dromeski distanca.
Ano akava kharipe shay te aplikinen ini institucie kotor e pilotipesko ano komune Prishtina, Gilana thay Lipyani.
Registripya siton putarde kotar 25 avgusti jip e 8 septembri 2025 thay realizingyona prekal e elektornikuni platforma: https://ekosova.rks-gov.net/Security?ReturnUrl=%2F597
Khargyona sah institucie e edukipeske vash rano qhavoripe kay te aplikinen vash registripe ano programi. Palo olengo registripe, ka putergyola ini procesi e aplikipesko vash qhavore.
